[مشاكس]

رد: البحر مالح رد: البحر مالح رد: البحر مالح رد: البحر مالح رد: البحر مالح

المشاركة الأصلية كتبت بواسطة عيضه بن مساعد_البدوي

[POEM="type=1 color=#000000 font="bold medium Tahoma, Verdana, Arial, Helvetica, sans-serif""]

الله من همٍ لجا بالضلوعي = بين الضلوع وباقي الهم باقي


همٍَ يجي مفرد وهمٍَ جموعي = والوضع قاسي واشهب الصدر ضاقي


والنفس تقرع بين همٍَ وجوعي = قريع طيرٍ للحباري يساقي

والزاد مايوجد بكل المتوعي = والله ولازادٍ دخله انحراقي

والعين من حجرا تسكْب الدموعي = سكب العرق لافاح من صدر شاقي


أشقى شقا شاقي بوقتٍ قطوعي = بالأجره اللي ماعليها اتفاقي


قرّبت مركايه وريّحت كوعي = وانا على الله غرّتي قبل ساقي

تدري يابوعادل صعيبه خضوعي = مهما يكون الأمر شاقي وباقي

طمعان فيّه مثل ماني طموعي = ياللي تعلّم عن جميع الطراقي

بين السجود وبين ذيك الركوعي = تقول راق الدم بالعرق راقي

لكن علّم مولعين الشموعي = مايشبع الجيعان لحم الصفاقي

واللي تحزّم واحتزم بالدروعي = ماهو بفارس فالغزو والسباقي


راعي سوالف فالمجالس تروعي = والظاهر انه محترف فالنفاقي

أقول طبعه مايكاسم طبوعي = وليا حداني الشوق منه الفراقي

شرحت وضعي غصب ماهو بطوعي = واللي نكب صدام شعب العراقي


يبغى الطلوع ولاحصل له طلوعي = والمالكي بعده غشي واستفاقي


قال الشجاري الخضر منها فروعي = بفروعها مدري وش اللي نلاقي

ولا لقي غير الظما بالزروعي = والبحر مالح مويته ماتذاقي

[/POEM]

الشاعر العلم بن مساعد
صح لسانك
أقف أمام هذه القصيدة
فلا أعلم أولها أم وسطها أم آخرها أجمل
فهي كا الدرة لا يعرف أين جمالها
تقبل اعجابي