منبع الحب

[بن عواد]

منبع الحب منبع الحب منبع الحب منبع الحب منبع الحب

[POEM="type=0 bkcolor=#FF0066 color=#FFFFFF font="bold large 'Simplified Arabic', Arial, Helvetica, sans-serif""]ربي خلق مخلوق فتنه على الناس
يبرق جبينه مثل براق في مزون

شعره سبيب الخيل لتاج لباس
اشغل جميع الناس وابليس ملعون

ليا مشت خلخالها دق الجراس
يخلي العشاق خلفه يسيرون

لاباس ياقلبي وانا اقول لاباس
ياقلب ياللي في هوا الزين مفتون

وترى الهوى ياقلب له عدة اجناس
له ناس هدامه وله ناس يبنون

وله ناس تحشم به وله ناس تنداس
وله ناس تشري حبها لو بمليون

يشبه حرار الطير والصقر قرناس
في ايدين من لصيد دايم يهدون

والحب ماهو عيب لاصار بقياس
حب الشرف والطيب والخل مصيون

والحب له تاريخ مع كل الاجناس
في الجاهليه قبل الاسلام يقولون

حب الصحابه للنبي صدق واحساس
للي طفى نار الجهاله يودون

لكن حب اليوم مابين الانجاس
بالسن يضحك والخفايا لها لون

بعض البشر ياعلهم زاد للفاس
اللي يفتش للخبايا ويعدون

يفرق الصدقان للكذب دساس
يبيح سرٍ فالخفا كان مكنون

الحب ياغافل كما خاتم الماس
ماهو رسالة حب حتى تسلون

وبحر الهوا مايشرعه غير غطاس
ياكم رجالٍ عن طريقه يولون

واليوم طاح السن والشيب في الراس
وغيري كثير من المحبه يملون

واختم بذكر الله كلامٍ على ساس
وعداد حجاجٍ في مكه يلبون

وصلوا على سيد البشر مجلي الباس
عداد من كبر ومنهم يصلون[/POEM]