ليـــــه يقولون جيل زمان آفـــلح من جيل هالأيـــآم ؟؟؟؟؟

[حسن حامد]

مستحيل يكون شباب اليوم مثل الأمس

,,,

قلتولي ليه؟؟؟؟

السؤال دائما بالأخظر

ا

الشغله مو عن نقص يد او رجل او بلادة او مياته او اننا فاشلين
السالفه ومافيها اننا وبكل صراحه ننتمي للعولمه ونجاري تطوراتها الأيجابيه
ولوا صارح الواحد نفسه بيشوف ان اللي كانوا يسوونه اجدادنا زمان
ويطالبونا باننا نكون مثلهم او يتحسفون اننا مو مثلهم فالي كانوا يسوونه
بيكون ردي انا شخصيا اللي كان في زمنكم مات مع زمنكم
ولو نوافق على اللي يبونه بينعتوننا الناس بالمتخلفين
نعم تخلف في زمننا مثل ماهوا شيئ جميل في زمنهم

ليه تخلف؟؟؟؟
لأنهم في زمنهم ماكانوا يعرفون كمبيوتر ولا جوال ولا سيارة الى ماندر وغيرها اشياء كثيرة
يعني كانوا يعيشون حياة فضوا فيها للقدعنه والكد وتحمل المسؤليه والمثابرة في الحياة
ويشوفون ان اللي احنا عليه اللحين على قولك نطفح في النعمه ولا نهمتم بأدنى شاردة او واردة

لاكن مستحيل نترك جميع المغريات ونرجع ريوس ونصير بدائيين

نلاحظ ان مخ الشاب السعودي والبنت السعوديه فيه ايجابيات ماكانت عند جدي ولاجدتي

ايجابيات من دون طرحها اضنها واظحه _الثقافه _الوعي_واللي اهم من ذا كله نستطيع ان نبني وطننا بعقولنا وليس بأيدينا (((( صحيح العقول ماعندك احد بس اعتبرها مجامله))))
اللي قبلنا همهم يبنون مستقبلهم ويلقون لقمة العيش
واحنا همنا نتعلم من اصغر معلومه لأكبر معلومه
نحاول ان نضيف شي ينفع وطننا او على الأقل يشبع رغباتنا ويحسسنا بثقة الذات

وعندنا سلبيات ولا ادشر شايب يعرفلها
لاكن مثل ماقال عبدالعزيز الرحابي رحمه الله: المصيبه اني سعودي لاكن مستحيل اني اقبل كوني غير سعودي

المشكله اني طحت على الموضوع ويدي تحكني ابي اتفلسف بس اتمنى تكون وجهة نظري مقبوله

اخوكم : حسن الثمالي