|
الله يسامحك يزهور
الله يسامحك يزهور
آه وا علباتي آه وا كراعي آه وا خنافري . آه آه آه . وا عضروطي وا عكني آه وا كرافيسي . آه آه الله يسامحك يزهور جبتيها على راسي يناس اليوم كنت مقوطر بحماري ملقي بلاد ثماله الا وهاك السياره الي صافطه قدامي ونزل منها اربعه حمير ملثمين يكرم حماري عنهم من كل باب نزل واحد منهم اقتربوا الخباث مني وعرفت انهم مدورة شر لكن من حظهم ان البندق في الخرج ولا فيها صفر وانا واحد وهم اربععه ..آه آه وا علابيه. قالو يمنقاش تعرف زهور . قلت يا جماعه يذكرون لي ان جدة خالة بنت عمي كان اسمها زهور الي امها زهره وابوها زاهر. وانا صادق . قالو . تمام عليك وبعد تبهلل . وهذا هو سبب انك مسوي نفسك زهور . قلت يلجواد سمو بالرحمن . مثلي يصلح اسمه كعتور كنداث عرفج فطام وش يقربني من الزهور. قالو لا يامروح انت وحمارك . انت تكتب في العنتر نت حق ثماله واسمك في العنتنترنت زهور الريف . كنت اضحك احسبهم يمزحون . الا وهم مستحبيني برجيلاتي من على زاملتي وعلى الارض . ومثلكم يعرف الكثره تغلب النجابه ما خلو فيه ضلع الا اوجعوه ولا محل يعور ومعور الا عوروه وفغلصوه حتى خلوني بين الحياه والموت وسمعتهم وهم ماشين يقولون علينا الحرام لن ما شلت اسمك وغيرته من زهور الريف لسم رجال انك لنقبرك حي . آه آه وا عضاريطي . راحو الحمير عني بعد مرغوني ورمو ببردعة حماري عليه وطردوه لمكان مدري وين حتى هالحزه . آه آه وا عكاويه . شوفو لي دبره يا ربعي . ترون الخباث يبي يقتلوني يحسبوني زهور وانا المقهور. وتكفين يا بنت عمي يزهور فكينا من المشكله |
رد : الله يسامحك يزهور
اش الظرافة هذه يا منقش
أضحك الله سنك اخا العرب ولا تشمت بزهور ترا اللي فيها كافيها |
رد : الله يسامحك يزهور
ياولد يامنقاش فاكر العمدة
والله الجماعة هدولا الا ضربوك خبل مرة اش جاب زهور الريف البنت الحلوه الامورة لواحد زيك بدوي منتف اكيد انته واحد تبغى عند البنت هدي ( معناها بالمكاوي تبغى تخش خانة ) وهية اكيد واعية ومسقفة وما تخيل عليها الاعيب الواد المنقوش والا المفنوش والا المفقوش دا روح ياواد يابدوي ارعى غنمك احسلك وشوف حمارك راح فين وسيب بنات الاكابر للي يقدروهم ويفهموهم صحيح سكتناله دخل بحمارة امش يابدوي العمدة صاحب السير |
رد : الله يسامحك يزهور
والله ونعم ياعمده
كفيت ووفيت في منقاش المرفوس انتبه شكلك بتروح مع اسير في ابونكله طططططططططططططططططططططططططاط |
رد : الله يسامحك يزهور
الله يسعدكم يالي تعرفوله هذا المكحي اللي حالته وحالت حماره واحد يبي يتكلم في بنات الاكابر يبويه ما تشوف لك فحم وتروح تبيعه على حمارك اللي شكله رايح زي .................. مقدر اكمل ، كملوا يالجاويد ترو منكاش كاش ويبي يزيد كشه ، روح ارعى غنمك والا روح لسواني حقتك يا بدوي منتف . نحن نعرفك ونعرف وشك هذا اللي زي ......................... ما اقدر اكمل كملوا يا لجاويد ................................
