[منقاش]

الشيخ سلام الله يسلمه : لا ما نع أذا شفت في أفشاء السر منفعه للأسلام والمسلمين , ولا أخفي عليك أني كنت مالي نيه أرد على هذا الموضوع من باب المكيده بأبو عبدالرحمن , ثم ترفع عن الكلام اللي فيه كعر وما كعر , وعيفه في الشيكان اللي مدري من قحم مشرفنا العام فيها.
والحقيقه الثانيه , أن معنوياتي هاليومين هابطه بسبب سفر حليفي الوفي وساعدي ألأيمن الدكتور مشعان في مهمة بحث عن الموطن ألأصلي لأخواننا الصبابير أو الصمامير كما يسميهم .
وزاد دغثر عليه صفاء خاطري وخطر حلفايه عودة المخاوي للأستراحه بعد ظنيت أنه أنقطع رمسه , وفتور بعض أنصاري وحلفايه مثل الشاعر الكبير سنا الهجره اللي ما أستبعد أنه ما فتره ألا وسوسة السوسه المنحوسه اللي يقول له يا خالي ويسمونه الشيهان .
ابو عبدالرحمن : أن كنت تقرا ما بين السطور لاحظ أحتجاج الشيخ سلام على كتابتك عن ثلاث من الشيكان دفعه واحده , يا رجل أرعوي وفارق الشجاري وترى راعي صنعتين تعبان والثالثه ..؟ , يا رجل حتى الشيخ سلام ما عمره باع بالجمله كما بعت , ولا عمره نزل أكثر من شجره واحده في الموضوع الواحد .
وترى أن ما عرفت حدودك رايح أنزل بدال ثلاثتك ثلاثين شجره , ووقتها أعلى ما في خيلك أركبه , ويومها ترى شعاري عليه وعلى أعدائي , ولا يغرك حلفك مع الشيخ سلام , وتذكر أن حليفي الدكتور قشاش رهن أشارتي لو طلبت نصرته أو مر في يوم من ألأيام بطريق الصدفه وقرا أستغاثتي .