قرب الرحيل

[مطفي النور]

قرب الرحيل قرب الرحيل قرب الرحيل قرب الرحيل قرب الرحيل

صلوا على نبيكم بعد ذكر الله .......

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يارب انا عبدك واحس بقرب ساعات الرحيل=والعمر فات اغلبه واللي باقي(ن) ماهو كماه
حتى المسافر تارك لضل الشجر عقب المقيل=والليل يامولاي في عينه ملاء كل اتجاه
والزاد ماش وماتزود غير بالشي القليل=طرد السراب اشغله يامولاي عن ادراك ماه
يخشى طلوع الشمس لاصارت على مقدار ميل=والضل شح وواصل ٍ فيه العرق لحدود فاه
وتزاحموا كلن يضن بربه العفو الجميل=وانا على ماقيل لازايد خشوع ولاصلاة
الهتني الدنيا وانا طارد خيوط المستحيل=ولا مسكت الحلم والحاصل وصلت لمنتهاه
آخر وريقات الاجل بانت على ضوح الفتيل=فانوس فكر العقل تو يبان في عيني سناه
تجاذبتني لذة الايام والطرف الكحيل=وافنيت عمري بين ايه وبين ليت وبين آه
واليوم حتى الشيب حط بعارضيني له دليل=وادركت انه آخر انذار الممادي في عماه
قمت اتذكر وش زرعت ووش يبا يكون الحصيل=ولينها كومة ذنوب ولهو تنذر بالشقاه
ولا اذكر ان به شي ينفعني من اليوم المهيل=ياكود ساعة ضعف بين ايديك يانعم الإله
ساعة من العمر الشقي لكنها باطراف ليل=تماطرت فيها الدموع وذل فيها اقسى الجباه
ساعه ذكرت اني امامك يا إله بدون حيل=خريت ساجد مشتهي الذله امام اعز جاه
[/POEM]