|
الأخوه الأعضاء .. آمل من الجميع الألتزام بقوانين القسم وعدم الأساءه لبقيه الأعضاء ولو عن طريق المزاح قوانين القسم: http://www.thomala.com/vb/showthread.php?t=5755 |
رد : الله يسامحك يزهور
لالا مظلوم يامنقاش
زهور شاعرة وانت ماعندك من الشعرحبة واللي يشوفك ويشوف حمارك يشفق على حالك بس هذولي ماعندهم نظر وأكيد مايكررونها معك مرة ثانية تطمن. |
رد : الله يسامحك يزهور
قلبي معاك يامنقاش من جد بس والله انا اسفه ما اقدر اقدملك شي الا ما يلي
الاول انك تعلمني باساميهم اذا عرفتها وانا امحطهم لك بقصيده تهجرهم من الديره مثل اللى قبلهم والثانيه اني ارسلك على صديقنا بن داخل يقلون عنده نحل عساه يمرخك بالعسل وتتعافى والثالثه اني ارسلك على اسير الصمت يقلون عنده قداحي ما زيها كل يوم يثور بها على جيرانه من الفقعه اللى في راسه حتى طيرهم من الحاره خذها من عنده ودافع عن نفسك |
رد : الله يسامحك يزهور
كل من ذكر اسير الصمت لعله قصد شيء
لكن ترى والله نقدر الإدارة ونستحي من الرفاقة وما ودي اخنبق |
رد : الله يسامحك يزهور
يثماله حمار رفيقكم منقاش ضوى شر مضوى .مهطبل بذانيه ومسهم بعيونه وابي من العيشه وبطنه لاصق في ظهره والرشمه ماهي عليه والتبع راح . وبعض عدته راحت .
يا بنت عمي يزهور . يا عزوتي ثبت بشاهدين على اثنين وجوني المجرمين وزادوا اعترفوا . باقي اثنين نبغي نتكد واسعل عنهم مضبوط ونخليهم حتى تثبت عليهم ومعهم خمسه محرضه على الرهاب . تكفين يالجيده بنت الجواد ابغيك هلحين تصلخين بكم بيت الاثنين الي اعترفو وعليهم شاهدين وهم بن عزاب وبن داخل . تكفين ابردي قلبي فهالثنين قبل الثلوث بقصيده تخليهم يتلثمون ويدسون وجيههم عن القبايل . وان كان تقدرين تخصين معهم بن ابي محمد لجل انهم قالو الرجال شجعهم مدري زعرهم وغواهم ما قلعتهم العفنى. تكفين لا تلهين وانت مذكوره بالخير ونصرة المظاليم . تكفين يا صاحبة الميقاف الي ان قالت توفي . اشفي قلبي من بن داخل وبن عزاب ولا تقولين لي خلهم مع البقيه والا كاني والا ماني . الباقين يبي يجيهم نصيبهم وخيرك واجد وانت تغرفين القاف من بحر . تكفين يعزوتي . آه آه واقهرك يا منقاش وا عكانينك وااا علابيك . |
رد : الله يسامحك يزهور
يخس عليك يا منقاش , كنت أحسبك حر .
يامنقاش مدري كرداش : هو من هو الرجال ابن الرجال اللي يطلب من المره تقف معه؟؟. زهور ما تقدر تقول معك بم , ولا تقدر تهجي أحد من اللي مرمطوك ومرغوك أبن داخل والا أبن عزاب والا غيرهم .. شوف أن ما قلت قالها الرويعي , رايحه تعذرب وتدور باب والا طاقه والا حتى صرف صحي حتى تبرر وتعذرب وترجع في كلامها . يا منفاش ما انت منفاش : فشلتنا يالبدو ,,, مضروب ولا أخذت بثارك ؟؟ ومدور مناصره من زهور اللي وليه تدور من ينصرها .. وانت يا عمده لا عاد تسب البدو , منقاش ما هو بدوي ولا هو منا حتى ياخذ بثاره ؟ والبدوي ما يعلم باللي سار عليه حتى يدفن غريمه ولا يصلي عليه . داخل عليك خذوه يا عمده أنت وزهور , المنفاش لا هو منا ولا فينا ... |
رد : الله يسامحك يزهور
يا رويعي الغنم لا تستبق ألأحداث .
