[المشتاق]

ابشر بسعدك يابن سلمان
شوف الرجاجيل بطحي وحباطى
شوف لبو نايف عيونه قفى راسه ونظارته طايحة على خشمه لو تشاور له بالسبابه وتقول وش ذا قال يا زين الراك عطني واحد
وابو عبدالرحمن لا تنشد طاح في الشربيت لين سمعت طنين اذانه وتسمع صوته و هو محدر بطنه تقول صوت شيشة يجر فيها ما عندكم احد
والا المبرد كل شوي وهو غاط اصبعه في الشربه اقول خير يقول عشان تبرد
والضحك اللي تبي تضحكه من قلبك يا بن سلمان على المشاكس ومرمر زماني بقي حبة سمبوسة وهم يتهاوشون عليها فك ما تفك يدي سبقت لا يدي انا اللي سبقت وانا انادي فيهم استهدوا بالله وشبكم قال مشاكس رقاقها من وين جايبينه مقرمش ومزيون قال مرمر لا ولحمتها مرة حشوتها حلوة قلت اجل الحل عندي وانا اقوم افك لفتها واعطي الرقاق لمشاكس والحشوة لمرمر واكتفي شرهم
وبياض الوجه لك لكن اللي لاحظته ان ابو رامز ما كثر في الفطور وسألته قال مسوي رجيم بعض الحاضرين صاروا ينطلون عليه كلام وانه صايم من ورا الزير