اكتب اجمل قصيدة قرأتها

[حسن عابد]

اكتب اجمل قصيدة قرأتها اكتب اجمل قصيدة قرأتها اكتب اجمل قصيدة قرأتها اكتب اجمل قصيدة قرأتها اكتب اجمل قصيدة قرأتها

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
طعنة الرجال من كف الصحيـب=فالوقوع اشد مـن طعنـة عـدو
واشجع الطعنات في وجه الحريب=واجبن الطعنات طعنـات القفـو
وانت ياللي صرت فالهقوه قريب=هقوتي مشـوار وقرًيـب بـدو!
لو ملكت الشعر ولسان الخطيـب=وشانت الاخـلاق ماقالـو كفـو
ما تفيد الارض ياسيـل الجذيـب=لو ثمان ايـام تحشوهـا حشـو!
عارفيـن الليـل مبـداه المغيـب=وعارفين الصبح جـلاًي الغشـو
مايعدل الكيف فنجـال السريـب=ولايمده راعي اسلـوم وغـزو!
وان غطسنا في تجاويف القليـب=يفـرق الاوزان قانـون الطفـو!
ظلم ابوعداي واطمـاع الصليـب=اودعت صدام في وسـط القبـو
مير تب قدام يجرفـك الشعيـب=واطلب التوبه ويشملـك العفـو!
[/POEM]

[حسن عابد]

[POEM="font="Simplified Arabic,4,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ياحسيـن مركـاي كوعـي=من العشا الين اذن الفجر يا حسيـن

ما غير اسلـي خاطـري بالدموعـي=مثل الذي من يقضي الديـن بالديـن

وكل السبب طيري حسين الطبوعـي=النادر اللي شوفتـه تطـرب العيـن

اللـي ليـا منـي نهمتـه فزوعـي=مثل الشجاع الـي نهمـوه القريبيـن

قمـت اتـذكـر تلـتـه لطلـوعـي=بخدن قنصنا فيه حـروة اسبوعيـن

مدري ثمان ايـام معهـن اسبوعـي=لا شك كنهن يا ابن الاجـواد يوميـن

وفي تالي المقناص يـوم الربوعـي=اتلى العهد به راح يلـوي الجناحيـن

اقفى وراء خرب ٍ مصقـر جزوعـي=متذير ٍ واردفت مـن عقبـه طيريـن

وسقنا معاهن وسـط خـد منوعـي=اقف ٍ شمال ومبعـدات عـن العيـن

الخرب صامـل والنـداوي قطوعـي=وحال الوعر من دونهـم والشعيبيـن

وقفت ادربل ميـر مامـن سنوعـي=وقالوا جهاز الطير ما نسمعـه زيـن

واجهدت رجلي بكل رجـم ٍ رفوعـي=ارقى والوح وادبل الصـوت صوتيـن

وما قصرو وقـت المنافـع ربوعـي=واخذت في جـو القطامـي نهاريـن

لاشك طيري مـا نـوى للرجوعـي=وانـا بعـد حـدرت يـم البـلاديـن

ما كان ودي ان المفـارق فجوعـي=ليتـه موادعنـي سـوات المحبيـن

الله يلـوم الطيـر بعـده يلـوعـي=خلاني اسهـر والمخاليـق ممسيـن

عساه يسلم مـن يديـن الطموعـي=اللي عن النشـاد يخفـي البراهيـن

والا الرجال الـي تعـرف السنوعـي=تلقى على حجله مع السبق رقميـن

والا عسـاه ابنـاريـات التلـوعـي=ورزقه على الي خالق الناس من طين

ومما جرى يا حسين قلبـي قنوعـي=لو كان عقبه خاطري صايـر ٍ شيـن
[/POEM]

[حسن عابد]

