الكاميرا الخفية مع العضوات

[السنافية]

الكاميرا الخفية مع العضوات الكاميرا الخفية مع العضوات الكاميرا الخفية مع العضوات الكاميرا الخفية مع العضوات الكاميرا الخفية مع العضوات

السلام عليكم ورحمة الله وبركاته :

نأخذكم هنا لتتجولوا بين لقطات خفية دارت رحاها بين السنافية والعضوات ...

كاميرا خفية ظريفة زارت العديد من العضوات فلاقت الكثير والكثير من ردود الأفعال ..

وكما هو معلوم أن النساء أشد وألذع لسانا عند المجابهة ..ربما لأنها الحيلة الوحيدة للمرأة ..

فمن كانت لها ردة فعل استفهامية ومنها ردود قاسية ومنها استنكار واستغراب ومنها مااكتشف تلك الكاميرا للأسف ...


عموما لن نطيل عليكم وقد كان نص الرسالة الذي زار عضواتنا كالتالي :

((بصراحة انتي غريبة مانعرف اش تبغين بالضبط من المنتدى واسلوبك ثقيل ..
وصرت أكره أدخله بسببك وبسبب ردودك الاستفزازية والتي صارت كثيرة مؤخرا
لذا ياليت تخففين من تواجدك أو تعتزلينه أفضل وإلا أنا الله المستعان باعتزله ))

_______________________


وكانت الردود كالتالي:

كبرياء :

اوف اوف

آفـــــــــــآ والله آفـــــــآ يالسنآفيه

ليه بس إش سويت لك ؟؟

بالعكس آحترمك وآقدرك فوق ماتتخيلينوصدمتيني صرآحه بهالحكي ماتوقعته منك

ليه اش فيك ؟؟

*************


رد واثقة الخطى :

خخخخخخخ ..

اولاَ وعليكم السـلآم ورحمة الله وبركـآته ..

ثانياَ لو جـاء من وحده غيرالسنـآفيه كـآن صدقت .. والا أقلك مـارآح أصدق لو جاء مـن مين ماكان .. أعرف اني خـفيفه زي الفرآشه .. وماأعطي الا عسل زي النحله ^_^ <<<غرور خخخخ بس يحقلي أغتــر دآم ان لي أخوات مـثلكم ..

<<<شكلوا والله العـآلم انو فيه كـآميرا

خـفيه ..

إذا مراا مافيه كاميرا ولاشئ .. أتوقع ان هكـر هكـر نكـكـ وجـآلس يتكلم

وثالثاَ .. المنتدى يـآنبقى فيه سوا .. يانعتزله سوا .. ماأقدر أعيش بدونكـ

والسلام عليكم ..

*************

ثمالية والعز ليه :

ـهههههههههههههههههـ

ـهههههههههههههههـ

مـآقدر ارد السلآم فـآطسسسسه ضحـك

ههههـآي

عمومـآ بحـآوووول_^
ههههههههـآي
وعليكم السلآم ورحمـة الله وبركـآته
ابدآ مـآيمديك يـآسنـآفيه متأكدهـ مليوون في الميـه انو مقلب لسببيـن الاووول ثقتـي فيك عميـآء ومستحيل تقولي كلآم مثل هيك
ثـآنيهـآ انـآ واثقـه من نفسي ومن ردودي وبالعكس وجودي في المنتدى مكسب عظيم وللآسف انـآ مقدر اترك المنتـدى روحي متعلقـه
فيـه وانـآبسجـل دخولي هون عشـآن اللي يكرهـ وجودي يسجـل خروجـه هع هووع هــآع
ومـآزالت ثمـآليه تضحك لبى سنوفـه منورهـ الخـآص^^

***********

رد الدانة

وعليك السلام ورحمة الله وبركاته

أختي السنافية ارجو التوضيح أكثر !

ماهي الردود الاستفزازية ؟

ولماذا أنا غريبة برأيك ؟

ولي عودة بعد ردك

************

رد الداعية الراقية :


لاأعلم لماذا هذا الهجوم علي وأنا جديدة في هذا المنتدى وبردود الجميع يقولون أن ردودي راقية وإن كانت استفزازية فهي من وجهة نظرك فقط ! وبلاش غيرة بنات


*************

رد الأمل :

سسسلآمـآت !!

ههههههههههههههههه

ضحكتيني والله وأنا جايه من الجامعه ومالي نفسس ب شيء

أسسلوبي ثقيل !

ردودي استفزازيه !

ياليت أخفف توآجدي

بصرآحه انتي الغريبه هههههههه ..

لأني ماعمري رديت عليك !

ولاعمري احتكيت فيك بـ أي موضوع أو رد ..

وبعدين يـآقممر تقدري تعتزليه انتي

إذا ما عجبك شيء بمكان مـآإ اتركيه انتي لاتجبري الناس يتركوهـ


**********

رد استاذة ملاك :

وعليكم السلام ورحمة الله وبركآته

هلا وغلا بالكآتبة القديرة حيآكِ الله ..

