مخاوي منقاش تعال .. رحلة إلى هجرة الطيري

[@ بن سلمان @]

مخاوي منقاش تعال .. رحلة إلى هجرة الطيري مخاوي منقاش تعال .. رحلة إلى هجرة الطيري مخاوي منقاش تعال .. رحلة إلى هجرة الطيري مخاوي منقاش تعال .. رحلة إلى هجرة الطيري مخاوي منقاش تعال .. رحلة إلى هجرة الطيري

الزمن الخميس والخاطر لا راضي و لا زعلان
كنت أمني نفسي بخوة المخاوي لكن ماله في الطيب مثلي نصيب , يكفيه منقاش و يكفية المثل اللي يقول إلتم المتعوس على الخايب المنحوس , لكن رزقني الله بخوة أهل اللحى الغانمة و أغناني الله عن شوارب المخاوي اللي يحسنها على يدين تركي .
أرجع لموضوعي وهي رحلة لهجرة الطيري تبعد عن الرياض ما يقارب 160كم شمالاً على طريق الصمان وكان التحرك لها فجرا.
وصلنا هناك على الساعة السابعة وكان المكان مخطط له ومعروف مسبقا و إستقبلتنا بحيرة من سيل الخميس الماضي 3/4


ولم تنتهي الروعة عند هذا الحد بل كانت روعة المنظر التالي



وبعدها إتخذنا المجلس اللي تشوفونه محط رحالنا و عزبتنا

وبعد جولة على البحيرات الموجودة في الشعيب كانت البطن تقرقع وتطلب الزاد وكان في مونتنا دقيق ومستلزمات قرص المجرفة والسمن و العسل وحليب المجاهيم اللي حصلنا عليه في جولتنا




طبعا اليوم طويل ما شاء الله تبارك الله و تمضيته لابد يتخللها كثير من القفشات و أسرار الصحبة والرفقة الطيبة .
طبعاً ساعة الغداء جاءت بعد شراء الخروف و اللي فاتني أخذ صور له وهو في الربق , لكن ما فاتني تصويره و هو في المعلاق مع أبو فهد



للي ما يقدر يقاوم الجوع × فمنظر البخاري في البر مختلف


اليوم ممتع وجميل و البر أحلى و أحلى مع الرفقة الطيبة اللي مثلكم وشرواكم و بصراحة تمنيتكم حاضرينها و خاصة العوارشة طيبين الفال .
عاد الجمال هذا كله كانت نهايتها بعد المغرب بعاصفة رملية غطت السماء حتى الرياض و ما جاورها .

[حسن عابد]

الظاهر كل ماتطلع رحلة تشتري معاميل جدد لان الاوله حارقها
بعدين اش قصة المخاوي احيان اقول شخصية وهميه ضاحك بها علينا بن سلمان ومنقاش

[@ بن سلمان @]

المشاركة الأصلية كتبت بواسطة حسن عابد

الظاهر كل ماتطلع رحلة تشتري معاميل جدد لان الاوله حارقها
بعدين اش قصة المخاوي احيان اقول شخصية وهميه ضاحك بها علينا بن سلمان ومنقاش

الحرق حرق الكبود يا بو علي يوم يضيع الخميس تحت ناموسية كحلي و إسأل المخاوي

[مخاوي منقاش]

ابن سلمان ياريت اتصلت علي والله كان اروح معكم لاني كنت فاضي والشبه متفرقين الي لم حايل والي للشرقيه وناس لمكه وانا بغيت انحر البحرين بس بصراحة مالقيت حجز الا الليلة بخمس الاف ريال فقلتلهم راقبو المؤشر اذا وصل 3000 احجزولي ليلتين 0
المهم انا لي ملاحظات على قيلتكم(بدون زعل انا رجال مااصبر)=-
-ترنق الواقف عند المعاميل الظاهر مسروق لانه طويل واذا احسنا الضن فهو عارية0
- بالله فية نشامى يمشون160 كلم بدون دلال وقهوه؟
-الهوادي الي تحت القدر ماهي اختيار( وذف)والهوادي(هي الاثافي ولازم تكون ثلاث)الم تسمع الشاعر يقول

مجذى سماد النار ومشاقة الراس,,,, وثلاث لايبكن ولا ينبكني
-الليمون الاسود ماغسل وليه ماسكه باليسرى

خلك يبن سلمان لو عزمتني كان افتكيت من شري واتفرجت على طوال الشوارب لكن وانعم ببو فهد وربعه

[@ بن سلمان @]

المشاركة الأصلية كتبت بواسطة مخاوي منقاش

ابن سلمان ياريت اتصلت علي والله كان اروح معكم لاني كنت فاضي

الله من الصدق
أتصل عليك وين يا مصرف ؟
أذكر إني مرتين أرسل لك رسايل ووحده منها فيها جوالي , لكنك معطيها طنااااش

بالله فية نشامى يمشون160 كلم بدون دلال وقهوه؟

يا أخي أفرض معنا حرقان من القهوة
وأنت راعي بر و الحيل ما تعدم

-ترنق الواقف عند المعاميل الظاهر مسروق لانه طويل واذا احسنا الضن فهو عارية0

أبصم لك بالعشرة على هذه

الاثافي ولازم تكون ثلاث

أنت ما سمعت اللي يقول ثالثة الاثافي على ما يستهجن من الأمر
وبعدين هذا قدر بن سلمان و يقف لو حجر واحد

الليمون الاسود ماغسل وليه ماسكه باليسرى

أنت متأكد إنك من أهل حايل
ما تشوفهم يمسكون الدلة عند الصب باليسرى
علوم سناعة ما تعرف لها

وانعم ببو فهد وربعه

يستاهل أبو فهد و يستاهلون ربعه
وترى أبو فهد هو العقيد خالد الجعيد ( عقيد على راس العمل ما هو مثل اللي يصفرون للضحى ) .

