(حلم الذيب والشاه) محاوره أتمنى أن تحوز على رضاكم!!!!

[{بعيدالنظر}]

(حلم الذيب والشاه) محاوره أتمنى أن تحوز على رضاكم!!!! (حلم الذيب والشاه) محاوره أتمنى أن تحوز على رضاكم!!!! (حلم الذيب والشاه) محاوره أتمنى أن تحوز على رضاكم!!!! (حلم الذيب والشاه) محاوره أتمنى أن تحوز على رضاكم!!!! (حلم الذيب والشاه) محاوره أتمنى أن تحوز على رضاكم!!!!

الإخوه جميعاً .
بعض الإخوه هنا وأعتقد الأخ : حسن عابد الله يحفظه طلب مني بعض محاوراتي مع الشاعر عبدالله العلاوه وبينما كنت أبحث عن طلبه لم أعثر إلا على محاورات عرضه والإخوه هنا ربما لايرغبون في العرضه كثيراً . لكنني وجدت محاوره قديمه مع الشاعر العلم الدكتور : حمد العصيمي وأحببت مشاركتكم بها وأعتذر في التقصير ولو أننا لانريد المنقول لأننا نريد محاورات من أعضاء المنتدى ولكن لكي البي فقط رغبة البعض .. محاوره قصيره جداً
وأتمنى أن تحوز على رضاكم وإعجابكم وإن كان هذا ليس موقعها فلكم خيار نقلها إلى موقعها الخاص بها ...



د.حمد العصيمي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حلمت بحلم مادري وين تفسيره وكيف القاه=ولا ادري وين ابلقى من يفسر صادق احلامي

حلمت بذيب كبر الضلع يشرب من ديوس الشاه=وراع الشاه يعـطيه اللبن من عام لا عامي[/POEM]

عبيدالله العرابي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا رجال أعبر وأعتبر والحلم له معناه=على هونك تبا تارد لعدٍ يروي الظامي

لكن الذيب مايرتاح لو إن الحليب افناه=يبي ينقل صوابه ياحمد بيدين الإيتامي[/POEM]

د.حمد العصيمي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا رجال لامني وردت العد ابشـرب ماه=وهذي فرصتي ما دامت ان الـعد قدامي

رمو ه العام مير الرمي جاب الذيب ما وداه=ولا ضواه غير البندق اللي في يد الرامي[/POEM]

عبيدالله العرابي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ألا ياحضرة الدكتور ذرّع وإرفع المحجاه=انا محتاجها لوّ الرصاص الحيّ في حزامي

رماه الخايف اللي حدنا حتى نجيب دواه=أحد يجرح وأحد يسرح يداوي جرحه الدامي[/POEM]

د. حمد العصيمي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تقدم يا عبيد الله وجره باذنه وعطناه=وانا بشري لك البندق واجيب الميسم الحامي

مقيط العام روح والسنه هذي لحقه رشاه=وهذي سابقه في صفحة التاريخ الاسلامي[/POEM]

عبيدالله العرابي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وصلك الذيب عطه اللي معك غيرك قطع وأعطاه=وبندقك ورصاصك حلم وأضغاث من الأحلامي

لياشفت الجراد المنتشر حتى الغصن يلحاه=يجي بعده زمانٍ يطلع الأوراق والنامي[/POEM]

د. حمد العصيمي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عطاك اللي تقوله نسـمعه لكن ما شفناه=وش اعطيته عسى ما اعطيته القبه والاهرامي
ليا صار اكثر الــعالم ترك دينه لاجل دنياه=يبا يبدي لها مجـنون لا صلى ولا صامي[/POEM]

عبيدالله العرابي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنامدري لو إن الذيب نصف من العرب يقناه=وتجمعها وتقسمها وتحذف بعض الأرقامي

خذ الدنيا بحيله خيط ثوبك ياحمد وإرفاه=ترى غيرك عرب متلبسه بقصار الأكمامي[/POEM]

د.حمد العصيمي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا ماني بمنهم وانت مدري عنك يا الحرباه=اظنك تالي الايام من عباد الأصـنامي

اباخذها بحيله وانت ما تدري يا شاهن شاه=يا شاهن شاه اظنك لاحقنٍ تمثال صدامي[/POEM]

عبيدالله العرابي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ألايا صاحبٍ يسراه تاكل من ورى يمناه=ونصفه ممتلي والنصف الآخر جلد وعظامي
أنا حاسب حساب الدرب وأدري بأوله وأقصاه=وليتك يالعصيمي كان ماعنيت الأقدامي[/POEM]

[ابو عادل]

محاورة ولاأروع
صح لسانك ولسان الدكتور العصيمي
حقيقة أعتبر هذه المحاورة من المحاورات ذات المستوى الرفيع التي يندر أن نجد مثلها
وبودنا لوتوافينا بالمزيد من المحاورات القيمة
ولك الشكر.

[admin]

يعطيكم العافية

[@ بن سلمان @]

يعطيك العافية بعيد النظر