أتصور أن زهور صقره على قد كلمتها ووعدها , ولا سألت عن طقعان ابن داخل وطقعان أبن عزاب . واذا جفلت والا خورت والا مطمطت واجلت ولا وفت بوعدها وقتها نقول أنها دجاجه ثماليه , وان خرجت عن الخط وتركت خصوم رفيقنا منقاش وتعرضت غيرهم فهي فرخه مصريه ولا هي ثماليه . بس أبن شداد يتوقع انها ما هي جبانه حتى تعود وراها . بخصوص منقاش : تراك اخطيت عليه وسبيته والرجال سياسته مزدوجه ما هو مثلكم يا اهل الغنم أحاديي التفكير. يعني يطالب بالحق ويعبي البندق والذخيره ويطلب الله الخيره . وما ضاع حق ووراه طلاب ... |
رد : الله يسامحك يزهور
ابشر باللذي يسرك يامنقاش
ابشر باللذي يسوئهم اجمعين الاولين منهم والاخرين القصيده جاهزه باقي شي واحد ماني شايفه بن داخل وبن عزاب وش ردهم على هذا العلم والله اني خايفه انهم تمردغوا منك ولايكونوا في العنايه المركزه هالحين يقلون اللى يعرفونك انك منت بهين وياما جا عليك هيات من عشرات الرجال ومردغتهم وما ضنيت انهم سلموا منك خصوصا اني سالت عن بن عزاب المقربين وقالوا والله انه اكبر فراك ولا له في الهوشات والا بن داخل شراني بس يقلون انه ما يقدر يسوي مشاكل في الديره خاله ماخذ عليه حفل وكفل قبل لايزوجه انه يكف شره ولايرفع مشعابه على احد هالحين انا ماحطتهم ماحطتهم الله لايعوق بشر بس ابغيهم يجون ويعترفون على رؤس الاشهاد والا يقدمون الدليل على برائتهم من التهمه |
رد : الله يسامحك يزهور
أبنتي الشاعرة زهور :
ما هكذا تورد ألأبل , وما هكذا الشرع ولا العرف . الشاهدان على من ادعى واليمين على من أنكر . والمفروض لو حكمتك الأطراف أن تطلبي البينة من منقاش واذا عجز عن البينة فاليمين على المدعى عليهم المنكرين ,فأن أمتنعوا عن اليمين فذلك كافيا لأدانتهم . هذه القاعدة شرعيه ومن مشى بغيرها فقد حكم بغير ما أنزل الله , ولكنك مع أحترامي لك لست حكما بينهم وانما شاعرة نكب بسببها أحد المواطنيين الثملان المغفلين عاثر الحظ منقاش وحماره . أنت يا زهور سبب نكبتهما ووعدت الرجل على هذا الموقع طالبة أسماء من يتعرف عليهم من الجناة لتمرمطيهم بقصيدة تشفي صدور ثملان مؤمنين ,,, فما الذي غيرك ؟؟. أهو صدق تنبؤات رويعي الغنم ؟؟ , أعوذ بالله أن تكوني كذلك .. أهي خصلة من النفاق فيك بأخلاف الوعد ؟؟ . حاشا لله أن تكون ثمالية بنت ثمالي تربية أبوين ثماليين أن تكون منافقة مخلفة لوعدها.. الجواب لديك , والخيارات معدودة ومحدوده ولا أظنك ألا وفية قوية على وعدك لمنقاش , واعلمي أنك ألآن على محك التجربة لنعرف أتبر زهور أم تراب ؟؟؟... |
رد : الله يسامحك يزهور
يبنت عمي زهور يا عزوتي الي قالت :
قلبي معاك يامنقاش من جد بس والله انا اسفه ما اقدر اقدملك شي الا ما يلي الاول انك تعلمني باساميهم اذا عرفتها وانا امحطهم لك بقصيده تهجرهم من الديره مثل اللى قبلهم هذا وعدك يبنت العم ولا علينا الا شمات وشهودي جاهزين . وانا كما قلتي ما ينشق لي غبار لكن المعتدين اربعه وانا واحد . |
رد : الله يسامحك يزهور
اقسم بالله مو فاهمه ايش السالفه .. >>> داخله عــــــــــــــــرض
بليز فهموني ولا ترجمولي ... زهوووره \\ الظاهر ناوين ينتقمو منك ... >> انا قايلتلك نعمل حزب نسائي بس إنتي الله يهديكي ما وافقتي ... :) هع هع منقاش عندك شي قابلني .. هع >> ناويلك على نيه .. بس انتا اصبر شوويا >> مع اللحن خخخ |
