قصيده لشاعر مطير الاول سعد بن سلطان بن قنان الرخيمي

[زملوق]

قصيده لشاعر مطير الاول سعد بن سلطان بن قنان الرخيمي قصيده لشاعر مطير الاول سعد بن سلطان بن قنان الرخيمي قصيده لشاعر مطير الاول سعد بن سلطان بن قنان الرخيمي قصيده لشاعر مطير الاول سعد بن سلطان بن قنان الرخيمي قصيده لشاعر مطير الاول سعد بن سلطان بن قنان الرخيمي

قصيده لشاعر مطير الاول سعد بن سلطان بن قنان الرخيمي
قالها في مزاين الابل الخاص بقبيلة مطير




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]غرد فرح في سما الصمان ياشادي =والعب بسبق جناحك في هوى نوده
غرد وانا لي معك ماقف وميعادي=واليا سهجت الحن نعطيك مردوده
وان عودت للبكار الشعل الاتلادي=معنا مشاعيف شعل ذكرهن شوده
مادوجن بالبلد من عام ابن عادي=وش للحاوي وشهن شعل بن عوده
لباعر مطير ذكر فوق الاشهادي=في سبع الوان اباعرنا بها زوده
صفر دبس والنواظر شعل وحدادي=اذيالهن شبر والارقاب ممدوده
هدب هدل للمصوت شخص شرادي=كزت ظبا اليا ندبت لهن على القوده
لشعافهن مع سنا الحمره تمر عادي=كــ جمر نارسرى النسري على عوده
واوبارهن كــ الحقل في حور بغدادي=ولا نواوير حربث برق ساموده
ومعنا مجاهيم دهـــم وجيه ركــــادي=جهام ليلة قدر بالخير محموده
ليلة قدر مبرهزه جوها هادي=سكانها خشع العابد لمعبوده
دهم طخم ريش روس سموعهن بادي=كــ روس شلف نهار الكون ممدوده
ريش زهاها على الاكتاف لبادي=ملمس حرير الشرازي عالي الجوده
ومن المغاتير معنا وضح سنادي=وضحا على شف راعيهن ومقصوده
تهيض فيهن مشاعر كل قصادي=اليا صيح لاقصى الطياح ولد للموده
ضحاح جنب الضويحي مع شفا وادي=اليا عاد من صيحت ماهي بماكوده
ومعنا من الزين مايحصيه عدادي=وشهودها حيه ترزق وماجوده
بنات عبدان معنا ورث الاجدادي=ماهي علينا حديثه عهد ومولوده
وعليا بن علوش فيصل مالها لادي=والشرف مع غيرنا ماهي بموجوده
حامينها الامار رجحان الاولادي=حامينها يوم كل حامي حدوده
يومنها بين اهلها حد وعنادي=ولايدحم الرجل ضده كود بعضوده
وقفه لشمط اللحا مافيه مقعادي=كل تثولث به الصفرا ورى ذوده
لوتحذا خيلها الاخصام وش عادي=ماهي علينا العدا بالنصر موعوده
نرسي لهم مثل مايرسن الاوتادي=بالعزوه اللي على الاجداد معهوده
واليوم يوم الامن فالمملكه سادي=نتبع هواهن من الخفنه الى السوده
من حيث مالاح برق وهل رعادي=نمشي طرب والحيا نرعاه ونروده
ونجيب علم الربيع لكل نشادي=حيثنا من رجال تاصل حدوده
ونحف عشبه وجا للقيض ميعادي=وكل مثل مايقولونه نصا عوده
لنا على مارد الصمان ميرادي=على طوال تلاطم جم بروده
ومصدارهن يم حسنا السبق مسنادي=ترتع بجيانها ما هي بمطروده
من جو حسنا الى ساقان من غادي=الله يسقيه من مده ومن جوده
فيهن فخرنا وبهن الشوق يزدادي=وكلٍٍ يماري هل الاذواد في ذوده
عاشت لحا شيوخ حطوا لهن نادي=وجوايز قيمه ماهي بمحدوده
للصفر من سنها الرابع الى الحادي=ومزاين الشعل من حقه ومفروده
والاالمجاهيم معنا حقها بادي=لها الجيوب الكلوزر صف مرصوده
وللشقح شد الجميع لااللي ماهوغادي=قد لهدبا وهدبا هديب بقدوده
من طيب شيخنا كساب الامجادي=عاشوا لنا وكل شيخ جاب موجوده
طيب الشيوخ القديم بروس الاحفادي=الطيب موجود والشيخان موجوده
الله خلق شيوخنا للطيب روادي =كالطيبه في نواصي الحصن معقوده[/POEM]