الدرب الطويل

[سلطان بكلمتي]

الدرب الطويل الدرب الطويل الدرب الطويل الدرب الطويل الدرب الطويل

[poem=font=",6,,normal,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الليل والغربه ونجم سهيل والدرب الطويل=يوم التفت للي سمعت البارحه يطرونها
يفز قلبي لجلها واقول ياصبر(ن) جميل=كن المباني والزوايا الصامته يبكونها
من بعد غيبتها عرفت ان الفرح دمه ثقيل=وان الحياه الصدق ما تسوى ظفر من دونها
وان السحاب ان شافني من دونها دمعه يسيل=وان المطر لاطاح قربي اسئله وشلونها
وان الظروف القاسيه والحظ والوقت البخيل= تحرم عيوني لذة المنظر وتعمي نونها
الليل الأسود منتثر والبدر والطرف الكحيل=الليل يشبه شعرها والبدر ياخذ لونها
تميل اغصان الشجر مع غصنها لا جا يميل=وتنبت ورود الأرض خجلا تحتويه اغصونها
تميزت في وصفها واستفردت عن كل جيل=وصارت حكايه للبشر والنادره في كونها
البارحه ضاع الحكي مني عجزت القى دليل=وش قصة البارح شياطين الفكر يسعونها
وش قصته في عتمت الظلمه يزيد الليل ليل=وش قصة الارض والأزمان لي يشكونها
وش قصته يوم اذكره في داخلي ينهد حيل=وش حيلت اللي هو كتب في دفتره مجنونها
امشي على درب الخطر وقطع دروب المستحيل= واقول ياجعلي فداها فدوت(ن) لعيونها
ياليتها ساعه بقربي تشفي القلب العليل=اوصف لها عن حالتي من بعدها يا عونها
ماعاد ابلقى بعدها في هالبشر شخص(ن)بديل=ولا ابي كل البشر وش هي البشر من دونها
بعد الذي شفته من البارح حشى ماهو قليل= ارحل مع الذكرى اواسي قصة(ن) يحكونها
قررت اسافر في دروب الشوق قررت الرحيل= امشي وانادي الغايبه لعلهم يلقونها
الليل والغربه ونجم سهيل والدرب الطويل= يوم التفت للي سمعت البارحه يطرونها[/poem]

[مجنونها]

دام للمنتديات عطاءك

[سلطان بكلمتي]

المشاركة الأصلية كتبت بواسطة مجنونها

دام للمنتديات عطاءك

وعطائك يسلمو على المرور

[مايميزني لقب]

صح لسانك
قصيده رائعه

[سلطان بكلمتي]

المشاركة الأصلية كتبت بواسطة مايميزني لقب

صح لسانك

قصيده رائعه

صح بدنك ما يميزني لقب
والرائع تواجدك

[سنا الهجرة]

صح لسانك يا سلطان >> ما فيك حيله وفالك الخير

من أول ما بديت أقرا قصيدتك تذكرت الشاعر خلف مشعان وقصيدته الرائعه
اللي يقول فيها

الشعر في شرعي فكر .. والفكر بالشرع الاصيل
نهج العقول الناضجه والعاقلين أدرى بها

مو شرط من يكتب شعر يدري عن بحور الخليل
اللي يداوي علتك لا تبلشه بأسبابها

احد(ن) على الحنده حدا .. وحد(ن) على الشله يشيل
كلن على ما يكرب بيوته يمس اطنابها

على سبيل اهل المثل ماني مثل اهل السبيل
اللي معاني حضورها تشبه معاني غيابها

لا غبت جبت وعادتي لا غبت مارجع بالهزيل
ان جبت اجيب اللي محد بالشعر قبلي جابها

نفس الوزن ونفس القافيه ..
مع اختلاف الفكره والمد في قافية الشطر الثاني

صح لسانك ملايين

[سلطان بكلمتي]

المشاركة الأصلية كتبت بواسطة سنا الهجرة

صح لسانك يا سلطان >> ما فيك حيله وفالك الخير

من أول ما بديت أقرا قصيدتك تذكرت الشاعر خلف مشعان وقصيدته الرائعه
اللي يقول فيها

الشعر في شرعي فكر .. والفكر بالشرع الاصيل
نهج العقول الناضجه والعاقلين أدرى بها

مو شرط من يكتب شعر يدري عن بحور الخليل
اللي يداوي علتك لا تبلشه بأسبابها

احد(ن) على الحنده حدا .. وحد(ن) على الشله يشيل
كلن على ما يكرب بيوته يمس اطنابها

على سبيل اهل المثل ماني مثل اهل السبيل
اللي معاني حضورها تشبه معاني غيابها

لا غبت جبت وعادتي لا غبت مارجع بالهزيل
ان جبت اجيب اللي محد بالشعر قبلي جابها

نفس الوزن ونفس القافيه ..
مع اختلاف الفكره والمد في قافية الشطر الثاني

صح لسانك ملايين

صح بدنك الين ترضى ياسنا وبيض الله وجهك
عارف انا اول ما قريت القصيده باين عليها انها لشاعر متمكن من القاف
وكلماته قويه
تسلم على المرور يا سنا الاكثر من عذب شرفني ووجودك بحد ذاته شهاده اعتز فيها نورت
وشرفت لا عدمناك

[مزن الخير]

صح لسانك ..

[سلطان بكلمتي]

المشاركة الأصلية كتبت بواسطة مزن الخير

صح لسانك ..

صح بدنك مزن الخير وشرفني تواجدك

[أبو رامز]

صح لسانك... ودام لنا فكرك النير