حياة الباديه

[بن عواد]

حياة الباديه حياة الباديه حياة الباديه حياة الباديه حياة الباديه

[POEM="type=1 bkcolor=#000000 color=#33FFFF font="bold medium Tahoma, Verdana, Arial, Helvetica, sans-serif""]اجاذب الونات وانا اقول ماشي =وامشي مع الدنيا ولهو على ماش
واحرم عيوني النوم واطوي فراشي=واقعد على الصخره ولا ادور فراش
وارعى مع البدوان ناقه وحاشي=واعيش بين الناس لو كان قراش
عمود مع خيمه وجملة مواشي=عيشه هنيه تطرب الحال والجاش
واتبع سحاب الغيث مع كل ناشي=محلى سحاب الغيث لهل برشاش
بعيد عن هم المدن والدواشي=ماقول ذا صاحب ولا اقول غشاش
ولا حكي منقول بلسان واشي=سعيد فرض الله ولا ادور انقاش
احكم بنفسي مثل حكم النجاشي=حكمي على نفسي وانا اقولها كاش
محلى الروابي لكتست كالقماشي=مع دلةٍ صفرى ولا فيك طراش
واتقدم الجزله من احلى الكباشي=ماقلت ذا غالي ولا كيف يناش
ولا تدور دين حتى المعاشي=هذا تعذرلك ولاخر معك لاش
وانقش بيوت الشعر ماهي بلاشي=من فكر ابوطارق وللحرف نقاش[/POEM]

[النجم الساهر]

ياسلااااااااام عليك يابن العم

قصيدة توزن بماء الذهب

معنى ولفظ نحت من الصخر

قواك الله وصح لسانك

[سنا الهجرة]

ما شاء الله عليك يابن عواد

يوم عن يوم يزداد شعرك بريقاً وتوهجا

وفي كل مرة تأتينا بماهو أجمل

قواك الله وصح لسانك ملايين

[سنا الهجرة]

على فكره .. في الشطر الاول من البيت الاول خلل بسيط في الوزن ربما لم تلحظه وحبيت انبك عليه

اجاذب الونات وانا اقول ماشي

أعتقد أن ال ( انا ) زايده ولو حذفت لاستقام البيت

ويصبح هكذا

اجاذب الونات وآقول ماشي *** وامشي مع الدنيا ولهو على ماش

وصح لسانك مرات ومرات

[@ بن سلمان @]

يعطيك العافية يابن عواد على تواصلك ولا أقول إلا صح لسانك
الوالد يسلم عليك ويبدي إعجابه بما تكتب

[صقر قريش]

منتديات ثمالة تفخر بالرجال امثالك صناع المجد
بيض الله وجهك وصح لسانك

[مجنونها]

حياة البادية وحياة القرى كلها صفاء نفس وهداة بال يا بو طارق
صح لسانك و نورت المنتدى

[صقر المجد]

بيض الله وجهك وصح لسانك

[ثماليه والعز ليه]

صــــــــــــح لسانك ويعطيك العااااااااافيه

[تحكمني قناعتي]