باركو لي المنصب الجديد

[شبلي أبو الونات]

احب اقول للعلامة الشيخ مخاوي الشر ان هذا حال الدنيا ولو دامت لك ما وصلت لغيرك وانشد بن عزاب انا صوتي طبعا وصل وانا ما ابتغي من احد جزاء او شكر فهمي المصلحة العليا لكن اللي صار امس يوم الجمعة نزلت البلد ابي لي اعشاب عطريه حبق ودوش وبعيثران والين ما القى اخس من ان وجهك يطيح بوجه الخافي منقاش وهو جالس يغرز في عمامته ويفلى في راسه وتشوف وحهه يوم سود على مابه من سواده وقال انت وش تبي قلت شوفتك الا انت وين خافي ما لك حس قال كيف تبيني ابدي والمخاوي مدرع الناس فتاوي ودروس ومحاذير مني كل ما جيت بوجهي لاحد اعطاني ظهره ولد عني , قلت انا مصدر ان كان تخاويني قال انا حماري في برحة السليمانية قلت يالله دربنا واحد وانا احط ايدي في يده ونمشي وهو يخرط و ينظم علي وكلمه ارد عليها وعشر اتركها تصعد السماء الين وليانا واقفين عند فلافل ابو عنتر وانا اقول له يا منقاش الجوع حايفني ابدور لي لقمه ان كانك ما افطرت خاوني قال انا بعد الصلاة جوني بتمر واضرب لي منه وتر ثلاثين حبه والحقها لبن وهذا انا والله لين قبل شوي وانا اتاغر لكن خلنا نفطر قلت حياك الله وابي اطلب لك فلافل قال ما اقدر على الحوار والتختتور مانعني منها قلت هذه ما هي حوار هذه حمص مطحون بس اسمها كذه
وحنا نفطر وكل منا يروح في حاله .