شبكة بلاد ثمالة




جديد الصور

جديد البطاقات

جديد الأخبار

جديد الفيديو

جديد الصوتيات

المتواجدون الآن


تغذيات RSS

01-31-2010 07:30 PM

في يوم الخميس 1/8/1430 هـ بمناسبة الحفل الذي أقامته شبكة بلاد ثمالة لتكريم المتفوقين . وبحضور مشائخ واعيان ثماله وعدد من الجمهور الكريم تشرفت بتقديم هذه القصيده


ياثماله الوافين وطوال الشبور=ياغاية المقصود يارمز الاناه
الشعر من صدق المشاعر والشعور =وانتاج فكر(ن)ماتغير مستواه
ولا انا مالي بكشخات الظهور=لكن عوى لي ذيب وجاوب عواه
سلام عود ازرق محليه الحضور=في حفل تكريم الاوائل مبتغاه
مبروك ياسرب الذيابه والنمور=والشكر والتقدير مضمونا سراه
ادخلتم الفرحه علينا والسرور=يارافعين الراس يانور السراه
ماضاع مجهود الليالي والشهور=ياصانعين المجد ياجفن وذراه
طلابنا في كفي اليمنى عطور=وبكفي الثاني من الخاطر وصاة
العلم ميراث القبايل والعصور=رحابه الواسع يبارينا سناه
العلم للعليا تراخيص العبور=شرط الحماسه والاراده والدهاه
العلم طب النفس وعلاج الكسور=مافيه داء الا وحضر له دواه
وصلا لرواده بساحات القبور=مجدا لطلابه ويطربنا هواه
عزي لحال اللي نحت صم الصخور =اعمى بصيره والقلم ماهو عصاه
جهله مركب من علامات النشور=مايدري ان الجهل فيروس الحياه
حظه معوكس من دبور(ن)في دبور=يموت ماحصل من الواقع مناه
مايستوي عالم وجاهل فالنقور=الا بقلب(ن)زاد في الدنيا عماه
الجهل مايبني رجال ولا قصور =والجهل ماخلف لحد سلطه وجاه
ياطالبين العلم في سن الزهور=لو قلت شكرا للسويدي ماكفاه
احمد عريب الساس مايلحقه جور=لا بارك الله في عطا ماهو عطاه
صميدع(ن)قرناس له فكره ودور=يالله لا تقطع من الدنيا رجاه
ياربعنا التاريخ مايشهد بزور=والمنتدى بدرا تعلى في سماه
بجهودكم نبني الى العليا جسور =ونمدها بالمجد لقصى منتهاه
يالله ياعالم خفيات الصدور =تحفظ وطنا من اراجيف وطغاه
يبقى مدى الايام شامخ ومعمور=والوالد الباني مكاسبنا رضاه

تعليقات 0 | إهداء 0 | زيارات 496


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


تقييم
1.01/10 (14 صوت)