فنجال .. وعلوم رجــــــال .. !!

[سهيل2012]

المشاركة الأصلية كتبت بواسطة النادر

بطريقتي بعيدا عند الديابيج اللغويه او العصيدة الشعبيه وسموها بكيفكم منهجية جديده للسوالف ان شئتم وتروها من صماصيم الدماغ قصة قديمة وصغتها بطريقتي وطازه على قول السودانين حااااااااره يازول

[poem="type=1 color=blue font="bold medium tahoma, verdana, arial, helvetica, sans-serif""]لي صاحب امس المساء جاب لي علم=يقول والعهده على راوي القول
فيما مضى قصة واذا ودكم حلم=معرض سوالف كلها هول في هول
الذيب خاوى له حصيني على سلم=يتناوبون القنص دول باثر دول
وماجاب واحدهم يقسّم بلا ظلم=بين الثنين وجايب الصيد مسوول
وابطو وهم بين القرى رزقهم هلم=مره دجاج ومرةٍ كبش مفتول
ومر الزمان وليلهم دايما بلم=والناس ضاقت والقرى همها ذول
وجابو كلاب وعينوا حارسٍ ولم=وضاقت على حلف الفلس عرض وطول
الين نادا الذيب وهو جايع ٍ شلم=يابو الحصين اقرب..تسمع لذا القول
سن الزمان اللي ضحك بان به ثلم=والموت يالحصني بدا يعزف طبول
تعال صارعني واصارعك ومن سلم=ياكل خويه مابها غدر وخمول
قال الحصيني ذا المسا اجيبلك علم=والا تصارعنا انا وانت لاحول
واخذ شوي وجاه يعدي وهو كلم=(قم صارع الكلبين) (انا باشغل الزول)[/poem]

والله والنعم بك يالنادر .. وبمنهجيتك الجديدة .. بالعكس .. استحدثت طريقة في السرد ليست

موجوده - حسب علمي - إلا في الفصحى في كتب الأدب .. يأتينا مثل هذا في النصوص الأدبية التي نعلمها للطلاب في المدارس في الصف السادس .. مثل :

( يُقال كان الكلب ذات يوم * بين الرياض غارقا في النوم )

وقس على نحو ذلك ...
أما السرد للقصة في نصّ ٍ عامي .. لم أقرأ شيئا مشابه .. والله أعلم ..

وهي تحسب لك أيها النادر .. في جميع الحالات ..

وقد تذكرت قصة طريفة حدثت لثلاثة نفر من المسلمين .. الأول بدوي .. والثاني حضري .. والثالث باكستاني .. تخاووا في رحلة صيد ..

في اليوم الأول انتخى البدوي أخو شمّا وقال عشاكم على الله .. ثم عندي - إن شاء الله .. بتـّل البواردي معه بارودته .. وصاد غزال جميل سمين .. وجا مشتلّه على ظهره .. وتعشوه الثلاثة ..


وفي اليوم الثاني انتخى أخو سوسن وقال : ابشروا بالعشاء .. وراح ورزقه الله بهاك الأرنب الرابضة ..صادها وجابها .. وتعشوها الثلاثة ..


وفي اليوم الثالث انتخى أخو بوتو وقال : صديق عشا موجود بعيد لا يروح !

راح الباكستاني .. حدر سند .. تقمّح لين قريب المغرب ما لقي ولا صيد لا غزال ولا حتى قمريّه

ويوم نكس راجع .. ولا (سعدان) من قدامه مروّحه مع الجبل .. ويصكله واحد منها .. ويشتاله فوق ظهره لين جابه عند خوياه .. ويخبطبه بينهم !

ويوم شافوه وهم يصيحون : وش هذه يا غلام ؟ ؟

قال غلام : هذا فييييه ( قزااااال) قرنه كسّر ،،،، ذيله طوّل ،،،، ........... همّر ( حمّر)

وكل واحد
يعبي الفراغ حسب فهمه !!!