سافر .. وكأننا معاك

[منقاش]

يبو العلا حرام عليك , حرام حرام , أنت ما عندك علم والا خبر أن بهالمنتدى ناس متيمين بهاك الديار ومن سكن الديار ؟؟.
ليش تجيب ذكر عورش ونجلها وباقي العوارش ونبتها؟, ليش تجيب طاري النحيلي والحبق والبواقي ؟؟ , ليش ليش تهيج الذكريات وتزيدنا وجدا على وجد من حيث أدري ومن حيث لا أدري؟؟.
يبو العوالي هاك الديار ومعها شث وعلق وغيرها من منازل الفرق والنزل عالقه بها عندي ذكريات الطفوله المبكره كلها .
الذكريات عالقه ببطاحي هاك الديار واوديتها النظيفه اللي ينساب نجلها من فوقها صافي ورقراق ما يكدره مكدر ويحفه الحبق الطبيعي من كل جانب , ووالذكريات عالقه بجبالها الشم النايفات العاليات الذرى اللي يحلي في مميل فياياها عصاري جميع الأيام ..
يبو العلا أنت أول واحد من اعضاء هذا المنتدى بدا لي من كلامه انه شاركني في هالتجربه الحياتيه الجميله , وذكرني بأيام الصبى والصفاء , ايام الصبا والعوالي وذكريات الخوالي من الأيام الغوالي ..
وينك يا حليفي يا عمده يا مقداد ؟ , وينك ما تقول لأبو نقشه ليش هذا التناقض ؟؟ , ليش امس تعاتبنا على حنيننا لقرانا , واليوم تروح وتعدانا وتطب من ورانا لعوارش وعلق وتحن وتون عليها حنين وأنين الثكالى ؟؟ ....
يبو العلا الجمال اللي في الصوره صناعي ومحدود بزمان ومكان , والجمال اللي تذكرته وذكرتنا به طبيعي , وشتان بين الثرى والثريا , وشكرا ....