رد : الله يسامحك يزهور
زهور الريف
صدق يابنت عمي قدها و ما اقول غير الله يمحطك بالعفو والعافية لا تاخذك بهم لا رحمة ولا مزنة وخاصة سوسة الحب بن عزاب والا بن داخل رجال ما ني خابره راعي دنفسة ومنقاش طويل لسان وما جاه حقه . |
رد : الله يسامحك يزهور
وا عضروطك يمنقاش الي ما عاد تقدر تقعد عليه
يبنت عمي يزهور آآآآآه ما بي من قهور . تكفين المجرم الثالث طلع . طلععععععع ولسانه اندلع . تكفين حطي في الزقيبه معهم بن سلمان آآآآآآه منك يبن سلمان يظالم نفسه وظالم رفيقه منقاش ومسوي نفسك منحاش. والمحرشين طلع اول واحد منهم وهو خلف عبد العزيز خلف عبدالعزيز خلف عبدالعزيز تكفين صكيه بقاف معهم يخلي له وزيز. وابشركم يثماله حماري اليوم طلع ورفع واحده من اذانيه واوما بذيله. يبنت عمي امحطيهم بسرعه وبعد كم يوم نبغي محطه ثانيه الله لا يعوقنا للمجرم الرابع ومعه خمسه محرضين ونبغي محطتهم لوحدهم . يعمده تكفى طل علينا بزياره وشبك على الواد البدوي منقاش وليتك تسير عليه في الديره اوريك وديان كثيره منها وادي بنت عمي زهور الي امتلى بالفير والقرود وقلت بركته آووووه وااااعكانينك يامنقاش يا مس ثماله اتركيك وانا عمك من مكاين اللبايش . ولا تخافين على زهور . ما تشوفيني على فراشها انتظر نصرتها ووقفتها معيه كما وعدت بنت الرجال. |
رد : الله يسامحك يزهور
يااا منقاش
لعلك لقيت الدواء والله اني حزنت في حالك لكن معوض خير وانت تعرف المثل اللي يقول إذا طاح الجمل كثرة سكاكينه |
رد : الله يسامحك يزهور
يامنقاش مسا الخير
والله يساعدك على المجرمين بن داخل يقول انه متفق مع رويعي الغنم وكم واحد مترصدين لك يبون يجيبون اجلك لا تقول المنسم ما قال لي ترى انا ما احب الفتنه |
رد : الله يسامحك يزهور
لله انت يا منقاش
مؤازرة ومناصرة لك انزلت موضوع تحت اسم زمن منقاش نصرك الله واعلا هامتك |
رد : الله يسامحك يزهور
منقاش ان كان تاخذ نصيحتي
لا تقبل تعويض الا فلوس واذا عطوك اياها جبها وانا احطها لك في مكيرش الحج جاي وبيجي ذبح في الغنم شوف رويعي الغنم الحين عنده اكثر من خمسة شبوك في منى بايع منها الى الحين ثلاثة |
رد : الله يسامحك يزهور
منقاش يستجدي بزهور لكي تنظم قصيدة فيمن أوسعوه ضربا وهوليس بالسهل وله أفعال مشهورة وهذه القصيدة للشيخ/ عائض القرني خص بها منقاش :
يا ابا منقاش احســـنت فزد *** فعلكم يا ابن العلا فعل الاسد الاباتشيانت من اسقطتها *** برصاص مثل حبـــــات البرد يافتى دجــلة زدهــــم لهباً **** أمطـــر الجـــو ببـرقٍ ورعــد دكدك الظالم ومــــّزق جيشه **** ادفنالباغي وقطّع من جحد كن كميناً كن جحيماً كن لظى**** كن عذاباً من زوؤاماًورصد اشحــن البنــدق بالــنـار ولا **** تتقي الموت فإن الأمر جــد اذبـــح العلـــج علـى خيبته **** ثم رتل قــل هـو الله أحـــد اهـــجر الدنيا ولاتـحفل بها**** لغبــيٍ أو جبــــاناً يرتــعد الـــذي لاهمـــه إلا الهوى **** يوم خان الله ذو العرش الصمد نحنبالإيمان أقــوى منهمُ**** ان صدقنا في جهــادٍ وجلد حسبنا الله علــىطغيانهم **** فهي أقوى من عتادٍ وعُدد قل لميسون كتبتي قصــة **** كــــبرالمجد عليها وحشد كل حسناء بكم تاهت على ***** صهوة الجوزاء عن أبٍ وجد والغواني شرُفت لما رأت **** عزم ميسون حمى أهل البلد عقدها فيجيدها شرفها **** وبجيد النذل حبل من مـسد .. __________________ |
