تطمن يا بعد عيني غلاك الروح والأنفاس
غلاك بداخلي نار صعب غيرك يرمدها
"عشانك" ينبع بقلبي نهر جاري من الإحساس
وأقول الله يكفينا عواذل ما تكدرها
بنينا حبنا الشامخ وقوّينا مباني الساس
لجل تصمد بوجه الريح مراكبنا في سواحلها
تخلينا عن الدنيا ورضينا بوضعنا المنحاس
ورضينا نعيش بالمقسوم على أبسط قواعدها
عليك أخاف يا خلي ترى هذي البشر أجناس
ناس قلوبها بيضا على طهرن تقابلها
وناس قلوبها مرضى ملاها الحقد والوسواس
تبي رسم الحزن وجهك تبي تحقق مقاصدها
تخير حبك ودربك وإخوة رافعين الراس
إذا مال الزمان بيمناك يقول أبشر سنا يدها
عساك بيوم ما تندم ولا يكذب بك الإحساس
وعسى تعرف .. غلاتك نار صعب أحدٍ "يرمدها"