الظبي الغالي

[بن عواد]

الظبي الغالي الظبي الغالي الظبي الغالي الظبي الغالي الظبي الغالي

[POEM="type=0 font="bold small Tahoma, Verdana, Arial, Helvetica, sans-serif""]تسعه سنين ابحث عنه مالقيته

يامن يبشرني ويبشر ببشراه

ابغا خطاب ايده ولو ماقريته
اناظره بالعين وازريت مااقراه

اللي بلاني حبها ما بليته
تبرى الضبا ماتختلط به وتبراه

ترعى الحيا في معسرٍ ماقويته
حار القدم واحترت انا كيف ابا ارقاه

ناديتها بااصوت والله رجيته
يارب انا طالبك بالعين ترعاه

واتعوض اقليبي في سعين سعيته
يارب عبد جاير الهم ما اقواه

هديت صرح الحب لاكن بنيته
عساه يرجعلي وروحي تمناه

من عقبها حرمت نومي رميته
واسهر مع السبْع ونجمٍ تقفاه

ياوجد روحي كم سنينٍ بكيته
من كثر مافي خاطري اااه ماجفاه

لاوا هنيك يالهوا زرت بيته
ليت الهوا ينشاف وامشي على خطاه

للي عطاني الحب روحي عطيته
اعطيه روحي مع حياتي وتفداه

زودت همي ثم جسمي بريته

مثل القلم في ايدين مخلوق يبراه

لاكن يفداك الجسم لو بغيته
وانا وقلبي كلنا نتبع ارضاه

واختم بذكر الله كلامٍ بديته
واعداد همال المطر في منشاه[/POEM]