عميد منتدى الحياه الفطريه الشيخ سلام , سلمه الله : بخصوص عتبك على أستعارة أبو نقشه لصور عيال العم , فهذا من باب صلة الرحم , والمثل يقول , خشمك منك ولو كان أعوج .
ويش تبي بدر الدجى يسوي بهم بعد طاحوا علينا في طرف من ديارنا بنسوانهم وورعانهم ؟؟, وليتهم يكثمون عنا ويتركون الدعوجه والنذاله اللي يجيبون فيها طاري جبل اللوز ومنابت الرتمه .
وبخصوص شجرة الرتم , لقيتهم يسمونها عندهم (في لغتهم) ب ها روتم , ويقولون في مواقعهم أنها من أكثر ألأشجار اللي تطول فترة أزهارها , الفتره اللي تبتدي في يناير وتستمر فبراير ومارس وابريل , يعني لفتره تقارب ثلث العام , تكتسي فيها بحله جميله من ألأزهار , وتدخل فيها البهجه على النظار .
حليفي الدكتور قشاش , لقيت له كلام عجيب في معجمه عن هالشجره , ومضمونه : أن ألأبل والغنم أذا رعت من قش الرتم اليابس المتساقط تحته, وشرب لبنها أو أكل لحمها أحد ماهو متعود عليه , يصيبه لأول مره خدر ودوار ورعشه في أطرافه , وأنخفاض سريع في سكر الدم .
ويقول أن أهل منابت الرتم من قبيلة بلي يسمون هالأعراض بالرتام , ويعالجون صاحبها بشوية سكريات ياكلها , وربما ظهرت ألأعراض نفسها على مستنشق دخان حطب الرتم اللي ما تعود عليه .
ويذكر أنه تذوق قليل من ثمرة الرتم , وبعدها بوقت قصير أحس بخمول ورعشه في ألأطراف والفكين وتعسر في الكلام , وبعد تناول قليل من التمر أستمرت معه نفس ألأعراض نحو الساعه.
03-17-2010
رد: الرتم شجر الشمال .
المواضيع المتشابهه
العرض الشجري