لا يا فلوس الفلس /الحلقه الثانيه .

[منقاش]

لا يا فلوس الفلس /الحلقه الثانيه . لا يا فلوس الفلس /الحلقه الثانيه . لا يا فلوس الفلس /الحلقه الثانيه . لا يا فلوس الفلس /الحلقه الثانيه . لا يا فلوس الفلس /الحلقه الثانيه .

عرفتم من الحلقه اللي راحت أن قروش الورق ماهي راس مال وانها مجرد أسناد تثبت لحاملها راس ماله وعليها ضمانه من مصدرها ,

وعرفتم ان كانزها خسران لأنها مع مرور الزمن تفقد نسبه من قيمتها وراعيها فاتح فمه يعدد فيها مصبح وممسي ويحسب أن العدد أذا ما تغير ما تنقص قروشه , وناسي أن العبره بقيمتها لمشاريها ماهو في عددها , وعرفتم ان أهل الخبره يسمون هذا الضعف اللي يحل بدراهم زمانكم سنه بعد الثانيه ويقلل مشاريها التضخم (ضعف القيمه الشرائيه).

ولا أظنكم نسيتم البليه اللي حلت بثروة منقاش اللي دفنها في الدمنه, البليه اللي ما لقيت خبير يفكك رموزها ويحل لي ألغازها الا صاحبي اليهودي ولد حياة شلومو لأن حرفة النقد (الدراهم) علم وخبره تراكميه أجادها عيال عمكم اليهود واحتكروها جيلا بعد جيل وكابرا عن كابر من قرون كثيره وازمان بعيده , وهم اليوم صناع النظام المالي العالمي واصحاب أمبرطورية شبكة المصارف العالميه اللي بيدها سلطة المال المتحكمه في بقية السلطات بما فيها السلطات التنفيذيه والتشرعيه في الدول الكبرى واولها زعيمة العالم أمريكا.

الخلاصه :
بعد عناء وصلت لصاحبي ولد شلومو وشكيت عليه المشاكي وبكيت عنده البواكي ثم رميت عليه بعمامتي وقلت : أنا داخل على الله ثم عليك يا ولد حياة شلومو , داخل عليك بحق الزاد والملح اللي بيننا والقرابه اللي تربطنا (العرب واليهود) أنك تفهمني بلعبة القروش حتى أنتبه بعد اليوم لنفسي وافهم ورعاني من بعدي وافهم الغشيم اللي ورايه من ربعي حتى لا يطيحون في الحفره اللي دوبي خارج منها.
رد عليه ولد شلومو وقال : شوف يبو نقشه , قبل ندخل في الصميم لازم تلم بشوية معلومات تخليك تعرف ويش سدك يا جبل وتفهم لعبة النقد.

أولها : أبغيك تفكروتحاول تعرف ليش الناس عشقوا الذهب وحطوه مرجع يسعرون (يقيمون) به كل الثروات ؟ , ليه والذهب ما يوكل ويشبع من جوع ولا يشرب ويروي من ضما ولا يلبس ويستر عوره أو يحمي من برد ولا ينركب ولاينسكن ووو ....الخ؟, ليش هذا الولع ؟, ليش وهو ما له حاجه لسد أي ضروره من الضروريات غير الزينه اللي تعتبر ترف ولا هي من الضروريات ؟, وين السر يا منقاش ؟.
جواب هذا السعال حاول تعرفه , ومعك من هالحين حتى الدرس الجاي , وهذا وقت يكفيك تحاول تعرف فيه السر أو مجموعة الأسرار اللي رفعت الذهب للمنزله اللي تربع عليها وهو ما منه فايده ملموسه في الحياه .. وفي الحلقه الثالثه رايح أعطيك الجواب واكشف لك السر السحري للذهب ..

ثانيها : يقولون في الأمثال كبار المصايب مفاتيح الأرزاق , وهذا المثل يصدق أحيانا كما صدق علينا, ومصيبة بني أسرائيل الكبيره كانت سبب من أسباب أحترافهم لحرف جلبت لهم الثروات , مصيبتهم أن الله كتب عليهم الشتات والتشريد من ديار للثانيه , ما يقر لهم قرار في أي أرض ولا يحسون بالأمن على أنفسهم ولا أموالهم في كل وقت عاشوا فيه وكل ديره حلوا فيها .

هذا الشتات والتشريد والتطريد والخوف خلانا نحس بالخطر المشترك والمصالح المشتركه , وخلانا نلتف على بعضنا ونترابط ونتعاضد ونكون لنا شبكات في كل زاويه من زوايا الأرض ترتبط وتكون مع بعضها شبكه عالميه واحده حتى نحمي بعضنا ونكسب لقمة عيشنا ,,, يعني أن يهود القاهره واستانبول وقرناطه وبغداد وامستردام ولندن وموسكو وعدن ونيويورك وطهران وغيرها كانوا بالرغم من تباعد المسافات اللي تفصلهم عن بعضهم يتواصلون ويتعاونون في التجاره ويتبادلون الدعم والحمايه والمعلومات , وهذي الميزه (التواصل والتعاون والأنتشار) مكنتهم من التجاره العالميه في الوقت اللي ما توفرت لأي أمه أو أقليه غيرهم كما توفرت لليهود .

