ثرمده من هنا وهناك 3
 

تصدقون عاد جيت بكتب موضوع ثرمده ثالثه ما لقيت حاجه اكتبها وامس يا كثر المواضيع بس الضاهر الواحد اذا ما كتب اللي بخاطره وقتها تروح عليه ونا شكلها راحت عليه لا تقولون وش كنت بكتب امس مدري صدق يعني كان فيه اكثر من موضوع بكتب عنها وروحت قلت ( في عقل بالي ) ياولد اسرقلك فكره من أي منتدى وغير فيها شويه وحرف في الكلام ونزلها ما احد بيدري عنك وبعدين وشبك اول واحد يسويها حتى الكتاب الكبار يسرقون من بعض والشعار ماهم بعيدين عنهم واذا ورطو قال ( توارد خواطر ) .
بينقزلي واحد هالحين ويقول طيب وش نسويكلك هذا انت طلعتنلنا بسالفه ماهي جديده روح شوف كل المواقع على النت يسرقون من بعض وكل واحد يقول (من بنات افكاري ) " فاصل هجوله " ( الا على سيرة بنات افكاري ليش دائما الفكرة يقولون عليها بنت طيب ليه ما قالو من اولاد ولا رجال افكارهم وش معنى بنات ولا عشان البنات حلوين وطيبين وبنحبكم ) " عدنا هروله " المصيبة بالنت يقولون نبي نتميز وموقعنا لا يكون فيه سرقات ومن ذا الكلام اللي يوم تقرأه تقول هذا الموقع شكله فلته ولافيه منه اثنين يوم تقلب الموقع الا وانت على اللي لقيته بالمنتدى اللي قبله والحاجه الوحيدة اللي مسموح سرقتها البرامج هذي عندنا بالعرب ترونها حاجه لا تصنف في عالم السرقة تدرون عاد ليه لأننا ما نبرمج ولا نتعب في شيء بس خذ من الأمريكيين والأوربيين وحتى الروس واشتغل مع الناس ومالك ومال وجع الراس بينما في الدول الاخرى امريكا مثلا لو دخلت بجهاز برامجه مسروقه لعبو في حسبتك اذا ما صادرو الجهاز عليك .
...................
الا على سيرت المواقع قريت كم موضوع بموقعنا شدني امران الاول بنات تضاربوا وطبعا النخوة لازم تحظر اجل تحسبونها بس عند الرياجيل حتى بناتنا فيهم نخوه على طول تنادي اختها الكبيرة ولا جارتها اذا كانت امها نائمه تفزع معها ويقلبونها اقصد المدرسة حلبت مصارعه وترون هذي لها فوائد كثيره في السلسلة التعليمية " فاصل هجوله " يقال ان السلسلة تبدأ من البيت وتنتهي فيه يعني حلقات مترابطة البيت المدرسة الجامعة مرورا بالشارع والسوق واي حلقه من السلسلة ما تكون مربوطة وتطيع بالشارع مثلا ولا تسحبها على مويه تصدي والله يعين صاحبها وقتها يروح يدور لحام عشان يردها من جديد وعادة اغلب حقين اللحام والسمكرة عندنا مشي حالك ولا يدور مزيل صدأ ولا بويه عشان يعيد رشها, انتبهوا كلا يحافظ على سلسلته ) " رجعنا هروله "اقلها عملية تهيئه لممارسة الرياضة مستقبلا بمدارس البنات ويخرجون شويه من الطاقات المكبوتة عندهم .
وبعدين ترو الطائف بناته اكثر من رجاله وكنت قدمت نصيحه ان كل واحد في الطائف يحاول يتزوج الثانية عشان يكون سمننا في دقيقنا وبناتنا لا يخرجون برى ترو الغربة شينه على بناتنا ولها اثار سلبيه على نفسيتهم وبعدين كيف بناتنا يخرجون برى ولا يسكنون قرب اهلهم الله لا يقوله .
.....................
ارتطم شاب بعجوز .. وبدلاً من أن ،يعتذر منها ، ويساعدها بالنهوض عن الأرض .
أخذ يضحك عليها !! ومآ إن همّ وبدأ يستأنف سيره
نادته العجوز قائلة : لقد سقط منك شيئاً .. فعاد الشاب مسرعاً ، وأخذ يبحث فلم يجد شيئاً .... فقالت له العجوز لا تبحث كثيراً، لقد سقطت مروءتك ولن تجدها أبداً ......

وصدقت العجوز فمن سقطت مروءته مهما حاول ان يستعيدها فلن تعود كما كانت ان عادت .