وجودكِ مهم وجداً وإن أردتيني أن أعتزل فأعتزل لا مشكلة

ولا أريد من المنتدى سوى أن يرتفع لمصآف المنتديآت الأخرى فنحن لسنا بأقل منهم ..وسأثبت ذلك

بإصدار أول مجلة لنــا .. << وإذا لم تنجح قولي لي بالفم المليآن إرحلي ملاااااااك

لو أخبرتيني منذ زمن سحيق لأبتعدت عنك جآنباً لكي لاأضيق عليكِ خنآقك

إبقي أنتِ فأنتِ مهمة فالقسم (اعني قلم الأعضآء ) محتآجك وجداً

<< ياكثر كلآمي أكيد ارتفع ضغطكـ أكثر ( ومن لا يعرف ملاك يجهلهـــا )

وفقك الله لما تطمحين إليه اللهم آمين

**********

رد دفء الحنين :



سألتمس لك سبعين عذراً ..والأغرب أن تكون هذه الرسالة منك

********

رد kit kat:

وعليكم السلام ورحمة الله , لوكاتبة"بركاتة" قلت لكِ "بركاتة" أنا إنسانة حقّانية

تصدقين إن عندكِ قوة ملاحظة رهيبة حاوليإستغلالها وإذا ماقدرتـي تعالي أنا أحتاج مهارتك فـي مهنتي أنتِ ثروة قد لاتُقدر .

ماتعرفون !!

ليش إنتِ كم شخص !!

لوهلة حسيت إن المنتدى بـ اسم أبوكِ ,
اسلوبي ثقيل أو خفيف هذا من شأني , إنضايقكِ طرحي لستِ مُجبرة على الظهور بهذا المظهر المتوتر .

ياحبة عيني انتِ

أنا أولاً وأخيراًمجرد عضوه في منتدى آخر ماينقصه وجودي . . أما إنتِ ثروة مثل ما قلت لكِ قبل

لكن حاولي تحلين عدم التصالح والتأزم والإعتراض مع نفسك أولاً
وعلى فكرةماشفت إسمك إلا مرتين الأولى بردي على موضوعك بـ الكمبيوتر وهذي الرسالة المرةالثانية .

ياليت . . !

دائماً ما أكون ضعيفة معأسلوب الرجاء وأتوقع ما وصلتي له إلا وحالتك صعبة معايه

تواجدي عموماً خفيفبس كمية وثُقل المشاركة تُشعركِ بالعكس . .

أنا والله ماعندي نيّة أعتزلعلى قولتك

فـ لكِ الخيار الثاني والله معاكِ

ختاماً :

مزآجيحالياً رايق لو استلمت رسالتك بوقت ثاني ماكان شفتي هالرد الكويس

وأتمنى أن تأخذي قسطاً جيداً من النوم . . رسالتك كانت في الثالثة فجراً وأظن النعاس كان يشاركك الكتابة.

أحلام سعيدةوتصبحين على خير.

**************

وطبعا فيه عضوات اكتفوا بالصمت وعدم الرد !!!!!!!!!!

******

وأخيرا أتمنى من جميع العضوات أن يسامحوني

وحقا أكن لهم الاحترام والتقدير وكلهن معطاءات

لهذا الصرح الشامخ فشكرا جزيلا لسعة صدورهن ....

[أبو رامز]

هع هع هع
ردود مضحكة !!

[السنافية]

المشاركة الأصلية كتبت بواسطة أبو رامز

هع هع هع

ردود مضحكة !!

شاكرة مرورك الطيب أبو رامز ولاهنت

[H Y T H A M]

الله لايوليكم على أحد يابنات حواء
أهب ماشاء الله تبارك الله

[السنافية]

المشاركة الأصلية كتبت بواسطة H Y T H A M

الله لايوليكم على أحد يابنات حواء
أهب ماشاء الله تبارك الله

((هذا كله من خلف لوحة المفاتيح فمابالكم لو جابهتهن وجها لوجه ))>>>>


اشكر مرورك يانائب المدير

[ساعدي وافتخر]

خخخخخخ

وش سويت يالسنافيـه

[السنافية]

المشاركة الأصلية كتبت بواسطة ساعدي وافتخر

خخخخخخ

وش سويت يالسنافيـه

شاكرة مرورك ..

((أبد سوينا كاميرا خفية لكن على الطريقة السعودية لو متابع القناة الأولى ))

[روعه]

انا لزمت الصمت ...... الله يسامحك

[السنافية]

المشاركة الأصلية كتبت بواسطة روعه

انا لزمت الصمت ...... الله يسامحك

روعة :

أكثر ماعجزت عن فهمه هو عدم الرد ..وهو ماأقلقني أكثر ..خصوصا تجاه العضوات الحديثات بالمنتدى ..

[رفيق دربه]

والله عملتي عمااااايل بـــالكميرا الخفية <<<
كل التوفيق للجميع بإذن الله
يــــــــــدآ بيـــــــــــــد ؛؛؛؛