أسلحة الدمار الشامل

[خلف بن عبدالعزيز الثمالي]

أسلحة الدمار الشامل أسلحة الدمار الشامل أسلحة الدمار الشامل أسلحة الدمار الشامل أسلحة الدمار الشامل

الأخوة الأعزاء
هذا مجرد عرض بسيط لترسانة الأسلحة(قوة التدمير الشامل) دون المساس بممتلكات الغير
أو ضرب المنصات الداخلية والتي عادةً ماتنطلق منها الصواريخ الآخذة بالثأر لها


[poem="font="Simplified Arabic,4,black,normal,normal" bkcolor="transparent" bkimage="" border="solid,1,red" type=2 line=0 align=center use=ex num="0,black""]
من يوم كان العمر يافِع حتى صرت اليوم شايب=شغلتي اجمع في المعادن واحصُر الغازات عندي
لين كوّنت المصانع جمّدت ماكان ذايب=واللي جامد تصهرنّه. صار لعبه بوسط يدّي
انتجت لي الطائرات الهاجمه وقت الحرايب=وانتجت لي العابرات اللي مداها ماله حدّي
وانتجت لي كم سفينة حرب في بحورٍ غوايب=وانتجت لي مجنزرات اليا مشت لازم تعدّي
وانتجت لي اخطر قنابل ماوراها الا المصايب=كلّها في ساعة التوقيت لو شد التحدِي
أمّا لو جيتوا على الغازات تلقون العجايب= كلّها تفتك بكل الكائنات ف أدنى جهدي
شي منها غاز مضحك يجعل دموعك سكايب=لو تشمّه عشت طول العمر تضحك ماتهدي
غير غاز الخردل اللي لو أفكه في الهبايب=أو أفك اللي يسمّم باد من هو مستبدي
كلّها بالكمبيوتر تشتغل والكل صايب= والأشعه ليزريّه تخترق ماكان صلدي
ماني مخبي المفاعل لا حشا شوفوا اللهايب=فوق سطح الأرض اخصّب في اليورانيوم دون سدّي
وان حصل فائض على المكُوْكْ عدّا به السحايب=يخزنه في مخزن التدمير في كوكب عطَرْدِي
غيرها عندي اسلحه بيضا خفيفه اضحت لعايب=للقناصه اليا بغيت اقنص غزال وطير قُهْدِي
باكر استعرض سلاحي قبل ماابدي في النشايب=بين غرب الأطلسي ومابين شرق البحر هندي
كم مسَحْتْ بلاد كانت عامره وامست خرايب=كم ضربت بحور حتى الماء من الأعماق ندّي
بلّغوا بوش الإبن وبلير مع ذات العضايب= كوندا ليزا وبلّغوا كوفي عنان الأمر جِدِي
ينزعون الأسلحه لن كان يبغونا حبايب=قبل انا أنسف لندن العظمى والابيض من مَرَدِي
دون افاوضهم وابحث اسلحتهم في الكتايب=ماني فاضي للتفاوض فاضي اضرب غرب ضدّي
[/poem]


من مسرح العمليات

[@ بن سلمان @]

يا عمليات
حوووول
ابا وليد كفانا الله شرك
ليتها تهب عوالي حتى سمومها تحدر الحوية
يعطيك العافية

[المبرِّد]

الله يرحمك يا صدام!
بس إذا تشوف لي سلاح باليزر أريده لفلان وفلانه.سوف أكون في صفك

[ما عندكم أحد]

صح لسانك يا خلف
قصيدة لشاعر تميز ببعد المعنى
والقصيدة يبدو لي انها من معاناة شخصية

[المشتاق]

طلبتك يا بو وليد ان تقول تم
ابي اسميك خلف الكيماوي
صح لسانك
قصيدة لو درا عنها البيت الابيض صنفك على قائمة المطلوبين

[مشعل الثمالي]

بيض الله وجهك
انا اشهد انها قصيدة دمار شامل
الرجل ان طاب طيبه لخواله
وان تردى تردى بلحاله
صح لسانك تراك غصت بالبحور السبعه .
تحياتي,,,

[@ بن سلمان @]

بنت عمي يا زهور
طلبتك تشوفين المبرد وش كاتب

[ABO TURKI]

الله يخارجنا منك يا ابو وليد
دمار شامل الظاهر واشنطن بتطلع تدور عليك

[النتيف]

صح لسانك يا أبو وليد
قصيده رائعه من شخص متميز
الله يعطيك ألف عافيه

وانتبه من الاستخبارات الأمريكيه

[مشاكس]

في التحاد قوة
يابن عبدالعزيز
حطني على يمناك
وخلنا نقضي على الأعداء في أوكارهم
بوش وطقته قربت نهايتهم
تبي الصدق أنا من اليوم أدعو جميع شعراء ومرتادي
المنتدى الأدبي لترشيحك لعميد شعراء قبيلة ثمالة
لأنهم قل من يستطيع أن يجيد مثل هذه الرائعة
صح لسانك ياخلف ( أباأحطك حليفي لن سمحت لي )قول تم