وكما تعودنا دائما لطشه خفيفه ضريفه
ومن قبل الدعوة بان يثني سيكون الامر اسوء بالنسبة له

واقول لخواتنا المتزوجات شوفو كيف التأديب ويجب ان يتناسب العقاب مع الجُرم

V
V
V




V
V
V





V
V
V





V
V
V


http://www.thomala.com/upload/upfiles/ukd97683.jpg

رد: ثرمده من هنا وهناك 3
 

أسعد الله صباحك أيها المنديالي
على فكره تراني أهلاوي ولا تقول ما علمتك
مريت أمس على الأحصائية اللي أوردها صقر قريش ولاحظت إن عدد النساء بالنسبة للذكور ليس بالعدد اللي يدعوك تنادي بالتعدد , حتى إن مجنونها الله يذكره بالخير علق على تعليقك ويبدو إنه حسبها بالآلة الحاسبة وطلع معه إن اللي يبي يعدد لا يمكن يستطيع فالنسبة تكون لمن أراد أن يعدد أن يتزوج 1.11
يعني تزوج لك مره ورجل أو يد وحبذا لو تكون أم يد هذه فيها عصا مكنسة

رد: ثرمده من هنا وهناك 3
 

أصبحنا وأصبح الملك لله والحمد لله لا إله إلا الله وحده لاشريك له. له الملك وله الحمد وهو على كل شئ قدير.رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده. رب أعوذ بك من الكسل وسوء الكبر رب أعوذ بك من عذاب في النار وعذاب في القبر .
ما تركب في راسي إن الرجال يدور ثرامد ولا يلقاها , وكنت أتمنى إنك لو راسلتني وقلت طلبتك يا مجنونها كان سديتك اليوم عنها , وتراني أبفتن بينك وبين صاحبك أبو مهند شكله ما يحب اللون الأصفر وأمس يوم إنك أطريت الباندا وجريتني للثرمده قام وحرر علينا
طبعاً إلى هنا وهو صح وما ألومه ويمون لكن عاد اللي خلاني أمسك رأسي و أشد شعري على الرغم من إن حلاقتي على رقم 4 تعرف يوم جمعة وأحب رقم الخليوي , أقول اللي خلاني أمسك رأسي هو السبب يقول فيه ثرمدة تفتح باب للثرمدة
قلت معقولة .. عادي أنا يمكن ما يعرفني ولا يعرف العنبر اللي نازل فيه
لكن العاقل المونديالي وصاحبه كيف يقول عليه إن يبي يثرمد في غير مكان الثرمدة.

على طاري التعدد ما لك ولغيرك إلا الأماني
يقولون آخر الزمان يتزايد أعداد الإناث مقارنة بالذكور حتى أنه يقال أن من علامات القيامة الكبرى أن تكون النسبة بين الذكور والإناث 1 إلى 40 بمعنى مقابل كل رجل سيكون هناك أربعين إمرأة .

تحياتي

رد: ثرمده من هنا وهناك 3
 

رد: ثرمده من هنا وهناك 3
 

رد: ثرمده من هنا وهناك 3
 

وصباحك ومسائك وكل اوقاتك يابن سلمان

اهلاوي هذي احسن من غيرها اقلها طال عمرك ماعنكم سنتره للكوره زي غيركم <<< مقصد احد

العدد مؤشر خوفك يزيد وربعنا ترى يادوب من وحده ثانيه هذا اذا قدرو وما الارجل والايدين الزايده تروكم مخدومين فيها
مجنونها بيجنني بتعليقاته وياخوفي يتسبب بايقافي هو وتعليقاته لكن وقتها صدقني لا اخرب عليه زيي ولا اسرق اسمه وسوي طامه في هيثم ولا ابو عبدالرحمن واخليهم يوقفونه .

امما عصا المكنسه تراها موجوده ببعض البيوت ويمكن توصل لاكثر بعد

فيه زميل قديم الله يسترعليه مدري وينه الان كان اذا سهرنا الى الساعه 10 مايكمل بعدها , ويوم اخرناه وصلته انا عند بيته ومشيت لقيت الطريق مسدود ورجعت مع طريقي بعد يمكن عشر دقايق والمح بعيني الا والرجال باقي عند الباب ويكلم بالحرمه اخذني الفضول جلست اراقب حوالي نص ساعه وهو عند الباب وتركته وسريت ارقد والله العالم بعدي وش صار .
بعض الحريم لو ربي عطاها عظلات كان لمخت الرجال وكسرت شوكته لكن اللهم لك الحمد ان الله عرف للشوكه .......

احترامي وتقديري

رد: ثرمده من هنا وهناك 3
 

............

