فنجال .. وعلوم رجــــــال .. !!

[سهيل2012]

( علوم رجال )

هذا سالفة وحد من جماعة الربع ( سوّاق ) قلاب وشكله شكل ( حونشي ) دائم رامي

الغتره على جنبه !

وشكله يخوف .. وجهه تقول ( حارة وادي النمل ) من كثر الضربات والمطبات .. هذي ضربة

مطوة .. وهذي شكة مشرط .. وهذي حذفة حصاة !!

وهذا دليل على إقدامه وشجاعته .. فالضرب في الوجه ليس عيبا ولا مذمة !

وهاك اليوم يقول :

جيت عند ( القهوة ) أبي أكيف رأسي .. وفيه عامل توّه جاي من اليمن وجديد على الزبائن

والشغلة .. وداخلته ( فجعه ) من وجيه بعض العرب وسوء معاملتهم !

يتابع خوينا قائلا : دخلت القهوة مكفهر الوجه ورميت الغترة على المركى وصحت قائلا :

قهوجي .. قهوجي .. قهوجي ؟؟؟

جاك العامل الجديد مسرعا ( مفجوعا ) حاضر .. حاضر .. ما تشتهي ؟؟

قال : والحديث لصاحبنا : أنت من أنت وش اسمك ؟

قال : صااااالح !!

وأمك وش اسمها ؟

قال : أمينه !!

يقول صاحبنا : العامل مسكين خائف وارتبك .. هديت الوضع وقلت روح عطني :

براد أبو أربعة وحجر !! يالله بسرعه !!

يقول : مشى وهو شكله ما فهم طلبي .. وتخرفع ورثع له في مسند وطاح على خشمه !

المهم راح وغاب خمس دقائق وهو جائب الطلب :

( براد أبو أربعة ) ومعه فنجالين بادريق ومعها ( حجر ) من حجارة الديرة كبر حبة الكمثرى !!

قال صاحبنا : عرفت إنه فهم كلامي غلط وما عرف ماذا أقصد بالحجر !

قمت ولقطت الحجر وسألته : ما هذا ؟

قال : الحجر اللي طلبته يا عمي !!!

يقول : وأنا أهوب عليه بالحجر وأخوفه .. وهو ( يفلح ) وبعد يومين أسأل عنه ..

قال صاحب القهوة : دخل حدود اليمن وحلف ما عاد يطب السعودية !