حملة مليون رد الثانيه

[ابوعزام]

تخـــوفني مشـــــاوير الطــــريق المظـلم المهــجور

وانا لا مـــــن ذكــــرتك قلت طولي يا مشـاويري



عــــزاي انك رجاي العـذب لو كل الدروب عثور



وصلـت أو ما وصلت أعرفك ما انته بمنتظر غيري



حبيـــبي .. وكــــل الله لا تحســـبني بليا شعور



لو أنــت المستـحيل الصعب ما ابدي لك معاذيري



أحبك .. لـــو يموت الحــب وتصير القلوب قبور



أشوف الجــــرح يكبر وأنـــت تكبر وسط تفكيري



أحبك .. مـــن هنا حتى طلوع الشمس حتى النور



صحيـــح أنك قدر محتــــوم بس أجمل مقاديري



أحــــد ربي يحــــطك له حبيب وما يجيه غرور



أنا ليـــه التفت للنــــاس وعيــــونك جمــاهيري



هـــلا بك مـــن أ قــــدامك لغـــرتك لشعرك المنثور



هـــلا في كــــل شي فيـــك وانت أغلا مساييري



ترى صــــدق الغـــلا يجبر حطام الخاطر المكسور



وأنــــا مهما منحتك من غــــلاي أشعر بتقصيري



ولــــو طــــالت مشاوير الطــــريق المظلم المهجور



أنا لا مــــن ذكــــرتك قلـــت طولي يا مشاويري