[@ بن سلمان @]

حي الله الضيوف على المجلس
فطر الرجاجيل يا مشتاق وبيض وجهي قدامهم
بصراحة كنت متوقع تواجد اكثر على الموضوع وكنت متفائل ابلقى مواضيع ومواقف وحوادث رمضانية ممكن تحدث لاي شخص فينا , لكن العشم في ان اللي غايب ومنقطع يكون على وضوء ويصلي في ركعتين والا يقرا في قران والا يتسبح , اهم شيء ما يكون نايم والا يظن انه هو الوحيد اللي صايم , اشوف هذه الايام كاثر على السنة الناس ( ياخي صايم ولا لي خلق في احد ) والا اللي لازم بيته ولا يبي يعايش الناس ( اقول ان شاء الله انها عبادة )
انا اذكر ايام القرية الليلة اللي ما احنا فاطرين عند ناس يكون عندنا في بيتنامن يفطر معنا وكانت هذه ميزة لرمضان واليوم اشوف حتى الاقارب يتوادعون من بعض قبل رمضان وكنه مسافر علشان يمسك البيت ( واتمنى تكون طاعة ووقفة مع النفس وما هي شوفة نفس ) وعلى قولهم يالله حيلة ..

من منكم جرب يرش صبة على سطح قبل المغرب
انا جربتها
واليوم تذكرتها عندي للبيت حوش ومقدمة8× 12 م واليومين اللي راحت جونا فيه هواء متحرك وجلب لنا اتربه وغبار وقرت في الحوش وقلت يا بو هبه لو تميلح لام هبه وتاخذ اللي وتغسل الحوش تكسب ود وتحتسب جهد وانت صايم ومن فتحت الماء وانا احس بجو ونشوة رجعتني لعام 1405 وابلل ثيابي واطرفش على الجدران والشبابيك وكل من جا حولي من البنات الين حسيت اني استحيت من وزارة المياة والكهرباء وحسيت اني قاعد اعبث واعود اسكر ( اقفل الماء لا احد يفهمها غلط ) الماء واطوي اللي واروح اغير ملابسي