والشاذليه شرب الاجواد .

[منقاش]

الشيح سلام عسى ربي يسلمه : مشكور على المعلومات المفيده اللي ذكرتها وأثريت بها الموضوع , وفعلا كما تفضلت , كاد الدخان يفلت من الحظر كما أفلتت القهوه من قبله , بعد كثر أنصاره ونظم الشعر اللي يشيد في جنابه , حتى قال قايلهم
شرابة الدخان فيهم سعة بال @ واللي طويل(ن) شاربه يقصرونه .
لكن القهوه لها مزيه ولا منها رزيه , والدخان بليه وكله أذيه .
ويبدو أن وعي الغرب (بمضار التنباك) له الفضل قبل غيره في محاصرة التدخين والمدخنين , ولا عجب , وهم لهم الفضل من قبل في السبق بمبادره تحرير أخواننا العبيد .
وعلى طاري منع التدخين في السنين الخوالي , لا زال فيه رجال أحياء بيننا يتذكرون يوم كان الدخان يهرب من والى الطايف برميه آخر الليل من فوق أسوار المدينه , يوم كانت صغيره وتغلق أبوابها ألأربعه بعد صلاة العشاء بقليل .
أما بخصوص كبر راس رويعي الغنم , فحدث ولا حرج , والشرهه ماهي على الرويعي , الشرهه على من كبر براسه , وانت يا شيخ سلام واحد من المسعولين عن هالمأساه , وقديما قيل , يا فرعون من فرعنك ؟, وكان رده , تفرعنت يوم ما لقيت أحد يوقفني عند حدي .
لكن أن كنت أبو نقشه اللي يورد القول الفعل , لخليه يقول ياربي رد راسي كما الروس أوحتى الشيشان .
وبخصوص سعالاتك عن التدابير اللازمه لطلعة ثلة العلماء والخبراء , وأقتراحك أسناد التدابير لرجال راعي دبره وبصره وهو شيخكم ابو نقشه .
نفيدكم , أنه بعد عرض الأقتراح على الرويعي , بصم بالخمس على الرغم من معارضة حليفه ابو عبدالرحمن بسبب حقده على بدر الدجى , ودمتم .
ملاحظه : يا شيخ سلام , الرويعي راسه قابل للتصليح , يعني كل العمليه شوية سمكره في ورشة أقزوز منسم , لكن حليفي أبو سيفين أشوف راسه كبر واجد , ولا عاد الرجل يعبرنا ويرد على محبينه .
والمطلوب , عساك تعلم لنا أحد يقدر يرد راسه كما الروس ؟ .