[{بعيدالنظر}]

((كم زمن مريت)) !!! ((كم زمن مريت)) !!! ((كم زمن مريت)) !!! ((كم زمن مريت)) !!! ((كم زمن مريت)) !!!

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كم زمن مريت حتى جيت تسأل عن زماني=كم قطعت من الدروب وكم جمعت من الأماني

كيف من صحرا الغياب أعطاك هذا الوقت رحله=كيف بعد غيابك المضني ذكرت إني مكاني

جيت من قاع الغياب بغصن زيتون وقصيده=من بياض الحرف عمري ينتظر خضر المعاني

لاتعاتب مامعي قلبين وآتحمّل عتابك=غصّ قلبي يوم شفتك والحكي يسبق لساني

لاتذكّرني هموم أمس وعذاب العام كله=قلّي إنك جيت من شاني وقلبك مانساني

لوتعذّر ؟غيرك اغرقني ثمان سنين عذره=لين ضحيت بزمانك وإنكشف لي في ثواني

أدري إنك ماتصدق لو حكيت إلك الحكايه=كلها لحظه ومرّت بين خوف وبين أماني

يامسولف لي عن ايام الحطب والنار والما=والربيع وذكرياته والفصاحه والبياني

آنت جيت بدون وعد وفي نواياك ألف معنى=كل ما سولفت لي كنك تذكّر شخص ثاني

لاتقول إني جرحتك!! والسبب لو ما آنت قدّه=مارجعت من الغياب وطيب قلبك مادعاني

إبشر إن القلب كله جرح واللي به يسده=والزمان اللي يرد أهل الوفا ماهو زماني[/POEM]