رد : الله يسامحك يزهور
يارفاقة الظلم أجهى عنا بالمطر
قولو لمنقاش بن داخل يقول لك وللي يسمعون أنا موصيني حياة ابويه الله يرحمه ويقول الهفره لا تحط ايدك فيها أنا لو ابلعط أحد فالديرة دورت رياجيل عليهم الكلام يوم الواحد يتمدح بلعطهم يقلون والله نشمي مثل ابن أبي محمد ورويعي الغنم والمستعين بالله واما هذا اللي لا خير فيه ماغير محدر ومسند قطع ظهر الحمار يبا ينصره ربي عليه قولو له بن داخل مايبثن يديه فهفرة الزم ماك في سماك وأنا عندي علم جديد يوم وصلتني الدعوة تنشدت عن مكان اللعطه وقالو ليت ماهي عند القبر المنصدع واللي لعطوه أبو اسم انقليزي وابو عبد الرحمن ومعهم واحد يتهمون انه المحرض ماعرفوه يقلون لابس له عباه وعليه مصدع ملتثم به واليوم ياابن أبي محمد بجاهك على منقاش يجلس معنا للحق فالفاهه اللي تفوه بها يلعطونه الرياجيل ويخوضون بطنه ويلهدون عكنه وعلابيه ويروح يتبلى علينا وبعدين انا جاكم علمي مع زهور لابغيت اقاتل مااقاتل فالديرة وبن عزاب ليت ماهو هو اللي علمهم بمصداره لين لاقوه الرياجيل وانا أخاف ان منقاش حصل له شي خذو علمه وحصوه وقصوه وشوفو وش فيه من أصاويب وانا راضي زهور لي وعليه وان كان تبونها مامونة معاديل تروها من بيت شياخة ورزقي على الله |
رد : الله يسامحك يزهور
أبو عادل
ليت ماهو انت الرابع من يوم قمت تمدح في الهفرة فانت تراك متهوم خلك عاقل |
رد : الله يسامحك يزهور
الله المستعان
انتم كده ياالبدو ما فيكم حمية لبعضكم الراجل الي اسمة منقاش مسوي فيها الولد الي ما ينطرح ومع زالك ضربوه الرجاجيل وقام علي قولكم ينتخي بجماعتة يفزعولة ويشفوا مين كسر عكوته مدري عكاوية وزلابيطة ما لقي في كل جماعتة الا حرمة !! وكمان يبغاها تفزع لة بقصيدة قصيدة ايه ياراجل يكسروا فيك العكاوي والزلابيط وكل هذي الخرابيط الى قلتها وتبغى بس قصيدة اش هدا ياواد فين عتاولت جماعتك ما فزعوا معاك هاه قلي والله غريبة |
رد : الله يسامحك يزهور
مساكم الله بالخير اجمعين
اسمعني زين يامنقاش انت زبنت عند البنت وخل الشنبات ترقد ازهل العلوم كلها مرستكه القصيده في اللمسات الاخيره وبن داخل وبن عزاب وبن سلمان وقعوا في شر اعمالهم وانا متاكده انهم هم قلال المهذهب اللى مردغوك ودفسوا خشمك في التراب عليهم من الله ما يستحقون بس على كل حال الشله اللي قاعدين يتهبلون بدون فايده بس على الفاضي ابن ابي محمد وراعي السواني ورويعي الغنم ومشتاق تراهم كلهم خراطين والله ما فيهم رجال وينتفع به الا المستعين بالله ابو عبدالله ونعمين به وستين ونعم اسمع انا خلاص قررت امحطهم ما فيها شك ولاريب بس عاد ودي احط النقاط على الحروف واعطي كل واحد على قد جرمه اللى ارتكبه عليك ابغاك تحدد لي بالتفصيل من اللى دهك علابيك و من اللى دهك عكاويك ومن اللى دهك عضاريطك وكل واحد لازم تحدد لي فعله الشين وصل الى فين انا اتوقع بن سلمان انه هو اللى خلط قصابينك لانه رجال يقلون راعي ركب تخرط البطن هيا علمني وابشر بالخلاص وانا بنت الريف ياعزوتي يامنقاش |
