أين أنت يا منقاش ؟

[منقاش]

يا ليل يا عين , وهالحين دوبك يبو نقشه فهمت ويش سدك يا جبل وانت طول ليلك شاد حيلك وقاعد تفكر وتضرب الأخماس في اسداسها , مره في المخاوي ومره في سالفة جلود حمير الأهالي؟؟.
اهاهههه , هالحين دوبي اكتشفت سر المتاجره بالحمير , ودوبي اكتشفت سر الباكستانين اللي قبل كم من سنه كانوا وربما لا زالو ينصبون في الفخاخ والأشراك للحمير السايبه في حمى ثماله وفي وادي علق ,وينصبون على اهالي القرى اللي يمثلهم بينكم حليفنا العمده المقداد , وبعد تجميعها تجيهم اللواري والشاحنات الغريبه مع الناس المريبه ويحملونها وآخر ما جاء عنها ذمر والا طير عنها خبر.
وللأسف كنا كل ما سألنا واحد من انصار القريه (ربع العمده المقداد) عن سر هالمتاجره المريبه؟, وليه على الأقل ما تثور عندهم الحميه والنخوه ويردون الباكستانين عن صيد حميرنا الأهليه اللي أصبحت وحشيه لا تكلفنا ماء ولا ضرمه ولو حتى لويه؟؟.
وكانوا كل ما سألهم سائل عن سر هالسوق السوداء للحمير الوطنيه ؟, يجي جوابهم خليط من السطحيه والنقمه على حمير السعوديه والغفله عن ثروه من ثروات الوطن المعطاء والمواطنين الأغبياء اللي تخطف ثرواتهم من بين اديهم وهم فاتحين افمامهم ولا يدرون عن السالفه ولا عن العلوم المخالفه..
تدرون ويش كان جوابهم ؟ , يقولون : الظاهر أنهم يودونها لبدو الشمال (يعنون جماعة المخاوي) حتى يسقون عليها والا يحتلبونها ويشربون حليبها لعلاج القحيزبان , ويش انت خابر احد يبغي بالحمير ؟..
خلها عساها تخلي الين ما يبقى منها ولا حمار وينقطع عنا نهيقها اللي تهايط به من قفانا على ظهور هالحدبان , خلها عساها بالمحقه اللي تمحقها , هذي مسرفه ومتلفه وياكم سرت على مزارعنا وعلى خضرنا وقللت علينا بركتها على ما بها من قلة البركه , وياكم ديعت في قطرنا وحجرنا ووسط اوديتنا واغثتنا؟؟.
شفتم كيف كانت تجي اجوبتهم ؟ , وهالحين نتفاجأ ودوبنا اكتشفنا انهم يهربون حميرنا من وسط حمانا وطرف علقنا لكوماهو الجاباني ونتنياهو الصهيوني ونحنا لا علم ولا خبر ويا غافل لك الله , وبعضنا بلغ يه الحال انه يتقحم البحار ويتكبد عنا الأسفار حتى يروح يدور عن فضل الله أما في اواسط آسيا أو افريقيا وبقية اراضي خلق الله وتارك ورا ظهره الثروه الوطنيه لشريطية السوق السوداء...
اني ابو نقشه , وينكم يا المدافعين عن البيئه والحياه الفطريه ؟, وين الشيخ سلام ووين انصار البيئه ؟, ووين ابن همام داعية هدم المحاجي وتكبير الملاجي للحيوانات البريه والحمير الأهليه ؟, وين جمعيتنا الخيريه ووين اهل النخوه والحميه ؟ ..
هاهاااااه , يقولون يبغون جلودها ؟, وامعورتك يا منقاش بالمعوره , يبون يشحنونها متن السفن ويعذبونها ويجوعونها حتى ما تصل الا هلاكى ما عليها الا جلودها لأنهم ما يبغون غيرها ؟؟. شفتم كيف أصبح مصير حميركم في مهب الريح؟.
والختام , اره يا ربعي تكفون , من فضلكم بعد وصلت مافيا الحمير لعقر داركم ارفعوا هذا الشعار , لا لا لتهجير وتصدير الحمير بعد اليوم , وهو ما لقيوا عندنا شي قابل للتصدير الا حميرنا ؟؟, ما كفاهم انهم نهبوا الأرض وما تحتها وجاين هالحين يبون ينهبون اللي يمشي فوقها ؟؟.
وان كان ولا بد فجحا اولى بلحم ثوره ونحنا اولى بجلود حميرنا ومستحضراتها الطبيه , والصهاينه واليابانيين ان كانوا رجال فنحنا رجال مثلهم وعندنا عقول احسن من حقتهم ونقدر نصنع من جلود حميرنا ادويه طبيه ومن مخلفاتها اسلحه نوويه , وخلوا سمننا يبقى ليديمنا وعسى الله يديمنا , وسلامتي وسلامتكم من بعدي.....