[بن داخل]

ياجماعة ترون الرجال الظاهر انه جاي
مصاب بإفلونزا الطيور يادافع البلا
ماغير يخضرط مره يطلع ومره ينزل
ماكنه يعرف إني رجال حقاني وراعي ذمه كبيره
ماأغش مسلم يقول لاإله الا الله
ولا جاني دايخ يبي يطمع فحقي وش اسوي فيه الرجال ياجماعة
يوم لديت وهو يتصل فيه ويقول ياولد عمي أخوك تعبان مركبه عليه الصخون
لي ثلاث ليالي ماغير أهذري أشوف نهار وأنا مركب حمار القايله على ظهري ومحدر به مع الأعرج
ونهار شفت فراس واقف جنبي ويقول لي يابن أم محمد انبح الضيفان جايه
وش رايك يابن عمي ماخليت ولا دكتور خسروني الله لايربحهم ولا حصلت ولا فايدة ماحواليك ياولد عمي عسل من الزين قلت له ابشر عندي عسل صفي
وعندي عسل بله . قال الحقني بكيلو من الزين قلت ابشر
رد على جيبه ومدني عشرين ريال قلت هذي ليش قال قيمة العسل
تعينت فيه وليني كني مستحي لا ارد القروش عودت مريت على تركي واخذت له كيلو بقروشه ووديته اياه ومعه فاتوره ويوم قراها زعل وقال انا أبي عسل ديره لو أبغي عسل تركي عرفت اشتريه
قلت له ياولد عمي لكل حجرة اجره ها ثم انه زعل عليه وقام يلفق في هروج انا منها بري براءة الذيب من دم يوسف 0
هذي من قيس هروج هذا الناقص 0
واما من قيس الفرقة كنا على فراش السوده والرجال يوم جا وقت السلم ولاه هو وبن عزاب يتلفتون في بعضهم 0
وبعد قليل الا وبن عزاب يغمزني ويقول تكفى يارحيمي افزع لي أنا وهذا المسكين بقروش لا تسود وجيهنا قدام السوده
تعينت في بن عزاب ولاه يطالع فالصعيد مكسوف بعيد عنكم وابن ام محمد ماغير يدحس كما المقروص عودت اذكر الله واحمد الله على العافية
واظهرتها وانا أعرف ان الثنين كلهم مايردون حقوق الناس لكن أهلهم اجاويد وارحام و النفس ماتقبل عليهم زاهقة
وهاه ياجماعة ان كان تروني مخطي ردوني للدرب
وانت يابن سلمان والله ماينفعك هذا الظلالي وابنشدك عن بعض هروجك اللي وصلتني