قالوا وقلت

[عيضه بن مساعد_البدوي]

قالوا وقلت قالوا وقلت قالوا وقلت قالوا وقلت قالوا وقلت

بسم الله الرحمن الرحيم
[poem="type=1 color=#000000 font="bold medium Tahoma, Verdana, Arial, Helvetica, sans-serif""]




أخير منها لو اِدرقنا وغبنا = عن واحد(ن) ماهو للريا ملايم


تكفى ياسامي جاعِلنّا نشبنا = نشبة عمى في ليل ظلما وغايم


القصد فصحاب الفضيلة تعبنا = اللي على رُوْسُمْ تواما العمايم


ومن الحروف الأبجدية كتبنا = العُود الأزرق جاب ريح النسايم


من عند من ودّه يشذب عصبنا = زور(ن) على بهتان ظلم ونمايم


ماني بعارف يابشر وش سببنا = في يومنا الحاضر ويوم القدايم


و انّ قِلت ابجازيه يحمى أدبنا = يحماه لو الدم فالحزم حايم


لو كان ماينسب نسبه لنسبنا = أعفي عنه لو كنت باللّوم لايم


و ان أقبلوا يمشون حنا ركبنا = على المطايا كاسبين الغنايم


من كثر ماشفنا من الوقت شبْنا = والشيب ماهو عيب عيب الظلايم


ماني بظالم شايب(ن) من عربنا = ولاني بمادح واحد(ن) سار هايم


أعمى بصيره عامر(ن) بيت لبنا = جعله على راسه بعدنا يدايم


البيت لِبْن وكانز(ن) فيه تبنا = والتبن مايُعطى يقع للبهايم


اِبيوت تُهدم هدم و بيوت تُبْنا = وبيت الكرم والعز باساس قايم


نواف يعنني كما منت تعنا = تكفى يابو يوسف قوي العزايم


دوّر على الجيد وحقق طلبنا = وترى المذاهب ماتجي بالزعايم


انشد وتلقى فالرياجيل زبنا = زبن الدخيل مفطره كل صايم


هذي وصاة العُوْد قدام يفنا =احفظ وصاته واصحى لن كنت نايم


لاتنخدع للجهل وتقول صبّنا = ترى الكِبر والجهل بيت الهزايم

[/poem]

[أبو عبدالرحمن]

أدام الله عمرك في طاعته يا أبو فهد

وصلتني رسالة تريد تعديل قصائدك تحت هذا المعرف

ونحن في خدمتك

[النادر]

ابو فهد

عجلة الزمن تاخذ في دورانها الكثير ولاتعيد حتى لو القليل

هذا النص غير باقي نصوصك ... الله يطيل في عمرك ونسمع منك

صح لسانك

[@ بن سلمان @]

صح لسانك يا بو فهد
تشرفت بالمرور من هنا

[عيضه بن مساعد_البدوي]

الشكر على كل من اطلع على هذه القصيدة .

[عيضه بن مساعد_البدوي]

(ابو عبدالرحمن)شكرا على المرور وشكر اعلى إطلاعك على الرساله

[الخلاوي]

كلامك جميل بابن مساعد بس(خطير)صح لسانك

[صقر الحجاز]

ابن مساعد جميل وخطير وصديق وعلوم غانمة

[عيضه بن مساعد_البدوي]

المشاركة الأصلية كتبت بواسطة صقر الحجاز

ابن مساعد جميل وخطير وصديق وعلوم غانمة

المشاركة الأصلية كتبت بواسطة الخلاوي

كلامك جميل بابن مساعد بس(خطير)صح لسانك

الله يسامحك منين كلامي خطير
شكرا على المرور

[سهيل2012]

لاتنخدع للجهل وتقول صبّنا ترى الكِبر والجهل بيت الهزايم

حريٌ بهذا البيت أن يُدرس في مدارس الشعر والأدب ..

ومثله في القصيدة كثير !