في لقاء يوم عيد

[عوض بن سلمان]

في لقاء يوم عيد في لقاء يوم عيد في لقاء يوم عيد في لقاء يوم عيد في لقاء يوم عيد

[poem="type=0 font="bold medium tahoma, verdana, arial, helvetica, sans-serif""]الثمالي يقول يا جعل في الأمر خيره=بعد زانت هواجيسه وزانت ردوده
يالله إنك تدبرنا على أحسن بصيره=يالكريم العظيم اللي كثيره مدوده
يا سلامي عليكم يالوجيه المنيره=منبع الطيب حيث الطيب من طيب عوده
بيت عز وعزاز وبيت رفقه وجيره=منسب الجود يعرف منسبه من جدوده
يا سلامي عد وبل المزون المطيره=عد وبل السحاب اللي تزاهم رعوده
من هجوس كما موج البحور الغزيره=وأبدع القاف وأعرف صادره من وروده
أحمد الله على فضله وجوده وخيره=في لقاء يوم عيد الله علينا يعوده
أعتبرها هديه عاجله في المسيره=يفرح المنتدى والمشرف اللي يقوده
وأحترم كل شاعر ينتسب في العشيره=يدخل المنتدى ويقدم اللي يجوده
والشعر له فروع وقاعده مستديره=ما يعيبه علينا غير نقصه وزوده
كل من زان له معنى يحكم ضميره=وأنثر البيض للي ما تعدى حدوده
والمعاني لها نقاد في كل ديره=قالها الشاعر الللي ما تراخى زنوده
نزرع الزرع ونرويه من جم بيره=نحمد الله على فعله وفضله وجوده
واللبيب الذي ما له مشيرٍ يشيره=يكسب الطايلات ولا يبيح سدوده
ما يقيد سفينة نوح حبل المريره=والبحر يحمل الأثقال حمره و سوده[/poem]