الذيب مايركض عبث

[اليزيدي]

الذيب مايركض عبث الذيب مايركض عبث الذيب مايركض عبث الذيب مايركض عبث الذيب مايركض عبث

للشاعر المبدع / عبدالرحمن المرخان ،





[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لـو كلمـة الحـق ارتمـت فـي فـم عيّـل قالـهـا=يا ليت اجل بعض العرب عيّـل ومـن عـرض العيـال
عجـزت أعـدل ميلهـا .. وارخـي واشـد حبالـهـا=دام السفينه بالبحـر؟ وش جابهـا فـوق الرمـال ! ؟
مالـي ومــال المايـلـه.. وقصـارهـا وطوالـهـا=مادمت اصلـي وش علـى لاذن جحـا والا بـلال ؟ !
ومرايتـي تضحـك علـي كلـمـا وقـفـت قبالـهـا=صارت شمالـي عندهـا يمنـاي ويمنـاي الشمـال !
مانـي ولـد عـم ٍ لهـا .. والخـال ماهـو خالـهـا=من كوكب آخر مـا درى بالشمـس والمـاء والظـلال
وحـده مهـي متربيـه ! صعبـه تـربـي عيالـهـا=والناقـه الجربـا اتهبـا مـا تخـاوي فحـول الجمـال
والمهـره الصفـرا تحـب أطلـق شـنـب يبرالـهـا=جاهـا علـى وضـح النقـا .. كامـل ولله الكـمـال!
والسلعـه الجـزلـه حسبـنـا حسابـهـا وريالـهـا=وبعض العرب تسوى وبعض الناس ما يسوى ريـال !
ماكـل منهـو قـال ابــي روس المعـالـي نالـهـا=الطايلـه صعبـة منـال . . ووصلهـا صعـب المنـال
وانـا عرفـت النـاس واعـرف طبعهـا واشكالـهـا=ومع كل هذا صورتـي تطـرح علـي ميـة سـؤال !
مـع كـل خطـوه رحلتـي مـن فـوق شـم جبالهـا=والذيب ما يركض عبث ! وشلون أجل ركض الرجال ؟ !
مهمـا الـدروب تسكـرت.. امشـي بهـا واسعالهـا=لـو القـدم تقصـر تحلـق همتـي فــوق الخـيـال
يسعد صبـاح المرجلـه ..لـو مـا فضيـت افضالهـا=يسعد مسـاء قصيدتـي ! آيـه مـن آيـات الجمـال !
أعيـش لجـل المرجلـه .. أمـوت انــا واحيالـهـا=يوم الردي يلبس علـى ثـوب الـردا بشـت وعقـال
أخـاوي كبـار البلـد . . وازرع أمــل لاطفالـهـا=انـا وقصيـدي كلنـا .. فـدوه لوافـيـن الخـصـال
والحـرب لا شبـت يسـجـل نصـرهـا لابطالـهـا=وكم واحدن اصبح ( بطل قومي ) بلا حرب وقتـال ! !
والجنـدي المجهـول لـو دمـه جــرى برمالـهـا=ماسجله تاريـخ ومـا يكتـب عـن الجنـدي مقـال !
كـل المبـادي تغيـرت! مـال الشـريـف ومالـهـا=ماعـاد نلقـى فـي زمـان العولمـه لقمـة حـلال !
دنـيـا عجـزنـا لا نـعـرف اقفايـهـا ومقبالـهـا=وصار احتلال (امريكيـا ) لبغـداد ماهـو باحتـلال ! !
( ياكليـب ) هـون لا تشـب النـار وكـب دلالـهـا=مادام حتى ( مـا نـي بقايـل ) غـدى راعـي دلال !
وكلـن ( مصـوت بالعشـاء) ! الله يكـثـر مالـهـا=وين العشاء يـوم المجاعـه نابهـا فـي كـل جـال !
سكـة قطـو ؟ والا قطـار.. الله يـزيـن حالـهـا !=مشكور يـا حـزم الذهـب جالـك مـع العالـم مجـال
فـي ناظـري دمعـة قهـر.. عيـن العـدو عقبالهـا=فـي مهجتـي حسـرة يتيـم ٍ لا عمـام ولا خــوال
الارض معـذوره لــو انـهـا زلـزلـت زلزالـهـا=والشمس لـو تشـرق مـن المغـرب وتهتـز الجبـال
وشلون أجل لا قامت الساعـه ! وكيـف اهوالهـا ! ؟=كـل البشـر سواسيـه .. اقصارهـا مثـل الـطـوال
حلو اختلاف الـراي حسـب اهـل القـرى واحوالهـا=مار المصيبه لا ختلـف جاريـن فـي رؤيـة هـلال
يـا فرحـة ٍ ماتـت قبـل كــف الـغـدر تغتالـهـا=بالعالـم الثالـث نمـوت امـا قهـر والا اغتـيـال
ضاعـت صناديـق الصـدور الغامـضـه باقفالـهـا=واصبح سقوط الطائـرة لاسبابـه الفيـن احتمـال
[/poem]



ابو راكان

[عضيد أخوه]

ضاعـت صناديـق الصـدور الغامـضـه باقفالـهـا
واصبح سقوط الطائـرة لاسبابـه الفيـن احتمـال !!!

يابوراكان من يوم سمعت فيهاا طايره وسقوط
مابغيت اررد

بس عاااد قصيده روعه

يعطيك العاافيه

[أبو عبدالرحمن]

مشكور على المشاركة الجميلة

[@ بن سلمان @]

يعطيك العافية يا بو راكان على تواصلك و حسن اختيارك

[موادع]

من كوكب آخر مـا درى بالشمـس والمـاء والظـلال
وحـده مهـي متربيـه ! صعبـه تـربـي عيالـهـا



روعة واكثر من روعة اختيار موفق وجميل

[حسن عابد]

ياسلام على اختيارك اقول تستاهل مندي

[اليزيدي]

علي يدك انت كريم واناء استاهل

[سنا الهجرة]

أختيار جميل

بارك الله فيك