طار الكرى من موق عيني وفـرا = وفزيت من نومي طرا لي طواري
وأبديت من جاش الحشا ما تـورا = وأسهرت من حولي بكثر الهذاري
خطـن لفانـي زاد قلبـي بحـرا = من شاكي ضيم النيـا والعـزاوي
سر يا قلم وإكتب على ما تـورا = أزكى سلام لأبن عمـي مشـاري
شيخ على درب الشجاعة مضـرا = من لابة يـوم الملاقـا ضـواري
يا ما سهرنا حاكمـن مـا يطـرا = واليوم دنيا ضاع فيهـا إفتكـاري
أشكي لمن يبكي له الجود طـرا = ضراب هامات العدا مـا يـداري
يا حيف يا خطو الشجاع المضرا = في مصر مملوك لحمر العتـاري
من الزاد غاد لـه سنـام وسـرا = من الذل شبعان من العز عـاري
وش عاد لو تلبس حريـر يجـرا = وامتوج تاج الذهـب بالـزراري
دنياك يا إبن العـم هـذي مغـرا = ولا خير في دنيا حلاها مـراري
تسقيك حلـو ثـم تسقيـك مـرا = ولذاتهـا بيـن البرايـا عـواري
اكفح بجنحـان السعـد لا تـدرا = فالعمر ما ياقـاه كثـر المـداري
ما في يد المخلوق نفـع وضـرا = ما قدر الباري على العبد جـاري
وإسلم وسلم لي على مـن تـورا = وأذكر لهم حالي وما كان جـاري
ان سايلوا عنـي فحالـي تسـرا = قبقب شراع العز لو كنـت داري
اليـوم كـل مـن عميلـه تبـرا = وحطيت الأجرب لي عميل مباري
رميت عنـي برقـع الـذل بـرا = ولا خير فيمن لا يدوس المحاري
ونزلتها غصـب بخيـر وشـرا = وجمعت شمل بالقرايـا وقـاري
وحصنت نجد عقب ما هي تطـرا = مصيونة عن حر لفـح المـذاري
والشرع فيها قد مشـى واستقـرا = ويقرا بنا درس الضحى كل قاري
زال الهوى وألغى عنهـا وفـرا = ويقضى بها القاضي بليا مصاري
وإن سلت عمن قال لي ما تـزرا = نجد غـدت بـاب بليـا سـواري
نعم الصديق إليا سطا ثـم جـرا = يودع مناعيـر النشامـا حبـاري
ومن أمن الجاني كفا مـا تحـرا = وتازي حريمه بالقرايـا وقـاري

[حسن عابد]

تحفه

ياصاحبي هانت عليك المحبه=لاوحسايف عقب هاك المواثيق

جمر الغضا في وسط قلبي تشبه=نارٍ حطبها يابسات المعاليق

كاسٍ مليته بالوفا لاتكبه=خلّه يبلل بالوصل يابس الريق

صبّه بقلبي ثم ملّه وصبّه=وان كان ودك غرق القلب تغريق

دام الهوى راسي وراسك يهبه=خذ سجّةٍ ترى زمانك توافيق

ترى حلاة العمر مع من تحبه=شخص تريد من جميع المخاليق

[حسن عابد]

