هذا ما يسره الله لي في عجاله
والمعذره ان كان هناك قصور .. لاني استعجلت وجيتك بالمطلوب ..
آمل أن يحوز على استحسانك والمتابعين ودمت صحة دائمة

ألا يالله طلبتك يا عظيم الشان ياقيوم=تجملنا مع اللي جايب الحكمة وطالبها
أنا ماني بحلال العقد بالفاس والقدوم=ويمكن جيت ازينها وتلقاني مخربها
إذا ما خاب ظني جبتها. والا من المعصوم=أببذل كل جهدي ياعوض ماني مجنبها
تراها كل يوم نطيح بين احضانها ونقوم=ونعشقها وهي ياقبح منظرها ومذهبها
وفوق القبح والمذهب نفسها ياعوض مسموم=وتغدر كل من يبغى على قولك يصاحبها
ولا تسوى جناحات البعوض ولو يزيد السوم=وتنقص كل ما زادت ولا تحمد مناقبها
تراها (الفانيه) تفنى وتفني والخبر محسوم=ولا ظنيت يربح من قضى عمره بجانبها
ومن تفنى حياته في رضاها وحدها محروم=إذا مالله عظيم الشان يستر من عواقبها