شبكة بلاد ثمالة




جديد الصور

جديد البطاقات

جديد الأخبار

جديد الفيديو

جديد الصوتيات

المتواجدون الآن


تغذيات RSS

01-31-2010 07:40 PM

جيت يامرزوق والله منزل السبع المثاني=يسر المنطوق والهمني بهار الشاذليه
جيت بالهيل المريكاني وعود الزعفراني=والهجوس اللي توقد بالسلام وبالتحيه
يابو نايف ماتوانى هاجسي ولا عصاني=له على رد المثايل بالمثايل مقدريه
ماطفى زندي وصواني وتعبير اللساني =شايف الجمهور والعسكر وقواد السريه
ماحداني الوقت واسلوب الجهاله ماحداني=افهم المجنون والصاحي وابو عشرين نيه
الفكر ماهو اسير لغايتي ولا مكاني =اعرف الواجب عليكم واعرف الواجب عليه
انت ربان السفينه والهدف بر الاماني=وانت سرحان المواقف بالكثير وبالشويه
الحقايق يابو نايف ماتدور مكلماني=مانلحقك الملام ولا نلحقك الخطيه
مايلام المرء لو زادت تهاويل الزماني=ولا يلام مقدم الحسنات دافع كل سيه
التعاون نصر والوحده مقابيس الحساني=والدلايل شمس يالربان ماتحجب بفيه
قالب الفكره مطوره الحماسه والتفاني=والمعرف مايعرف ضد مجهول الهويه
ياسفينة نوح سيري بالدقايق والثواني=والمدد والعون مابين الشهامه والحميه
منتدى الثملان مرفوع المكانه والمباني =مانواري به ولا نخذله في صبح وعشيه
طاب حظه فوق نجم الجدي وسهيل اليماني=كاتبين المجد بوسام الفخر والشمس حيه
اقتدينا وامتثلنا في عشر ولا ثماني=مانغير مانبدل فالحروف الابجديه
الحكيم يسوق فكره بين طيات المعاني =لا يماري بالخطا ولا يدندن بالخطيه
ياهل الخيل الاصايل جيت والسابق حصاني =وانتم اهل الطيب والذمه من الذمه بريه
الفصاحه والبلاغه والخطابه والبياني=منهج الشعار لا جات القويه بالقويه

تعليقات 1 | إهداء 0 | زيارات 490


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


التعليقات
#137 [المشرف abonayf]
1.13/5 (7 صوت)

02-03-2010 02:29 PM
بارك الله فيك ابا علي

لا ربان بدون مساعدين اكفاء من امثالك

دمت بحفظ الرحمن


تقييم
1.29/10 (8 صوت)