سجل حضورك ببيت من شعر******

[ماندم من سكت]

للعشق درب وللمحبه مشاوير=ولاشك طرقتها عليها قسايم
يا اما فراق احباب والا مقادير=تجمع وتبعد بين هايمو هايم
تلقى شقي القلب نومه تفاكير =لاهو بلا صاحي ولا هو بنايم
قد كشرت له ضحكة الوقت تكشير= وقد فرت اظلوعه رياح السمايم
يطيح في درب المقادير ويسير= بين الرجى والياس طايح وقايم
تضوي عليه اهموم بقعا طوابير=وتودع ظلوعه خاويات(ن هشايم
وان جت طيوف اصويحبه له مسايير=يزوع من حلو الكرى وشايم
يزوع من غفوات الاحلام ويطير= زوعة نداوي(ن) على الجول حايم
ان قام حظه مالتفت للمخاسير=وان طاح حظه ماحسب للغنايم
ترضيه شوفة صاحبه عقب تعزير= وتبكيه للحظات الجفى ويتضايم
تلقى على عينه من الشوق تاثير= وتقرا على وجهه جروح الهزايم
يلي تسبون المحبه خبر خير= لاتلحقون اهل الغرام الشتايم
العشق له عند المحبين تقدير= ماهو بسلعه بين بايع وسايم
في سلمه ان البعد ماله معاذير=وان الخيانه فيه اشد الجرايم
هذي سلومه كلبوها ومن غير=صد(ن) يدور هرج عاذل ولايم
والعشق ماعذرب وجيه المناعير=الي تعصب بالعقل والعمايم
يردون له مثل الضمايا على البير= الي على هداج ماها تلايم
وان لاح برقه فالمزون المحادير=واصبح سما جوي من العشق غايم
حبيت لي ترف(ن) من الغيد واصغير=وافطرت في حبه ولو كنت صايم
واصبر على درب الهوى والمشاوير=حتى لو اني قد خذيت القسايم