[مخاوي منقاش]

الاخ حسن عابد / وانا مثلك ترى يسويها راع الحمير وابن سلمان صدق اتكلم وانا من زمان شاك في الموضوع بس كاتم00 حتى القصيدة اللي قايلها بالمخاوي احس انها تعني الذات

[حسن عابد]

المشاركة الأصلية كتبت بواسطة مخاوي منقاش

الاخ حسن عابد / وانا مثلك ترى يسويها راع الحمير وابن سلمان صدق اتكلم وانا من زمان شاك في الموضوع بس كاتم00 حتى القصيدة اللي قايلها بالمخاوي احس انها تعني الذات

حياك الله وحي علومك
يبدو حظك مثل حظ ابو زيد ان قلت لك حول لابن سلمان ما اضمنهوان قلت لك حول لمنقاش بعد ما اضمنه لكن خلها بظروفها وانت وحظك

[بلاحدود]

بن سلمان

بدون كلام وبدون سلام

واحد ناوي شر

الجعيد ماهو راضي عن الي صار منك ومن منتداك لماذا لم تستأذنه في نشر الصوره

وليش ما ساويته ببقية الشقرديه ربعك الي انا اعرفهم وانت ما تقدر تنشر صورهم


الرجال معلق عاني على ناس من جماعتك يطلب المذهب اما رجال بشره بالحق

والا سيضطر لرفع دعوى عليك وعلى منتداك وفقا لنظام المطبوعات بوزارة الاعلام


قلي يابن سلمان ليش ما اخترت الا صورة ابوفهد من بين عشره وزياده موجودين معك في شعيب

الطيري

يالله فرك ايديك واعرف الي عليك ولا يغرك انك مشرف اشرافك حدوده المنتدى الجعيد وراه قبيله يملون

وادي شقصان واطراف بسل احسب حسابك .

[@ بن سلمان @]

المشاركة الأصلية كتبت بواسطة بلاحدود

بن سلمان

بدون كلام وبدون سلام
واحد ناوي شر
الجعيد ماهو راضي عن الي صار منك ومن منتداك لماذا لم تستأذنه في نشر الصوره
وليش ما ساويته ببقية الشقرديه ربعك الي انا اعرفهم وانت ما تقدر تنشر صورهم
الرجال معلق عاني على ناس من جماعتك يطلب المذهب اما رجال بشره بالحق
والا سيضطر لرفع دعوى عليك وعلى منتداك وفقا لنظام المطبوعات بوزارة الاعلام
قلي يابن سلمان ليش ما اخترت الا صورة ابوفهد من بين عشره وزياده موجودين معك في شعيب

الطيري يالله فرك ايديك واعرف الي عليك ولا يغرك انك مشرف اشرافك حدوده المنتدى الجعيد وراه قبيله يملون وادي شقصان واطراف بسل احسب حسابك .

بلا حدود قف على الحدود
وعليك أن تعرف أن للدخول آداب و أمامك رجال تشهد أن لا إله إلا الله و أن محمداَ رسول الله و أهيب بمنقاش و بمخاويه إيقافك على الحدود , أما أبو فهد فله العتبى حتى يرضى و طلب الإذن منه حق له , وأنا على قولة ( وأنا في ذيك الساعة اللي أكون محقوق لأبي فهد ) يبشر من هنا لين وادي شقصان بما يرضيه .

يا منقاش و يا مخاويه عندكم الرجال أبيكم ما تخلون منه عضروط من عضاريطه و لا عكنون من عكانينه إلا و يصيح منها و لا يغركم بصوته و بالخط الأحمر اللي يكتب به ( وتروا مكانه في المنتدى محجوز و كرسيه شاغر في الاستراحة بعد تقاعده ) .

[بلاحدود]

يابن سلمان

لا تلاقي الصياح بالصيا ح عشان تسلم

منقاش ومخاويه ان شاء الله انهم رياجيل عقال ولا تسوي مصيبه مع عتيبه وتحاول توقع الرياجيل معك

ان ادري ابو فهد ونعم لكن ماراح يروح حق ووراه مطالب والشغله ما هي هروج وعزاوي وبس

العلم فيه دق خشوم ان كان يوم انك تتعزو بمنقاش وخويه وهم رياجيل بينصفون العتيبي منك اقول بيض الله وجيههم

وان كان الدعوة فزعه وبس فحنا لا في صخفه ولا في ضعفه ’’لكن طيع شوري وخلك عاقل , انت رجال يقولون انك شاعر وعشان ترضي ابوفهد انظم لك قصيده وامدح ابو فهد وافتخر بأخوته وبين ان امير القوم خادمهم ما هو الي جالس على المركى ويصدر توجيهات

والعلم وسلامتك