رد: ثرمده من هنا وهناك 3
 

رد: ثرمده من هنا وهناك 3
 

اللهم امين على ما دعوت به و يارب لا تأخذنا بأعمالنا واعفو عنا واغفر لنا وارحمنا

يا مرحبا بصديقي

ترى ثرامدي مع بن سلمان لا تصدقها ابدا انت ما ابلغ عنك ولا شيء يمكن ابلغ عن بن سلمان لكن مستحيل مساعدي على الثرمده .
اما الثرامد فصدقها ترى احيانا يمر على الواحد واتكلم عن نفسي يمر على وقت ما القى ما اقوله مدري ليه يمكن الحالة النفسية لها دور وضغط العمل والتركيز بحاجه يخلي الواحد يضيع غيرها وكنت البارح خارج من عمل شبه مستمر تقريبا من الصبح لين بعد العشاء جداول وامور كثيره تدوش الواحد وتقلب دماغه وجيت مستوي ادور حاجه نضيف الدماغ ( زي الصيني بعد غسيله ) ولو اني ادري انك تبي تثرمد كان ارسلتلك رساله واذا بغيت بس علمني وثرمد بنفس العنوان ونفس الموعد وترانا فيها المرة الجايه تراها عندك يعني يوم السبت الجاي تراني رافع يدي الموضوع لك ( ثرمده من هنا وهناك 4 ) تثرمد فيه قول تم .

ابو مهند الله يحفظه رجال ولا كل الرجال صديقي هو بعد ورئيس جهاز الاستخبارات بحزب ( هاكونا متاتا ) "مشروط عليه ذا الاسم والشعار بالتوقيع ما اغيرها "صح انه يتبع لون مش ولابد لكن نبي نصايده يمكن يعود ويغير انتمائه للون احسن مثل اللون ( الاصفر , الاخضر ) لونين احلى واجمل بس ازرق لون ما حبيته يقلك من علامات الوفاة الله يحسن لنا ولعباده الصالحين الخاتمة هذا من علامات الوفاه تحول اللون للمتوفي الى الزرقة نتيجة توقف القلب وارتفاع نسبة ثاني اكسيد الكربون بالجسم واضن الرجال عاقل وما راح يستمر بهذا اللون .

ترى يمكن يعرف عنبرك اكثر من عنبري يمكن انك تعرف اي عنبر اسكن لكن ترى ما به الا انت واعتقد واحد او اثنين ثانين اما غيرها ما به احد .
اضن اننا محنا بعيدين عن اخر الزمان ان لم نكن دخللنا به لكن علامات 40 -1 اضنها علامه متأخرة شوي الله يحفظ لنا ولك مارزقنا علامه تخوف رغم انها جميله وترى يقولون ان فيه من يصل لهذا العدد واكثر بوقتنا الحاضر بالتناوب يثبت واحد والثلاثة الباقين بالتناوب والسرى وكلن وحضه من جاب جاب ومن طلع بدون له عيشه هنيه ولا يدور غيرها . ( الله يخارجنا من ثرامدنا ) .
يقولون بالشمال اللي ما يثني مو برجال ويعلمني من اثق به ان من يتزوج بواحده ويكون ذو موقع مرموق في العائلة وصاحب مال يهدى عليه من اعمامه او خواله احدى البنات , فقط يجهز المنزل ويشيل والهديه تكون اثناء عشاء يجمع العائلة كامله بما فيها زوجته .

رد: ثرمده من هنا وهناك 3
 

انتبه يارئيس الاستخبارات المفروض انت من يزرع الفتنه بين الخصوم مو انت اللي تتأثر بها
بعدين ترى موضوعنا هناك مزوح ورديت الاصابع قبل اكتب اكبر مما كتبت وترى كلها من مجنونها ولا وش يقصد يعني يقتبس الاحداثيات ويحطها انا دوري كان توضيح بس مو اكثر وراحت فيها مشاركتي لكن خذ راحتك صدقني ما ازعل حرر وبدل واحذف بعد اذا ودك مافيه اي مشاكل ومسموح مقدما .
اللون هذا بنشوف له دبره ويمكن انك تراجع نفسك ترى مضار اللون الازرق واجد
اما الانقلاب انتبه لنفسك ترى ابو تركي رشيني عليه واموره زابطه ومشغول الايام هذي اشوفه حاط دوبه من دوب مدارس البنات كاله شغله الا هم تجددت الاشتباكات ومدري وشهو يابويه اترك البنات في حالهم صدقني ان التفتولهم ليربونهم بس يبدو لي ان فيه دعم هناك للبعض ضد البعض والله اعلم .

رد: ثرمده من هنا وهناك 3
 

الله يخارجنا الحاجه الوحيده اللي ما احد يخسر فيها بابو لون فوشي هي الثرمده يعني اذا ماكسبت منت بخسران

بعدين لو نسلم من المخبر الله يخارجنا منه هو موضوع العمر هذا مدري منين جابه يبغى يخرب علينا وانا فيه ناس يحسبوني كبير وكنهم محترميني شويه ناس يحسبوني صغير ويقوللون نثرمد معه ونعطيه على قد ثرمدته وهذا جايني بموضوع يبغى ( اللي مايشتري يتفرج ) هي وش اسوي فيه .