يالله يالـي فـوق سبـع السـمـاوات
تفـرج لحـال الـي عصتـه الليالـي
سايرتهـا بسكـات بسكـات بسكـات
واقـول بكـره يصلـح الله حـالـي
ماودي اشكي عنـد عـاذل وشمـات
ولابي علـي النـاس تلقـى مجالـي
اقضي طـوال الليـل نـوح ٍوونـات
والناس ماتـدري عـن الـي جرالـي
صبـرت واستبدلـت قولـي تنهـات
وتسابقـن دمعـات عينـي تـوالـي
عليـك ياحلـم ٍاشـوفـه ولا مــات
رغم الحضـوض النـادرات القلالـي
لك الذي مـا تختلـف فيـه هقـوات
ماتختلـف هقـوة رفـيـق ٍعنـالـي
لا والله اثبت والحـق القـول باثبـات
والقول مـا يثبـت عـزوم الرجالـي
لا والله الى الفعـل والفعـل بالـذات
محـد ٍيقـول المـر يانـاس حـالـي
للطيـب درب وللرخامـه متـاهـات
ويالي بغيـت الطيـب اسمـع مقالـي
صـل الصـلاة واد كـل العـبـادات
واسجد لوجـه الله عزيـز الجلالـي
وللوالديـن حقـوق ذكـرت بالايـات
ياجب عليـك اصغـاااء ثـم امتثالـي
ثـم عقبهـا لاتلحـق النـاس نمـات
اوزن كلامـك يرفعـك فـوق عالـي
ترى لسان الشخص للشخـص مرئـاة
ان اعتـدل عدلـت وان ملـت مالـي
واحرص على وقتك ترى الوقت لافات
تنـدم علـى فوتـه ليـال ٍطـوالـي
لاصـار مـا شيـد شبابـك بنايـات
لاصرت شايب مـا بنيـت العوالـي
شيدلك من الطيب قصـر وعمـارات
تذكربهـا لاصـرت تحـت الرمالـي
اسمع كلام الناس وانضـر للامـوات
واختـر لنفسـك مـا تريـده يقالـي
واحذر ترى للنفس رغبـه وشهـوات
ان طعتهـا راحـت عليـك المعالـي
طـرد الهـوى ذلـه ولافيـه شكـات
يامـا تنـزل مــن (سبايبَه)عـالـي
ولا تلحقك من قلـة الحـال ضيقـات
خلك على ماقال( صـدرك شمالـي)
اضربهـا واحـذر تطيـح بمغـبـات
ولا تنفتـن نفسـك بطـرد الريـالـي
واعرف ترى غال الكنـوز القناعـات
من فـاز فيهـا فـاز والفـوز غالـي
ولا تخـوَف مـن نهـايـة بـدايـات
خلك علـى كـل الامـور ارتجالـي
الخوف يرمـي صاحبـه فالهزيـلات
ويثنيه عن كسـب الامـور الجزالـي
الموت مره لاكـن ان خفـت مـرات
والله مـا تمشـي حيـاتـك عـدالـي
خالط جميـع النـاس كـون علاقـات
لا تجلـس لحالـك تصيـر انعزالـي
لاكن بنفس الوقـت ياصـاح هيهـات
تمشي بهواك الناس فـي كـل حالـي
فالناس طيب واكثـر النـاس عيَـات
رافق هـل الطـولات خـل الثعالـي
والجـار كثـر جيتـه والـزيـارات
سيَر تـرى الدنيـى سريعـة زوالـي
فنجال بن وعـود ٍ ازرق وضحكـات
تشيـل هـم الـي همومـه ثقـالـي
مافـات فـات ومـاهـو اتــي ٍ آت
اسمـع كلامـي وافهمـه للتـوالـي
رتـب حياتـك حـط الـك اولويـات
وخطوط حمرى واضحـات ٍ جلالـي
الدين لا ترضى على الديـن خمـلات
هـاك الكـلام الـي يهـز الجبالـي
والله ما ترضـى عليـك الولايـااااات
اليـن تتبـع درب ذيــك المـلالـي
جاهد عـدو الله فـي كـل الاوقـات
بالحـال ولا الـمـال ولا العيـالـي
ثـم الوطـن احيـان تاتيـه حـزات
تبـي رجال(ن)يحملـون الحمـالـي
وقـف بعـزة نفـس قلـه سلامـات
يالمعتدي فالعقـل جـاك اختلالـي؟؟
ثم اقطع الرجعه وقـل جيـت مـوات
والله مـا تفـرح بـيـوم احتـلالـي
هاذي لأهل الطيـب مثـل العلامـات
نضمـت فيهـا كـل كـار ٍ طرالـي
وللطيـب درب وللرخامـه متاهـات
ويالي بغيـت الطيـب طبـق مقالـي

[حسن عابد]

