واتشاييب الاعيان بالشيب .

[منقاش]

واتشاييب الاعيان بالشيب . واتشاييب الاعيان بالشيب . واتشاييب الاعيان بالشيب . واتشاييب الاعيان بالشيب . واتشاييب الاعيان بالشيب .

بسم الله الرحمن الرحيم
[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]

واتشاييب الاعيان بالشيب = سعدان تقرع حياته =وسعدا تدور خطيب
[/poem]


السلام عليكم ورحمة الله وبركاته ,
و الله يمسيكم يا رواد منتديات ثماله بالخير , وبعد :
أدري أن أغلبكم ما يعرف الحدايا , ولا يدري عن الشباحه , وحتى لا تجهلونها بعد اليوم , هذا بدر الدجى يبيكم تدرون عنها , وتاخذون منه شوية معلومات عنها .
الحدايا نوع من الشعر له طرق و وزن يختلف عن طروق و أوزان باقي الأشعار , مثل الزهم , والمجالسيات , والأنشاد , وغيرها...
والطرق يفرضه مد اللحون (جمع مفرده لحن) , لكن أجملها عند بدر الدجى لحون الزهم (بتشديد وكسر الزاء , وفتح الهاء).
والشباحه , هي أستطلاع مواقع القطر , بمعنى ثاني , أن الناس يوم كانوا أهل نحال وحلال (مثل الغنم والبل والماعز) , كانوا دايم يرفعون أنظارهم للسماء , وأذا أشهبت وأسنت عليهم ديارهم وقل كلاها وماها تطلعوا لديار غيرها , خصوصا أذا لمع عليها وميض البروق وأرزمت عليها الرعود في الليالي المظلمه , أو تشللت عليها الثعول في ألأيام الطيبه , وخيلوا عليها الخيال(بكسر الخاءوفتح الياء) وروف الامطار , وقتها يروح الشباح يشبح (يستطلع) عن الكلا والماء في الديار الممطوره , وهذا العمل يسمونه الشباحه .


وهالحين بعد عرفتم معنى الحدايا , وعرفتم معنى الشباحه , تعالوا أعطيكم حدايه لرجال أرسله فريق من ربعه (كان نازل معهم) حتى يشبح لهم الديار اللي خيلوا عليها خيال السحاب وتوقعوا أنها ممطوره يم مكان في التهايم يسمونه الحلق (بفتح الحاء واللام) .
المرسول (الشباح) ما جاب لربعه علوم ساره عن الديار اللي شبحها , لكنه أحب يسليهم بطرفه حدثت له في طريقه للشباحه وسوى فيها حدايه , وهي عدوة فرقه من القرود عليه بوادي جهة الديره اللي راح يشبحها , وكانوا يلقبون القرود بالسعادين اللي مفردها سعدان (بفتح السين وتسكين العين للمذكر), وسعدا (بضم السين وتسكين العين للمفرد المؤنث) , ويوم شاف القرود وارده في عدوتها , ولا ردها ولا صدها عنه لا عصا ولا حصى , ميل عليها النيمس (البندق) وقتل كيشها (كبيرها أو فحلها), وشرد باقيها , ألا قرده مسكينه بقيت صامده جنب الكيش وهو ينازع , وكأنها تحاول تساعده لعله يقوم , ولا هي مصدقه أنه يحتضر ويلفظ في آخر ألأنفاس ...
يقول راعي الحدايه :

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت من يم قطر المعازيب = شباح يم الحلق ماني خابر عليه مصيب
ألتقاني عرب روسها شيب = والكل منهم يقل يا حمار اللقى من قريب
حرت للنيمس أم اللواليب =واخذت عمره جزا يوم وطا عليه النحيب
واتشاييب الاعيان بالشيب = سعدان تقرع حياته وسعدا تدور خطيب
[/poem]
وسلامة أبو نقشه وسلامتكم ياللحى الغانمه .....