ياقايلين الشعر
 

بعد التحية ــــ اكتب لكم قصيده من أحب القصائد إلى قلبي لما تحمل في سطورها من معاني مع تمنياتي أن تنول على إعجابكم و إستحسانكم


[POEM="font="Simplified Arabic,5,black,bold,normal" bkcolor="transparent" bkimage="images/backgrounds/1.gif" border="none,4,gray" type=0 line=0 align=center use=ex num="0,black""]
يا قايلين الشعر لشعر نُقاد=من لانقد نفسه يجد من نقدها
الشعر مثل الملح لنّــقل وأن زاد=وأن قل ملح الزاد قلل جهدها
وزاد(ن) بليا ملح ماهو بلي زاد=وإن زاد ملح الزاد سبب نـكدها
ألأوله تصعب على كل وراد=الموت دونا والثمالي وردهــا
والثانيه يبغالهــا عزم وجهاد=أُما عذاب الروح ولا سعدها
والثالثه دور لها عند حداد=لاشب ناره والحديده فردها
إليا سمع طرقي يغني بالانشاد=يقول أنا شاعر وعندي رددها
يحسب ان الشعر شيشه وبراد=ولا عصيده من دقيقه عصدها
قول (ن) بليا فعل راعيه وش فاد=كم كلمةً موت الرجل من بعدها
وأنا عرفت وشفت من كان حساد=الله ولا نفس(ن) تزايد حسدها
إثنين مالـم عن الشتم مشراد=وروح المودع مالها إلا لحدها
نويت أشّهربُم على روس الاشهاد=نشت ثعولا والصواعق بردها
رجلاً يعرف الحق للحق جحاد=وليا نصاه إثنين زود عُقدها
ماحلها بأسلوب زادا تعــقـاد=معه حميه والحميه قصدها
وفتن عباد لله حدرا ومسـناد=والعنصريه من بغاها وجدها
هذاك ماله بين الرياجيل مقعاد=شايل مقمع مايثور زردها
ومن كان شوره عند مركوز النهاد=يصبح على راسه بقايا رددها
يبغا رضاها طافي الضو لاعاد=بالخص لاقامت وهزت نهدها
وتمايلت بالخصر وزاد الحلا زاد=وعلى ميال الشَعر ظني عبدها
من شورها مرتبه ازواج وافراد= يعدها ولا يضيع عددها
وقال رايك وأقرب الناس وش فاد=وسلم على راسا ومتنا ويدها
ذولا اثّنين اللي عساهم بمجلاد=تفقده ولا من حياته فقدها
وقالوا الولد للخال ينسب ويعتاد=وأم الولد للخال تنسب ولدها
إن كان خاله كثير الترداد=راح الولد وأمه تصفق بيدها
وان كان خاله له وقفه ومقعاد=لا لاح براقا وحنحن رعدها
جاد الولد والجود من روس الجواد=من جود ربي جودها يا فهدها
والعلم علم الله ياراع الأرصاد=الأرض كوره والشوامخ رصدها
وحنا سوات الزرع وللزرع حصاد=والي زرعها لا هيا انه حصدها
الأبرهه من اليمن جاي منقاد=غازي بفيله ونهزم ما وردها
الأبرهه والفيل في خبت شداد=راحوا كما من راح واللي بعدها
طير إبن برمان فكه ولا صاد=الطير رفرف والحنش في نصدها
إن كان عنها يا أبيض الوجه نشاد=البدو يا جد علمها من نشدها
وأنا إبدوياً عشت نزال شداد=بدو(ن) تشد وبدو تنزل بعدها
مملك يقع خيمه و بّعير و شداد=هذي محاصيلي وهذي اجدها
[/POEM]

رد : ياقايلين الشعر
 

والله والنعم... بكل ما جادتت به قريحتك الذائقة..

قصيدة تضاف لشاعر كبير ...في اسمه وديوانه..

صح لسانك يا عم عيضة..

رد : ياقايلين الشعر
 

مساك الله بالخير يا بو فهد
مثل هذه الشامخة لا تغنينا عن الحماطيات
لا عدمناك ولا عدمنا علومك

رد : ياقايلين الشعر
 

صح لسانك يابو فهد ممتع في حديثك وفي شعرك

رد : ياقايلين الشعر
 

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ومن كان شوره عند مركوز النهاد =يصبح على راسه بقايـا رددهـا
يبغا رضاها طافي الضـو لاعـاد =بالخص لاقامـت وهـزت نهدهـا
وتمايلت بالخصر وزاد الحـلا زاد =وعلى ميال الشَعر ظنـي عبدهـا
من شورها مرتبه ازواج وافـراد =يعـدهـا ولا يضـيـع عـددهـا
وقال رايك وأقرب الناس وش فاد =وسلم على راسـا ومتنـا ويدهـا [/POEM]

صح لسانك يا بو فهد
من مثلك نستفيد

رد : ياقايلين الشعر
 

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وأنا إبدوياً عشـت نـزال شـداد =بدو(ن) تشد وبدو تنـزل بعدهـا[/POEM]
والنعم فيك وفي حالك
صدقوا اللي سموك البدوي

رد : ياقايلين الشعر
 

صح لسان ابو فهد

رد : ياقايلين الشعر
 

صح لسانك يابو فهد وبيض الله وجهك

علمك غانم وانت راعي العلوم الغانمه

ولا تطول علينا في اللي بعدها ترانا نشتاق لشعرك

رد : ياقايلين الشعر
 

صح لسانك يابدوي
عزالله قصيدة تبيض الوجه
لاعدمناك.

رد : ياقايلين الشعر
 

جزله من راس جزل
والله شامخه مثل صاحبها
مدرسه لابد الاستفاده منها