نالت على يَدِهَا مَا لَمْ تَنَلْـهُ يَـدِي ........... نقشا عَلَىمِعْصَمٍ أَوْهَتْ بِهِ جَلَـدِي
كَأنـهُ طَـرْقُ نَمْـلٍ فِـي أنَامِلِهَـا ........... أَوْ رَوْضَةٌ رَصَّعَتْهَا السُّحْبُ بالبَـرَدِ
كأَنَّهَاخَشِيَـتْ مِـنْ نَبْـلِ مُقْلَتِهَـا ........... فَأَلْبَسَتْ زَنْدَها دِرْعاًمِـنَ الـزَّرَدِ
مَدَّتْ مَواشِطَهَا فِـي كَفِّهَـا شَرَكـاً .......... تَصِيدُ قَلْبِي بِهِ مِنْ دَاخِـلِ الجَسَـدِ
وَقَوْسُ حَاجِبِهَا مِـنْكُـلِّ نَاحِيَـةٍ ............ وَنَبْلُ مُقْلَتِهَـا تَرْمِـي بِـهِ كَبِـدِي
وَخَصْرُهَا نَاحِلٌ مِثْلِي عَلَـى كفلـ .......... مرجرج قَدْ حَكَىالأَحْزَانَ فِي الخَلَدِ
أُنْسِيَّةٌ لَوْ رَأتْهَا الشَّمْسُ مَا طَلَعَـتْ ......... مِنْ بَعْدِ رُؤيَتِهَا يَوْمـاً عَلَـى أَحَـدِ
سَأَلتُهَا الوَصْلَقَالَـتْ لاتُغَـرَّ بِنَـا ............. مَنْ رَامَ منَّا وِصَالاً مَـاتَبالكَمَـدِ
فَكَمْ قَتِيلٍ لَنَا بالحُبِّ مَـاتَ جَـوًى ............ منالغَرَامِ وَلَمْ يُبْـدِي وَلَـمْ يَعِـدِ
فَقُلْتُ : أَسْتَغْفِرَ الرَّحْمنَمِـنْ زَلَـلٍ .......... إِنَ المُحِبَّ قَلِيـلُ الصَّبْـرَ وَالجَلَـدِ
قَالَتْ وَقَدْ فَتَكَـتْ فِينَـا لَوَاحِظُهَـا ............... مَا إِنْأَرَى لِقَتِيل الحُبِّ مِـنْ قَـوَدِ
قَدْ خَلَّفَتْنِي طَرِيحـاً وَهـيقَائِلَـه .............. تَأَمَّلُوا كَيْفَ فَعَـلَ الظَبْـيِ بالأَسَـدِ
قَالَتْ لِطَيْفِ خَيَالٍ زَارَنِي وَمَضَـى ............ بِاللهِ صِفْـهُوَلاَ تَنْقُـصْ وَلاَ تَـزِدِ
فَقَالَ : خَلَّفْتُهُ لَوْ مَـاتَ مِـنْظَمَـأٍ ............. وَقُلْتِ : قِفْ عَنْ وَرُودِ المَاءِ لَمْ يَرِدِ
وَاسْتَرْجَعَتْ سَألَتْ عَنِّي فَقِيْلَ لَهَـا ............ مَا فِيهِ مِنْرَمَقٍ ، دَقَّتْ يَـدّاً بِيَـدِ
وَأَمْطَرَتْ لُؤلُؤاً منْنَرْجِسٍ وَسَقَـتْ ........... وَرْداً وَعَضَّتْ عَلَى العُنَّابِ بِالبَـرَدِ
وَأَنْشَـدَتْ بِلِسَـانِ الحَـالِ قَائِلَـةً .............. مِنْغَيْرِ كَرْهٍ وَلاَ مَطْـلٍ وَلاَ مَـدَدِ
وَاللّهِ مَا حَزِنَـتْ أُخْـتٌلِفَقْـدِ أَخٍ ............. حُزْنِـي عَلَيْـهِ وَلاَ أُمٍّ عَلَـى وَلَـدِ
فَأْسْرَعَتْ وَأَتَتْ تَجرِي عَلَى عَجَـلٍ ............. فَعِنْدَرُؤْيَتِهَا لَـمْ أَسْتَطِـعْ جَلَـدِي
هُمْ يَحْسِدُونِي عَلَى مَوْتِي فَوَاأَسَفِي .............. حتى عَلَى المَوتِ لاَ أَخْلُو مِنَ الحَسَدِ

[حسن عابد]

(( يا هاجسي ))

يا هاجسي وش صار في حال دنياك
أصبحت وحدك بين شوق الأماني

حتى الخوي اللي تعده كيمناك
راح وتركك اليوم وحدك تعاني

راح الفرح والهم يا هاجسي جاك
وأنا الشقا بالحيل والله كساني

حتى الذي بالأمس وده بممشاك
اليوم ما وده بشوفك ثواني

دنيا غريبة ما بها شيء يخفاك
دنيا غريبة ما بها من أماني

عند المصالح كل من جاك ينصاك
ووقت الشدائد ليت أحدٍ يباني

حتى وليفك ناوي اليوم فرقاك
محدٍ بقى من النّاس كلٍ جفاني

ما غير أنا أسهر واقضي الوقت وياك
وأكتب القوافي حايرة في كياني

يا هاجسي وش صار في حال دنياك
أصبحت وحدك بين شوق الأماني

[حسن عابد]