رد : الله يسامحك يزهور
صح قولك يابن داخل والله يرحم الابو اللي عقبك , من متى رجال في هامتك يلتفت لوجه بن فهرة , وانا هنا اكلا عنك وعني تهمة باطلة وما هو والله من قل شر , لكن نفسي وان ظلمت ما تهوى الهلامة من الرجاجيل , ان ناطحت ناطحت الهزبر , والعلم انب به على زهور تعرفين البدو راعين جاهلية واليمين عندهم طارفة , تركدي يا بنت عمي لاتاخذك العزة بالاثم
|
رد : الله يسامحك يزهور
لا إله الاالله ياجماعه
بن داخل مايجي الا للشر والمشاكل انا خابره لكن تراه بري و انا يامنقاش ولا يهونون القارين استقصيت في العلوم بصفتي املك دورية امن لان الموضوع وصل الحكومه حتى وصل جمعية الرفق بالحيوان عشان الحمار حقك وثبت ان المتسبب الاول والاخير والمدبر للعطتك هي زهور الريف والعمده وزهور تراها تقتل القتيل وتمشي في جنازته وكنها ماسوت شيء والعمده يكره البدو والزوامل عشان وهوه صغير طاح من على زامله وهذي تراها تحريات امنيه دقيقه وماقال بن داخل عن ابواسم انقليزي والمدير الامن قهر الرياجيل اخذوا من عنده عسل للملال حقت العيد ولا حاسبوه وهذي قضيه لوحدها يطول شرحها اما بالنسبه للي لعطوك فهم التاليه اسماؤهم الاول بن سلمان وتسبب في تخريط الامعاء الثاني مشتاق الباكستاني تسبب في سحق العضاريط الثالث برشلوني تسبب في لمخ العلابيب الرابع ابوعادل الحيه كان يراقب الخامس بن عزاب الداهيه تسبب في دهك العكاوي وانا اذ اعلن ذلك حرصا مني على استتباب الامن داخل الاستراحه وقمع الطغاه الحاقدين قائد قوة امن الاستراحه فريق نياااااااااهههههههههااااااا فريق وإلا نادي اقزوز منسم |
يامنقاش
أنا في الرياض لاشفت ولاسمعت شي أبد لا احد يعبيك عليا ثم بكره النهار تجيني وتبتليني وعلى قول العمده روح دور اللي دهكوك وكسمروك |
رد : الله يسامحك يزهور
اصبحنا واصبح الملك لله
كان النور مثل شاهد الزور علم الأقزوز أوله زين وتاليه كما وجهه بن سلمان غار آمن يأتيه رزقه ماله فاالموضوع دخل بس تبلون عليه وانا عارف ان زهور لها عليه بعض الملاحضات لكن هذا مايعني اننا نصادر مواقفه الحسنة ونهدم مجده اللي بناه على جماجم عتاولة وجبابرة ابو رماد أقول اللي بلغني ان راعي العباه هو أسير الصمت والظاهر ان العباه لابسها علشان يغطي شي من قبيح صنعه والا وش أجع عكاويك يامنقاش والرجال جا يبي يتلحوس على زهور وجاه فاله فثفاله قال مالها الا الهلامة منقاش ماله أحد ينشد عنه الا حماره وراح وسوى الشي اللي يقبح وجهه مع رفاقته بس لا تكبونه والا زهور ياعيني عليها بنت اصل وفصل لا زمة بيتها وعند دروسها ماتحب التبرج والسفور والدليل انها دايم تطلب تيزار شرط اساسي لحضور اجتماعاتها مع أعضاء المنتدى ولم يتسنى لها ذلك لأن المنتدى فيه من البراليين من يدعو لنزع الحجاب ومشاركة المرأة وهي تأبى ذلك فكيف لها ياقزوز بمجالدة الهفرة منقاش على شوف طوال الشوارب ....................................المتحدث الرسمي باسم زهور |
رد : الله يسامحك يزهور
علمك غانم يا ولد عمي يابن داخل
