[منقاش]

حليفي الدكتور مشعان : نعم , بيض الله وجه ابو عادل وكل من ساهم معه في أقناع حليفنا بالبقا بيننا , وانا ما دريت أن الموضوع جد , وكنت أحسبه مجرد كمره خفيه , لكن الحمد لله وعكه وزلت وألأمور عادت لمجاريها , واللي يرشك يا نجم برشة ماء نرشه برشة دم .
أما تبحثاتي واهتمامي بالحقه والبساس فالحمد لله اللي طلع منكم يا ثماله عالم واحد حتى ما يجي غيركم بأنشتاين وأديسون وهوانجو وغراسسكو وانتم بدون أحد .
وبعدين , وين الحكمه في الرد ؟ , أقرا رد الشيخ سلام وشوف المعزوفه اللي أبتدا يعزف عليها ويقول صدق الدكتور .
والختام , سلم لي على الشيهان وبلغه أن مكانه في حلف أبو نقشه , وادعي معي عسى ربي يهديه .
أخويه جيدو : بيض الله وجهك , وعلماء ألأمه ما يستغنون عن دعمك ودعم الرعيه ....
حليفي المرشح للطرد (لا قدر الله) بسبب سوء سلوكه الشيخ سلام : يا باحثنا القدير تبحثات منقاش في بدايتها , وأول الغيث قطره , وأول المسير خطوه أو حتى قطوه .
وبعدين , ليش عقدة الخواجه مستحكمه عندك ؟ , وليش ما تثق في بحث مقدمه ثمالي على حقة ثماليه وبساس سعوديه ؟.
وليش أستنكرت دخول البساس لمنتدى الحياه الفطريه , ولا أستنكرت العقارب والأفاعي والجرابيع والهداهد والسحالي والقهادي والدجاج اللي دخلها قبلي غيري ومنهم ابو عبدالرحمن ؟ .
يا شيخ سلام , وسع صدرك ولا تقيم أو تقوم بحوث ابو نقشه حتى تنتهي ,, يالله أنك تهديه .....