يامريض القلب مالك علاج الا السماح///السماح اعلاج موصوف لمراض القلوب
والحسد والبغض دايم هي السم الذحاح ///فتـكهـا فـي العالـم اشد من فتـك الـحروب
لو ترى الدنيا غدت نهب بيد ين الشحاح ///لا تحسف دام الانسان له رزق امحسوب
الحسايف،يوم تصحى وتلقى العمر راح///مــا بقـــى الامثل ريشـاً تقـفّـتـه الـهبوب
ماصحيت الا على الشيب في عارضك لاح///اشرقت شمسه وشمسك على وقت الغروب
والحسايف، يوم ليلك يطول بلا صباح /// ليـن تنسـى كـل امانيـك واحـلامـك تـذوب
ثم يوم النور يطلع على الحزم البراح /// وإن وجهك متجه شام واحـلامـك جنوب
والحسايف،يوم تتعب على غيرالصلاح /// تبـذل الـمجهـود ويضيع بطـوال الـدروب
وانت راعي صدق والصدق ماحقق نجاح ///كـلمـا تصـدق بحاجـه يفـوز بهـا الـكذوب
في زمـانــاً ضيّع الـجـد في بحــر المزاح /// مـاتـحصـل من كـثيـر الكـلام الا الـذنـوب
لا تضيّـع حكمـة الصمت لا كــثر الصياح///واترك العالم يروحون صوب وروح صوب
وانضر ابعين البصيره ترى الدنيا كفاح/// مــا تشــوف الا معارك وغالب وامغلـوب
كل مافي الارض من خف والا من جناح/// كــلهم شـارد وطـارد وسـالـم وامعطـوب
والطيور تطير في الجـو تحملهـا الرياح///لكــن اطيــور اللحم تاكـل اطيور الحبوب
والبشر فيهم هجومــي ولو ماله سلاح///وفيهم اللي ساعة الجد ماهر في الهروب
وفـيهـم اللـي يوم تقفــي يسـدد لـك رماح ///ويوم تقبل يبتسـم لـك وطيب وامحبوب
في زمانك وين تلقى القلوب اللي صحاح ///والمصالح تحكم الناس راضي وامغصوب
عنـدهــم تـرك الـعوايـد تقـدم وإنفتــاح ///والصداقه عندهم لبس ثوب وخلع ثوب
لـــو بـدايتـهـا محبـه نهـايتهـا جـراح/// وانشد اللي عاش بين القبايل والشعوب
إختبرت الناس بالسر الين السر باح///وختبرت اوجيه الاصحاب وعطوني الجنوب
كم صديقاً كان في العين ومن العين طاح///يوم جاء وقت الصداقه وميقاف الوجوب
اشهد ان الجود كالطيب لـو تخفيـه فاح ///واشهـد ان البخـل عيباً من اكـبار العيوب
والطمع سارق يضوي السرايق في المراح/// والفـقـر نهاب يدخل يدينه في الـجيوب
والسعيـد اللــي قنـع من زمانـه وإستراح/// وإنتبـه قدام تلعب به الدنيا اللعوب
لو صبر صبرالجوازي عن العد القراح ///خيـر مـن دنيـا تغـره وعنها مايتوب

[سنا الهجرة]

القصيدة >> في الأم وقالها الأمير الشاعر سعود بن بندر


[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا كنت أنا لاكان .. يوم زعلتيـه=وشلون أبا أرضي خالقي لا حزنتي
كله ولا تكدير خاطرك مـا أبيـه= كل يهون رضاه عندي سوى إنتي
يااللي وجودك فارغ العمر ماليـه=لا تهت في ليل الأحاسيس بنتـي
لولاك عمري ما تسـاوي لياليـه=عيشة خفوقٍ في صميمه سكنتـي
أنتِ فخر منشاي مرحـوم بانيـه=غير إنك اللي في الطفولة حضنتي
ولولاك ما دورت فالرجـم عاليـه =لامن ونى حيلي نصحتي وعنتـي
الله يدميـك لـي ويقسـم لياليـه=بيني وبينك قبل ما أقـول كنتـي

[/POEM]

[سنا الهجرة]

والقصيدة >> للشاعر مساعد الرشيدي في عزة النفس



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي
[/POEM]