[منقاش]

قبل أرد على ألأخوان واحد واحد , أحب أخاطب اللي عارضوا كلامي واقول :
يخوان ويش الشي الشاق اللي طلبناه منكم ؟, طلبناكم منع النساء من الكتابه في المنتدى ؟, لا , نبغيهم يكتبون بأديهم ورجليهم وأنا أول المشجعين لهم والمعارضين لمنعهم , وموقفي أنهم يكتبون مثلنا مثلهم , وهم بناتنا وأخواتنا وأعراضنا وبعضهم ضيفاتنا حتى لو كانوا من السنقال والا من المغرب العربي ومدقشقر.
هل نادينا بمنع الشباب من الكتابه ؟, لا , بالعكس , أنا أولكم حاولت أولادي يكتبون وينمون مواهبهم في الكتابه لكنهم مالهم شف , ولا أعلم من بيتي أحد غيري يكتب في منتدانا , وعيالي ما يطلون على المنتدى بالرغم من محاولاتي المتكرره أني أثنيهم حتى يشاركون أو على ألأقل يقرون كتابات ابو نقشه وشركاه اللي أغلبكم يعرفونهم , لكن عيالكم أذا كتبوا في المنتدى أنظر لهم مثل عيالي ولا أرضى لهم ألا كل خير واحاول أدفع عنهم كل شر بقدر أستطاعتي .
كل اللي طلبناه منكم أنكم تغلقون الباب اللي يجي منه ريح , مثل الصور الشبابيه اللي بعض مغازيها يعرفها كل لبيب فيكم , ومثل التخاطب بين الجنسين اللي تفوح منه روايح ماهي طيبه , من توددات , وتغنجات , وكركرات, ومزاح خادش للشيمه والحشمه والحياء ويعتبر مثار للشبهه .
ليه نتكلم علانيه ؟, لأن الموضوع هذا قديم وله سنين , وشبع نقاش وشبع أخذ وعطا , وأصحابه زاد عنادهم بعد أعترضنا عليهم .
بعدين , ليش هالأستماته من بعضكم في الدفاع عنهم؟,ليه تدافعون عن ناس يسيئون لسمعتكم وسمعة القبيله كلها ؟ ليه وأنتم تعرفون أنهم ما منهم أي فايده أصلا حتى تحرصون على بقاهم .
والله الكتاب اللي منهم فايده ونحرص على وجودهم سبق وقفتم أو علقتم عضوية بعضهم , وعدلتم أو حذفتم كتابات بعضهم , والمشرفين كان معهم حق في الحذف والتوقيف ولا طلع لا صجه ولا ضجه , لكن في هالقضيه حلمكم عجيب , ودفاعكم غريب .
وبعدين يا مشرفيننا الجدد وعلى راسكم الرجل اللبيب ابو نايف , المرض من قبلكم بوقت طويل وانتم مجرد ورثه في أدارة هالأشكاليه, لكن المؤسف أننا كنا نعترض ونناقش في موضوع خالف تعرف والمرض يزيد من باب التحدي والتعدي على شيمنا وانتم تفرجون ولا تحركون ساكن .
لا , هنه نقول للمخطين وقفوا , المنتدى لنا فيه أسهم أهمها سهم ألأسم ثماله , لكن أول ما نلجا لكم يا مشرفيننا ونقول بالله فكونا من هالروايح الكريهه اللي تفسد علينا نقاء الجو اللي نعيش فيه , وأذا تجاهلتونا كما تجاهلتم معارضات سابقه عذرونا وقتها نطرق باب القبيله وبعده نحتسب ونطرق باب الشرع .وسلامتكم .