منقاش والشوحط

[أبو عبدالرحمن]

منقاش والشوحط منقاش والشوحط منقاش والشوحط منقاش والشوحط منقاش والشوحط

يا هلا ويا مرحبا بجماعة الربع ..
كيف حالكم
وش أخباركم
أكيد ما دريتم عن سالفة خوينا منقاش أبو نقشه
ما تشوفه هذه اليومين لا حس ولا خبر!
أكيد ما قال لكم ولا علمكم واش اللي حصل له.. ما يبغى أحد يضحك عليه
لكن أنا بعلمكم عنها وبقول لكم ايش اللي صار معاه ..
يقول والكلام له إنه زمان لما كان شباب ويتناقز من مكان لمكان قريب من واديه
إلا يشوووف شي ما شافته عينه ..منظر خلاه يفتح فمه ويسبل عينه
تدرون ايش شااف !؟
شاف شجرة الشوحط اللي تعتبر من الأشجار النادرة في ديرتنا
الرجال ما صدق خبر ولا كذب عين
على طول راح للشجرة وسلم عليها وأخذها بالاحضان
وقعد يسولف معها

ومع طول العشرة والجلسة تعهد لها أنه يحميها وتحميه ويرعاها وترعاه ويحافظ عليها وتحافظ عليه

الآن شجرة الشوحط ـ ما شاء الله تبارك الله ـ كبيرة ..ولها عيدان ..بس تقول وين الظهر؟؟؟

ودائما كان أبو نقشه يأخذ من الشجرة مرة عود ومرة غصن!!!

وكلما شاف عود يستاهل القيمة..رمى ما بيده وقطع اللي يعجبه.. عشان يكون في يده وحماية له من غدر أهل الزمان

وبقي صاحبنا على ذي الحال سارح ضاوي عليها

و هو يرعى مع غنماته ، يدور رزق الله للولايا اللي في رقبته ( أقصد الغنم ) جاته فكرة أنه يجيب واحد من العمالة المخالفة عشان يرعى له الغنم ...

ولقى واحد منهم واتفق معه يرعى له الغنم بالأجر المعلوم (لكنه بيت النية على ظلمه!!!)

بعد كم شهر..جاء وقت دفع أجر العامل..طبعا تصايح ورفع صوته عليه!!!وطرده!!! فأخذ العامل عصاه اللي من حبيبته شجرة الشوحط وأعطاه منها على راسه وظهره وجنبه ورجوله لين ما عض الأرض وشاف النجوم بالظهر... وتركه وراح عنه..وأخذ زيادة ما تيسر له من الغنم!!

صاحبنا قام من المأساة متعور ومتألم من اللي جاله وبالكاد يمشي لين ما وصل ...

عاد أنا شفته على هذا الوضع..وكلمت شاعر القرية ـ مشاكس ـ وما قصر مشاكس في كتابة مواساة له..أعلمكم عليها بعد قليل..
قلت لا بد من زيارة منقاش..وزرته..

وعلمني سالفته؟
وقال لي : شفت الشجرة اللي صورتها لكم ..قلت : ما أكثر صورك؟؟قال الصورة اللي أنا صاحبها على مستوى كنفيوترات العالم ..اللي ما احد صورها قبلي ..قلت تقصد شجر الشوحط...قال : ايييييييييييييه هيا..قلت : واشبها!!!!
وقال لي : القصة من أولها لين (جزء من النص مفقود)
ضحكت وكركرت وقلت له :

ما سمعت صاحبك مشاكس!!! قال : المأخوذ دري عن القصة!!!قلت : ايه . وقال فيك كم بيت؟؟؟
قال والله لان شفته لكسر سنونه بهذا الشوحط!!!

قلت أبغى اسمعك الأبيات :

[poem="font="Simplified Arabic,4,black,normal,normal" bkcolor="transparent" bkimage="images/backgrounds/18.gif" border="none,4,gray" type=0 line=0 align=center use=ex num="0,black""]
ياالله انا طالبك وانت ربي الرب الرحيم=طالبك لاتجعل حياتي للعيون الشامته
أقولها عبرة نظر والمعتبر دايم حكيم= عبره من أيام وليالي فالوجيه الصامته
يوم المغفل طاح حظه طيحة ابليس الرجيم= وامرت مطاريق الشواحط فالعواكن ثابته
مسوه عكفان الشوارب بالمطارق والهشيم= من شجرة بيده غرسها يب يظلل هامته
وان كان قلتو من هو المهبول قلت اكبر زنيم=منقاش راعي الدنفسه لكن خابت غايته
[/poem]

قال منقاش :بعد سماعه للأبيات.. وهو يصيح ويسب ..والله لان شفته لكسر سنونه وضروسه بهذا الشوحط!!!

يا ابو نقشه ..ودي أعلمك بسالفة وقصة وتراها تشبه قصتك ....قصة الكسعي
قال وش الكسعي ذا ؟ليكون من عيال عمنا ؟
قلت على حالتك تراه مو بعيد عنك
قال وش قصته ؟
قلت يجيك العلم

................اسمع ..........