سجل حضورك ببيت من شعر******

[ورد الهدى]

مديت دربيلي لروس الشواهيق
ولمحت فعلا الرجم شاعروعملاق
وصوته جذبني بالحن والطواريق
صوت صداه يروج في صمت الافاق
واشعل فتيل النار بين المعاليق
واحرق هميد الشعر في صدري احراق
وسقت القدم ماهبت رمي التفافيق
حتى بد يت بعالي الرجم مشتاق
وقبلت اهنيله بفرحة وتصفيق
وقت انت (ياعكاشة )مثل وانت سباق
جملت وجه الشعر ماجبت تلفيق
ورفعت راسه فوق عن كل ملااق
اشهد شهادة حق للكيف ذويق
وفنجاله (النادر) ليمناك ينساق
ماهمني وجيه غشتها المساحيق
الي جمال الوانها كذب ونفاق
ناس ورى الشهرة تلاهث مشافيق
بشتى الطرق لو تسحب البيت بشناق
ناس تنمق بتفة الهرج تنميق
وتهين قدر الشعر ويعاق ويعاق
ويد س راسة في الثرى كنه الهيق
خوف من ( النقاد ) عالين الاذواق
نقادة الهرجة مبين المخاليق
ماغرها الغادي ولا بايق باق
الي تطبق وزنة البيت تطبيق
وتحطله مدخل ومخرج ومنطاق
يافزعتي خلف الضلوع المغاليق
يامسندي لا حتاس جوي ولا راق
ياهاجسي رد الجمل والملاحيق
وتتبعك عفر ماخلق مثلها نياق