وين العيب ؟

[إحفظ الله يحفظك]

رجعت لموضوعك ياأبو فهد
أولا أنا رجل ولست إمرأة لكني مع المرأة ومع الرجل أيضا
ثانيا إنت كتبت موضوعك عشان نتحاور لكن اللي تبين إن إسلوبك بعيد عن المحاورة الهادفة وأتفق مع الأخت الكريمة مايميزني لقب بأن أسلوبك عقيم تبغى تثبت إن كلامك هو الأصح
بس أنا مستغرب كنت أتوقع اللي كاتب الموضوع متزوج لكن تبين إنك عزابي تزوج وشوف الجانب المشرق عند المرأة
ذكرت إن النساء في بعض الدول هي اللي تدفع المهر كل دولة وعادتها بعدين لاتنسى إن عندهم مؤخر
وبعدين المهر من حق المرأة وذكر في القران والسنة ماأختلقنا شي من عندنا وهذا حقها
إنت ذكرت قصة لنا عن معاناة الرجل أنا أبذكر لك قصة عن المرأة وواقعية وصارت ومازالت تحدث
إمرأءة تزوجت من رجل مع مرور الأيام إكتشفت إن على علاقات محرمة حاولت بشتى الطرق إنها تنصحه ترجعه لها لكن كل المحاولات مانجحت فيها تطلقت خرجت بتجربة فاشلة خسرت كل شي غير نظرت الناس لها وكأنها هي المجرمة في حقه هو بعد كم شهر تزوج إكتشفت إنها حامل ربت ولدها ويوم عن يوم ولدها يحسسها إنها هي السبب في إنفصالها عن أبوه كبر الولد راح يدور لأبوه
اللحين قول وش الشئ الي خرجت فيه من هالزواج الفاشل حتى المهر صرفته في زواجها
ولاتنسى المثل اللي يقول وراء كل رجل عظيم إمرأة والمرأة هي اللي صنعت وربت الرجال
وبصراحة ماألوم الأخوات كابتشينو ومايميزني لقب في ردة فعلهم
ومثل ماقال الرجل العنكوت
نعيب زماننا والعيب فينا