لمحات عن رحلة الوفد ألأخيره .

[منقاش]

ثالثا :
في البدايه أعتذر لكتاب وقراء منتدى الحياه الفطريه وكتاب وقراء منتدى الرحلات عن أحتجاب مشاركات بدر الدجى كل المده الماضيه وأحتجاب ردود بقية أعضاء الوفد (ابن أبي محمد ورويعي الغنم) .
أعتذر وهذا (كما لا يخفى على عاقل منكم) هو حالي وحال كل البدور اللي تختفي أكثر من ما تظهر على مر الدهور وكر العصور , وفي بعض ألأحاين لربما خسفت وأختفت أو كادت وهي في عز بدورها .
والخلاصه , هاااا قد عاد الوفد من سفره قبل ليلتين, وابشركم (في هالمره) أن بدر الدجى وعرعرة المنتدى ترك الكثير من ما في الراس واعتبر بحليفه زين العابدين ولد علي , وتيقن أن هالدنيا ما تدوم لأحد وأن حلت أوحلت , وقرر التخلي عن التسلط والدكتاتوريه وفتح بيبان وطيق وسراديب الديمقراطيه والسماح بحرية الراي والرأي ألآخر .
وهذا هو الدليل قدامكم , شوفوا الرويعي وابن أبي محمد كيف تركتهم هالمره يكتبون اللي في روسهم بدون أي تدخل من سماحتنا , وألأكثر أني تواضعت وسمحت لهم يكتبون قبلي , وصدقوني أنه حتى لو العنز الجرباء (المخاوي) كان معي في الرحله لا قدر الله أني لخليه يقول ويطول لأن شعار ابو نقشه بعد اليوم متى أستعبدتم الناس وقد ولدتهم أمهاتهم أحرارا .





الكلب السرلنكي اللي تشوفون صوره , ترونها معبره ولها معاني عميقه ومرامي بعيده , وتعكس فيما تعكس جانب من المزاج العام وسلوكيات الناس اللطيفه في هاك الديار , فلو كان الكلب اللي تشاهدونه في الصوره من كلاب دياركم , كان ما قدر ينام قرير العين هانيها على طرف سكه تخاطف السيارات من عليها , لأن ألأشرار والأشقياء من صبيه وكبار ما لهم رادع ولا وازع بهالديار بالرغم من سماحة دينكم اللي يحثهم على الرحمه, ويسرد لهم قصص تبين فضل الرحمه , واحده منها تقص قصة مره من بغايا بني أسرائيل دخلت الجنه في كلب أروته من العطش .
وحتى لا نطيل عليكم نتوقف , وخلوكم معي ومع أعضاء الوفد في المداخلات الجايه حتى نكمل لكم العلوم , وشكرا ....