ابشر صدقني ان الله اعطاني عمر لا اخصص لهم ثرمده خاصه اجيب عاليها واطيها بس تراك انت اللي طلبت يعني التخبيص عندي والحمايه عندك

بعدين تعال ابيك بهرجه خاصه : شوف تبي البي طلبك اللي قلت عليه شوفلنا طريقه تخلصنا من مخبر وموضوعه ولاتنسى الموضوع الثاني حق البنات العضلات اللي فاردين ريشهم واخذ الناس منا قول تم ....... تم ( ترى مو تهديد يعني مابخدمك الا تخدمني لا موقصدي بس كلك مفهوميه ) خخخخخ

رد: ثرمده من هنا وهناك 3
 

رد: ثرمده من هنا وهناك 3
 

رد: ثرمده من هنا وهناك 3
 

دام للمنتديات عطاؤك
أعجبني الكلام اللي فوق ولو إني ما أحب أعلق عليه كثير , لكنك أصبت القول فالرجل المناسب في المكان المناسب

ولو خيرك سابق لكن ما يحلى السبت إلا بك وأنا مالي إلا المرور وبدون ساهر
ليل الشتاء قاسية طويلة وما يقطعها إلا الثرامد مع شبة الضو وترمس جنزبيل بالليمون
سألني واحد من أصحابي ممن له خبرة في الدواجن وقال لي وش تعرف عن الديك الرومي
قلت يعني وش هو ؟ فصيلة من فصائل الدجاج
رمقني بنظرة وقال أصب لك جنزبيل يدفيك فقلت إيه
قال وهو يشرح إن الديك الرومي البري البالغ يكون له ريش كبير وله رأس أحمر ويمكن يغير إلى الأزرق في دقائق وله حنجره حمراء أو برتقالية وله أجنحة برونزية وريشه له أطراف نحاسية وخضراء وأرجوانية ( قلت رجعتوني للمنديالي يوم يتكلم عن محطة تراحيب ) و الذكور لديهم " لحية " تشمل ريش معدَّل من الذي يبرز من الصدرِ و في بعض الجماعات من الإناث لهن لحية أقصر وأنحف عادة من تلك التي لدى الذكرِ.
قلت وآخرتها كودو مسوي منه ساندوتش حبش تركي يحبه قلبك
قال إلى حد ما هو يشبه الطاووس ذلك الطائر الجميل
قلت إن شاء الله نسمع يوم إن بيتزا هت صنعت بيتزا من لحمه
قال أصب لك جنزبيل يدفيك .. قلت لا أبسري قبل تقفل المعزبه البيبان وأبات في السيارة

على فكرة شفت ابو خولة يوطوط على الموضوع وما شارك , عسى المانع خير

رد: ثرمده من هنا وهناك 3
 

رد: ثرمده من هنا وهناك 3
 

http://www.thomala.com/vb/imgcache/0...abd9bc69d3.jpg








http://www.thomala.com/vb/imgcache/d...149270e428.jpg








http://www.thomala.com/vb/imgcache/3...38643c0559.jpg








http://www.thomala.com/vb/imgcache/7...27e5d05c7c.jpg







http://www.thomala.com/vb/imgcache/1...4d3bf73039.jpg









http://www.thomala.com/vb/imgcache/9...c9131b3165.jpg

رد: ثرمده من هنا وهناك 3
 

ما شاء الله تبارك الله هذا أنت ما عليك قاصر
والسؤال عن مثلك وشرواك واجب وحنا نعذر ونقدر غياب الغايب فكلنا غني بإرتباطاته العملية والعائلية وترى المنديالي عطاني مشكور الجزء الرابع من الثرمدة يوم السبت والله يعيني عليكم و لابد أكون قدر الثقة اللي أولانيها فلا تغايبنا يكفينا ساعة من يومك

رد: ثرمده من هنا وهناك 3
 

اعتذر منكم جميعا لعدم التواصل خلال الفترة الماضيه وذلك لضروف حاستنا الله لايحوسنا واحد منها الاتصالات هذي الي بس ماغير تاكل فينا اكل عساهم بالعله .

كل واحد فيكم يستحق رد لوحده ولكن لضيق الوقت على الاتصال وانا ماغير متسلف اتصال عشان اتواصل معكم ويمكن يحلون المشكله شركة الانفصالات وخلال اليومين الجايه .

طبعا ثرمدة بكره عند مجنونها الله يعطيه العافيه ويعينه يثرمد زين ولا وصيك بالثرمده المزيونه

راجع لكم بعد ما نحلها مع هذي الشركه