وفد ثمالة الى أرض ألأحباش(ح9)..

[منقاش]

حليفنا عميد منتدى الرحلات الشيخ ابو سيفين دام ظلنا وظله وقدس سرنا وسره ..
السلام عليكم ورحمة الله وبركاته , وعلى جميع القراء , وعلى جميع حلفانا وفي مقدمتهم عميد منتدى الحياه الفطريه الشيخ سلام سلمه الله والعمده المقداد بن ألأسود أيده الله , والشاعر الملهم سنا الهجره نصره الله , والشيخ ابن همام حفظه الله , وكل عام وانتم جميعا بخير (يستثنى من هالتبريكات عدو الشيخ المتسمي زورا وبهتانا بمخاوي منقاش) , وبعد :
ما يخفى عليكم ولا علينا أن برستيج ألأماره هو السبب اللي حال بيني وبينكم ومنع التواصل معكم , ويبدو لي أن ولد أم محمد ما قصر وقام بالواجب نيابه عنا..
لكنه نسي لاينب عليكم بمنبوبه يذكركم فيها أن العرب والحبشان واليهود كلهم عيال عم , يعني كلنا شعب واحد وأصلنا واحد (سامين) وربنا واحد , ويعني ما يهمنا في شغلة ألأستثمار هذي , سواء كسبنا أو خسرنا ماديا , أنما المهم هو أننا نحتسب أستثمارنا في النهايه كصلة رحم , وكما يقولون , الدعوه من سمننا في يديمنا , وأذا ما ضحك عليك ألا ابن عمك ويش همك , وضحكة القريب ولا ضحكة الجيز المعدي .
أكبر خدعه لقيت الحبشان ضحكوا بها على العربان (السعوديين) في الوقت اللي سلم منها غيرهم من المستثمرين ألأجانب من كل الجنسيات , هي تسليمهم أراضي ماهي مستصلحه , يعني أنها صالحه للزراعه لكن بعد قص الغابات والأحراش اللي تغطيها , وأكيد أن فيه خدع ثانيه وثالثه ما أكتشفناها بعد , وخصوصا الخدع القانونيه نسأل الله العفو والعافيه ..
على كل حال , ما أحب التوسع تمشيا بسياسة التعتيم الجديده اللي أنتهجها الوفد مؤخرا مع القراء اللي ما يحبون صلة الأرحام , لكن العازمين منكم يبشرون بما يسرهم , ولا يفوتنا توجيه الشكر لكل من سعل عنا , وكل من قرا وتفاعل مع ما كتبنا ...