رشح شخصية عام 2008م من اعضاء المنتدى

[منقاش]

رفيقي فاعل خير : أنا أشهد شهادة حق أنك أسم على مسمى , ومن الخير اللي فعلته تنبيه الغافلين لرجل العام فخامة الشيخ الشريف منقاش , وهذا يدل على بعد نظرك , ونظرتك الثاقبه للأمور , وفي الختام أوجه لك الشكر أصاله عن نفسي ونيابه عن الشرفاء من أعضاء وقراء المنتدى على هذي المبادره الطيبه والحكيمه اللي جات في زمانها ومكانها , وللرجل المناسب في الوقت المناسب ...
الشاعر الكبير , سنا الهجره : أشكركم على ترشيحكم لي , وهذا ما هو مستغرب من رجل يتحلى بالحكمه والفطنه ورجاحة العقل مثلكم .
المشرف الفني : أنت خلك للسلوك والتفكيك والتركيب وتغير الزيوت والبعبصه في كنفيوتر ثماله , وخلي ألأمور اللي ما أنت في مستواها لغيرك , أما الشيخ سلام فهو كفو نحطه رجل السلام الأخضر وحماية البيئه والا رجل التبحثات , أما موضوع أكبر منه مثل رجل العام فهذي بعيده على شواربه , وأنا متأكد أنه يترفع عن المهاترات اللي تبي توقعه فيها وتجر بها عليه العار والشنار , ورايح يرشحني ويعطيني صوته أذا الله هداه .
الدكتور مشعان : أشكرك مسبقا على ترشيحك للشيخ الشريف منقاش لو على ألأقل من باب المكيده بمنافسي عدوك اللدود الحاج سلام الله يهديه ولا يسامح من رشحه ...
مخاوي منقاش : أقطع واخس يالرويبضه , واللي مثلك يخبر نفسه لا في العير ولا في النفير , ولا أتشرف أنك تعطيني صوتك وتلوث سمعتي , ولو أعطيتني أياه رميته في وجهك ....