مجالس الصائمين

[@ بن سلمان @]

انا والله ما فيه صبر الين الساعة 12 بالرغم اني جلست في بطن امي 9 اشهر
البارح كنت في المكتب وكنت انتظر اهم امرين الاول انتظر بيان مجلس القضاء الاعلى بشأن الاربعاء هو رمضان والا المتمم ل 30 من شعبان و كنت منتظر اكلم البيت يعطوني لسته بمقاضي رمضان ( سوداني ما قضا للحين ) ولي اسبوع كل ما قلت للاهل وش تبون قالوا بسيطه شوي نكتبها لك ويسفهوني لين البارح لزمت فيهم قالوا نشوف ونكلمك
شوي وتجيني رسالة اطالعها الا وهي مقاضي رمضان وبغى يغما علي تصوروا عجينة سمبوسة ودقيق دبي وحب للشربة لو بغيت اغير عن كويكر و ( بس )طبعا هذه لمقضاة لاسبوع
طيب الناس اشوفهم يحملون من يوم نزل الراتب وتلقى الواحد على الكاشير ويدف له في عربية وبزارينة يدفون في عربية وكنا ما نعرف الشوربات او اللحمة الا في رمضان ( عالم محرومة )
وعشان تعرفون ان كل عايش بعقله كلكم سمعتوا حملة العثيم اللي يمن بها علينا مسوي عرض على الفيمتو القارورة ب 3,5 اللي تاخذونه انتم ب 8 ريال ( طبعا انت تجي تحمل عربية بطعم قارورة فيمتو ) ولا يحق للمشتري اكثر من قارورتين ( بالرغم ان الشرع محلل اربع ) وفيه بدوي وكلنا بدو لله جار عياله الخمسة معه وكل واحد جار له معه قارورتين ( لا يالذهين ) ويجر ون لهم في عربية دورين مقاضي يعني يمكن يحاسب ب 800 ريال ضريبة عرض فيمتو ب 3,5 ريال
وكل عام وانتم بخير