لكن المسالة ما هي رمي تهم , اللي عنده بينه يبديها , وعلوم الخنبقة تقعد في صدور اهلها, لكن العلم اللي يجيك يابن داخل ان مالك علي يمين ان ما جا للعلم نقا وقصرو شر ان فردي ثاير ولن طاح في يدي منقاش على هفرته وهلامته اني لانسيه حليب الحمارة اللي شربه سنة القحيزبان اللي ليته اخذ عمرة , ما غير ينهق على خلق الله صالحهم وطالحهم , لا وهي رضعتين كيف لو هي ثلاث والا اكثر . |
رد : الله يسامحك يزهور
سلام يلجواد
أبشركم حماري امس والبارح و اليوم الصبح اكثر واليوم الظهر مضبوط ورافع اذانيه ويتشبح يمين ويسار وشبحته زينه واكل شوية ظرمه لكن بالكاد يمشي عكانينه باين توجعه . يبنت عمي يزهور الريف بخصوص سعالك كيف ظربوني الهلافيت: الخساس سحبوني من على الزامله هاثم دخلوني في بطانة تبن ولفوها عليه من فوق الاقدام حتى الراس وبعدها لفوا من عليها وعليه شراع مضاد للحريق والرصاص ثم من فوق هذا كله لفوا عليه حبل حتى ما بقي مني باين الا راسي واطراف اقدامي تبدي وظنيت انهم يبون يحنطوني زي الفراعنه. وحتى هالوقت ما سو بي شي غير الي ذكرت لك يبنت عمي . بعدها طلعوا مداسي ورموا بها ثم انثنى ألأربعه الي عرفت منهم الى هالحين ثلاثه وهم بن سلمان وبن داخل وبن عزاب وابتدوا يعضون ويرضعون في اصابع رجيلاتي ويقولون يا زين حليبك يزهور وقعدوا يرضعون حوالي ساعه وتسعاطعشر دقيقه وشوية ثواني تقريبا تزيد سويعه والا تنقص سويعه عساهم بالضيعه. بعدها قالو ا لي يمروح تبطلك من الكتابه باسم زهور في انت نتنترنت ثمال والا ندخلك الجنه , يقصدون يتسببون في استشهادي . حلفت لهم اني مانا زهور وابو لا يصدقون الانذال , كانو يطلعون في سيارتهم ويربطوني فيها بحبل ويسحبوني بها حتى انخلعت عكنة السياره وطلع عضروطها ثم عودوا يريوسون ويقدموت ويوخرون ويفحطون من عليه حتى حسبوني استشهدت ثم اخذوا بردعة حماري من عليه ورموها عليه وطردوا الحمار . هذا سبب الاوجاع الي في العلابي والعكن والعظاريط . بعدها روحوا الرمهان عني وبقيت حتى جاني فاعل خير من اعضا العنتتنرنت وفكك عني اللففات. تكفين يعزوتي يزهور يا نخوتي تكفين في الظلمه الثلاثه ومعهم المحرض والمحرش لهم خلف عبد العزيز . تكفين امحطيهم محط وبقوه قلال المروه . عسى ربي ما يعدمني منك يبو عادل: الي قلته صحيح وعايض القرني مدحني قبله مرة بوش والكلنتنيه اللي قبلها الي اسمها هلاري ونجوى كرم وزرقاء بلاد ثماله والجزيره وغيرهم كثير ما اقدر اعدهم . |
رد : الله يسامحك يزهور
يا جماعه جاني تلابيه علوم يبغي لي اتركد منها
العلوم علوم ما هي زينه واللي هي عنه مثير للريبه . يقول لي واحد لا يكون ان العمده متورط مع خلف عبد العزيز في تحريض الهثنفرالهلافيت الاربعه الي عرفنا منهم هالحين ثلاثه . بس يزهور نبغي محط العمده مع الدفعه الثانيه بعد نحتفل بتخرج الثلاث الولايف ومحرضهم خلف . اخويه مشتاق . ونعم بالمشتاقين كلهم وامهاتهم وجداتهم . اشكر حميتك وشهامتك مع منقاش . اخويه بنك المعلومات . عندي شوية قريشات صارها وحاسد نفسي عليها من بيعة حمير ابغيك تبصر لي فيها عساها توالد قريشات ثانيه. بس ترى قريشاتي ما تجيب الا توايم اربعه واكثر . |
رد : الله يسامحك يزهور
يولد عمي ثمالي برشومي لا تخاف . انت بري حتى يجي عليك شاهدين ولو كان في البدايه برق فيك قفلك للماضوع وكنت اسعل نفسي واقول ورى الرجال يبي يدفن الماضوع .
