رد: مـقـهـى ثمــالـة الادبـي رد: مـقـهـى ثمــالـة الادبـي رد: مـقـهـى ثمــالـة الادبـي رد: مـقـهـى ثمــالـة الادبـي رد: مـقـهـى ثمــالـة الادبـي
من أرشيف أخيكم سهيل ...
يا الله يالله يـا معبـود يـا غافـر ذنـوب العبـاد **يـا مطلـع فوقنـا تعـلـم سرايـرنـا وتدريبـهـا
ياللي عذابك نزل في قوم صالح ثم فـي قـوم عـاد **يـوم إنهـم كذبـوا بالأنبيـاء مـا فـاد تكذيبـهـا
إنك تديم الرخا والأمـن والنعمـة فـي هـذا البـلاد **وإنك تقبل صـلاة العبـد يـوم إنـه يصلـي بهـا
سر ياقلم ياقلم واكتـب هجوس(ن)هيضـت بالمـداد **واحذر من الغلطة اللـي يـا قلـم تبـدي عذاريبهـا
زراعة القمح لا جت حزته تفـرح بوقـت الحصـا **دوتبيع محصولهـا فـي السـوق وتسـدد مطاليبهـا
وأهل الدبش والغنم تسرح به من الصبح يرعى العراد **وليا أقبل الليـل تضـوي والسعـد يمـلأ محاليبهـا
والفارس اللي يبا العليا ويركب فـي ظهـور الجيـاد **يركب على ظهر الأصيلـة مـن الخيـل ويماريبهـا
الخيل معقود (ن) الخير بنواصيهـا تجيـب المـراد **واللي يبا الخير منهـا يجتهـد فـي كثـر تدريبهـا
أحد(ن)يبا يدرك الحاجة ويركب فوق ظهـر الشـداد **ديار يصبـح بهـا وديـار بعـد العصـر يمسيبهـا
وأحد(ن)ضعيف رقد عن عيشته راحت لسرب الجراد **تلقاه حـول الركيـب وغترتـه مـا غـار يوميبهـا
سهيل 1990م