ثالثها : مصيبة اليهود (أنعدام الوطن والشتات والتشريد) دفعتنا على البعد عن الحرف المستقره مثل الزراعه وغيرها ووجهتنا للتركيز على التجاره والمهن الخفيفه الثمينه (ماخف وزنه وغلي ثمنه) والمرنه عند الحاجه للرحيل مثل صياغه الذهب والحلي والمجوهرات والصرافه .
وحتى بداية الثوره الصناعيه كانت هذي الحرف (التجاره والصياغه والصرافه) هي محور نشاطنا وكنا نسيطر عليها في أغلب نواحي الأرض , وبعد قامت الثوره الصناعيه رمينا بثقلنا في الأستثمار الصناعي وحررنا اليد العامله (الغاء تجارة الرق اللي كنا تجارها وتحرير العبيد اللي كانت أعدادهم بميات الملايين) حتى نحول تملك اليد العامله والتحكم فيها من أسياد العبيد مثل الأقطاعيين وملاك الأراضي الى تملكها من قبل راس المال اللي أغلبه في أيدي اليهود.

بأختصار المهن الثلاث (تجاره + صرافه + صياغه) مضاف لها ترابطنا وانتشارنا في كل مكان مكنتنا من أمتلاك ثروات العالم القديم والسيطره على التجاره بما فيها تجارة النخاسه والسوق السوداء ,, (كيف ؟, الجواب تبي تعرفه في الحلقه الجايه) ,, وتعلمنا منها أن أسهل واحسن وسيله لحفظ الثروه هو تحويلها للذهب حتى يسهل نقلها وحفظها , وكان اليهود أذا أستشعروا نذر الخطر تهددهم في بلد وزوا ثروتهم (ذهبهم) بسرعه عند يهود ثانين في بلد ثاني ما فيه خطر .

قاطعت ولد شلومو وقلت : سبحان الله , هذا التشريد والتطريد والخوف اللي لازمكم ولا فارقكم في كل تاريخكم مذكور في قرآننا أنه كتب عليكم عقاب من الله ومذكور أنكم تاكلون أموال الناس بالباطل .

تنرفز ولد شلومو وقال بصوت أجش : أنطم يا منقاش , وثاني مره ألزم حدودك وامسك لسانك , وتراك أنت اللي جاي الى عندي ماهو أنا اللي جاي الى عندك وجاي تطلب تعلم مني ولا أنت جاي تعلمني , وبعدين انتم يا عرب سرتم معنا في الهوى سوا تاكلون اموال الناس بالباطل وتعاملون بالربا ,, ويش تفرقون أو تختلفون به عنا ؟ , صحيح تفرقون عنا أن اللي ناكله يحلله لنا التلمود واللي تاكلونه يحرمه عليكم القرآن ,,, والمزري أنكم حكونجيه تكلمون باسم الأسلام ولا تحكمون بشريعه الأسلام في جميع مناحي حياتكم وخصوصا المال حتى مالت قلوبكم واصبحتم مثل الحمار اللي يحمل أسفارا..

وبالمناسبه ,, للأمانه وكلمة حق أقولها صادق فيها وهي أن اليهود ما شعروا في يوم من الأيام بالأمن الكامل على أرواحهم واموالهم ومعابدهم وحريتهم الدينيه مثل ما شعروا بها في بلاد المسلمين اللي كانت تحكم بالشريعه لأن الأسلام دين رحمه وعدل وانسانيه , ولأن المسلم يتعبد الله بسلوك العداله ومحاربة الظلم والظالمين , ولأن دينكم علم الصالحين منكم أن الله حرم الظلم على نفسه وجعله بين عباده محرم .

دينكم يا منقاش حرم ظلم أو أيذاء ألذميين أو غيرهم , ودينكم ما سمح لأتباعه ياخذون شي من أموال غير المسلمين الا جزيه بسيطه تقابل الزكاه على المسلم ومقابل توفير الحمايته لأهل الذمه , واذا عجز المسلمين عن حماية الذميين كما حدث في حالات نادره في التاريخ رفعوا عنهم الجزيه وقالوا هذي جزيتكم اللي أخذناها منكم نردها عليكم ودافعوا عن أنفسكم ,,, واكثر من هذا الكلام أن فقير اليهود اللي ما دفع الجزيه بسبب فقره كان ينفق عليه المسلمين من بيت مال المسلمين ويعطونه ما يكفيه ويسده عن الحاجه .

لكن هذي الفضايل ما للعرب فيها أي فضل لأنهم بدون أسلام أجلاف وأهل عصبيات وعنصريات ووهابه نهابه يعشيك الرجال منهم في الليل على السمن والسمينه ويصبحك في الفجر وينهب مالك وحلالك , وأذا مالقيوا غريب يسلبونه عودوا يسلبون بعضهم ,, الفضل للأسلام اللي علم أتباعه على الأيثار والعدل والرحمه والقناعه ومكارم الأخلاق وزرع فيهم الأمانه والصدق مع العدو والصديق .

قاطعت ابن شلومو وقلت : تبارك الله عليك , طيب يوم أنك فاهم الأسلام أحسن مني ومن بعض المسلمين , وتثني عليه بكل هذا الثناء ليه ما أسلمت ؟ , رد عليه وقال : أذا أسلمت لابد أترك الربا والقمار والأحتكار والأبتزاز وحيل كثيره غيرها أكسب منها المال مثل الغش ولعبة بطاقة سوا وحيل وخدع البورصه وسوق الأسهم وتجارة المخدرات والدعاره .
الى عند المخدرات والدعاره واخواتها نتوقف , وفي الحلقه الجايه ندخل بكم في صميم الموضوع وهو لعبة القروش وتعرفون منها ألأسرار اللي خلت الذهب يصبح سيد الثروات ومعبود اليهود ومن حذا حذوهم .
تابعوا مع ابو نقشه , الله يخارجني منكم ومن لعبة القروش , وسلامتكم ..