لكن تطمن ولا تحط يدك على راسك اظن انك بعيد عن الشكه ولو كنا في زمان مهول ما عاد تقدر تبري احد حتى لو كان ابو عبدالرحمن . |
رد : الله يسامحك يزهور
وجهي حلو يابن داخل واحسن لك اهجد ترى انا صرت مشرف واقدر اسوي عليك حضر تجول في الاستراحه واخليك تقعد في المنتدى العام مع العميد وصوره
|
رد : الله يسامحك يزهور
اسمع يا منفاش
امحق من رجال زدتني عيفه فيك من يوم تسلم على جواد , لا يكون حاط لك على ظهر الحمار مسجل وفي الخرج محفظة شرايط , صدق ان علومك متبنة مثل علف حمارك , ما لك علي يمين اني امني نفسي اني مع الرجاجيل اللي لعطوك , كان والله لضوي البردعة على ظهرك والحمار اركبه على البردعة , لكن ما كتب الله اتوطاك لكن الصيف وخير ان شاء الله |
رد : الله يسامحك يزهور
عسى ربي يمسي ألأعضاء والقراء بكل خير , وبعد :
الله لا يفضحنا ,, الحقيقه اني ما احب أشقر عصى القبيله لكن مالعمل مع هذه البليه. يا اخواني فضيحه جاني بخبرها اليوم ساري الليل والمعتصب بالشر , يقولون انهم لقيوا ابن داخل وابن عزاب # # في الوادي # # # # مع العقل اللي على روسهم . يقولون أن تبع حمار منقاش قد اقتسموه هالنشامى الأثنين وحاطينه عقل على روسهم . ويقول ساري الليل انه عرف التبع بنسله لونها كونفشاني مخلوط بقمحي اسود على ابيض بمبي . وللحق يقولون ان ابن سلمان ما كان معهم في # # الوادي . انتهى الخبر . المهم تكفين يزهور لا تمسحين البلاط بأحد غير ألثلاثه الولايف والرابع اللي غرر بهم من اجل عيون وخنافر وحدة الجماعه وعدم شق عصا القبيله. وعجلي كل شي في وقته طيب . .................................................. ........... التحرير بواسطة بن سلمان |
رد : الله يسامحك يزهور
بشرى للمحبين لمنقاش وحماره
ابشركم الحمار أصبح وامسى تمام . تحرير اقزوز منسم اهجد يامنقاش |
رد : الله يسامحك يزهور
ابن داخل وبن سلمان وبن عزاب ثلاثه اشرار****توطوا في عكن منقاش ولاسلمت عظاريطه
هذا مطلع المعلقه اللى رايحه تهججكم من الديره يامجرمين ياللى ما تخافون الله ولاتتقونه والله اني احس قلبي يتقطع من الغبن والقهر على هذا البديوي المسكين اللى لاحمار له ولابغله في مشاكل المنتدى اه يالقهر من جد اه ثم اه خمس مية اه واه تصدقون ياجماعتي ياحلوين ياطيبين ان اليوم وبالتحديد قبل المغرب بقليل كنت عند وحده من صاحباتي طبعا عصرية حريم مثكلم يسمع عنها ماني قايله يعرفها ههههههه المهم جات وحده انا والله ما اعرفها تصير جارة صاحبة جارة اخت صاحبة جارتنا وطلعت طبيبه في احد مستشفيات الطائف المهم جارتنا ماحطت في فمها مويه وسكتت راحت تقول لها انتي ليه ما تدخلين على النت وتقرين للشاعره زهور الريف في منتدى ثماله قالت الطبيبه ايه على طاري ثماله قبل كم يوم كنت مناوبه طواري وبعد صلاة المغرب جانا حاله من ديرتهم الله لايوريك قمزت انا طبعا وقلت خير انشاء الله قالت ابد والله جانا اربعه رياجيل منهم واحد يقلون اسمه روعي الغنم والثاني اظنه راعي بنده مدري الصواري قلت لها قصدك السواني قالت ايه ايه ....... طيب وبعدين قالت ابد شايلين لهم رجال في بطانيه اسمه منقاش مخلط على بعظه وفيه من المغوضه الله لايوريك مدهوك دهك ويقلون ان ناس جالدينه ...... طيب وبعدين قالت ابد اسعفناه والله الحقيقه ان فيه اصابات ما تنعد منها اللى ينقال ومنها اللي ما ينقال قلت مثل ايش قالت ابد والله ظهره من راسه الى رجليه اخظر لدم لدم وخصوصا العكاوي مركز عليها بالحيل بالحيل والعلم فيه ما فيه المهم قمت وجلست جنبها ابغى اخذ العلم على اصوله يوم دخلت راعية البيت وقالت هيا تقهوا الله يحييكم وقمنا للسفره وانقطع الكلام بس انشاء الله اني ابصلها خلال يومين واجيب العلم على اصوله وساعتها ياويلكم ياضلمه وانت يابن داخل تراك المتحدث الرسمي باسمي من زمان لاكن ان كان هذا الكلام صحيح والله ليكون علوم |
| الساعة الآن 03:46 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by