أعطوا لأبو نقشه رايكم ؟.

[منقاش]

قبل أبتدي في الردود خلوني أسجل واحده من أيجابيات عيالنا واخواننا اللي كانوا السبب فيما كتبنا , أيجابيه تدل على ذوقهم وأدبهم يوم ألتزموا الصمت ولا كابروا ودافعوا عن باطل , هذا اولا .
الثانيه : من أيجابيات هذا المنتدى هو القلب الكبير والطيب لمشرفنا العام ابو عبدالرحمن اللي يستوعب كل أطيافنا , أطياف العمر , واطياف الثقافه , وأطياف المزاج , وغيرها , وهذا جانب يشكر عليه جزيل الشكر ابو عبدالرحمن , واعتقد أن هذا سر من أسرار أستمرار بقاء ونمو المنتدى .
الثالثه : ظاهرة وجود ناس بيننا يحتدون ويقسون في الردود غيره على المحارم والشيم والقيم أمثال أخويه حامل المسك واخويه ابن ابي محمد واخويه عبد ربه ظاهره طيبه وصحيه لها أيجابياتها اللي ما نستغني عنها , واللي ما يعرف أخويه عبد ربه يراجع ألأستراحه ويلقاه هناك جزاه الله خيرمن أشد المنتقدين للشيخ منقاش , وقال له أتق الله , وأنا أقول له لا خير فيكم أذا لم تقولوها ولا خير فينا أذا لم نسمعها , وهذا الكلام أسجله لكم حتى يعرف ألأخوان اللي أخطوا وانتقدناهم أن كلنا نخطي حتى شيباننا , وكلنا ننصح , والواجب نتقبل النصح ونشكر الناصحين .
والآن نعود للردود :
مشرفنا العام العزيز ابو عبدالرحمن : الحمد لله اللي شفتك تحت النار مثل يوم سار ابو نقشه تحت النيران في موضوع الثعبان والوغيفه , ولا وقف معي يومها ألا حليفي الكبير عميد الكاتره الدكتور مشعان , وحليفي العظيم المشرف الفني .
أما بخصوص بحث ما طرحت , فأنت تعرف أن ابو نقشه بدوي ولا يعرف ألا سبول القبايل , وترك التوسع في البحث أفضل لأن ستر المعاني عنبرا لها , ولا ودنا نستجر موضوع الخلاف ونجرح مشاعر أخواننا اللي من ذوقهم ما دخلوا في نقاش معنا , وان كنت مصر فلا أظن رايح يرد عليك ألا ابن أبي محمد .
نعم , ما دخل الرفق في شيء ألا زانه , ولا نزع من شيء الا شانه , ونعم لحديث السائل اللي ذكرت , ونعم لحديث ألأعرابي اللي بال في المسجد اللي ما ذكرت , ونعم لغيرها من مواقف الرفق , ونعم لغيرها من مواقف الحزم اللي ما يخشى العبد فيها في الله لومة لائم .
الزبده : أغلاق الباب اللي يجي منه ريح , واللي أصبح معروف , بمثل الحزم في أغلاق المدايح اللي قالها الشعراء في أبو نفشه , وان كنت ناسيها مستعد أعيدها ..
اخويه الكريم , ابو رامز : أشكرك على مدحك لأبو نقشه اللي ذكرته في ردك , ومثلك يعرف أني مغرم بالمدايح خصوصا مدايح الشعراء , لأجل كذه أن كنت تقرض الشعر دفنا بعشرين والا ثلاثيت بيت نقهر بها عدانا ونفرح بها قلوب محبينا , وسلامتك ...
بقية ألأخوان اللي ردوا : أعذروني , أخرت الرد عليكم حتى لا أطيل المداخله , وحتى أرفع موضوعي لو شفت واحد يطلع على موضوع ابو نقشه موضوعا ثاني .